وتووێژ:ئەستێرەگەڕ

دەربڕینی ناڕەزایەتی بەرامبەر بە سڕینەوە

سەرچاوە زیاد کرا.کاردۆ جاف (لێدوان) ‏٢٣:٤٥، ٢١ی شوباتی ٢٠١٨ (UTC)

شێوازی نووسینی ڕێکەوتەکان

سڵاو، کاک @کاردۆ جاف: تکایە لەکاتی نووسینی ڕێکەوتەکاندا پەیڕەوی لە شێوازی وپ:ڕوژ بکەن. سپاس! -- ⇐ئارام _{وتووێژ💭} ‏٢٢:٠٦، ٦ی حوزەیرانی ٢٠٢٠ (UTC)

سڵاو کاک @Aram:، ڕاستە پێشتریش پێمیان وتووە، بەڵام بەڕاستی ناوی مانگە ڕۆمییەکانم لەبەر نییە و لەکاتی وەرگێڕاندا پێم سەختە بۆ هەر ڕێکەوتێک سەیری بەرامبەرەکەیان بکەم و هەروەها دڵنیام کوردی ئەم دیو ژمارەی مانگەکە باشتر لە ناوە ڕۆمییەکەی تێدەگەن بەهەر حاڵ هەوڵ ئەدەم چاکی کەم. سپاس کاردۆ جاف ^{(وتووێژ)} ‏ ‏٢٢:١٠، ٦ی حوزەیرانی ٢٠٢٠ (UTC)

سپاس کاک @کاردۆ جاف: دەتوانیت لێرە بڕوانیت. ھەوڵدەدەم کارێکی خۆگەڕانەش بۆ ئەم ڕێکەوتانە بکەم، بەڵام جارێ دەبێت بەدەست بیکەین. سپاس! -- ⇐ئارام _{وتووێژ💭} ‏١٤:٠٩، ٧ی حوزەیرانی ٢٠٢٠ (UTC)

ناو

ئەم ناوە بگۆڕن تکایە. ئاسمان فەزا (بۆشایی) نییە.--چالاک _وتووێژ ‏١٤:٤٨، ٧ی حوزەیرانی ٢٠٢٠ (UTC)

بیکەین بە چی؟ پێشتر لەسەر بۆشایی و فەزایش وتووێژمان کرد ئەنجامی نەبوو. کاردۆ جاف ^{(وتووێژ)} ‏ ‏١٩:١٩، ٧ی حوزەیرانی ٢٠٢٠ (UTC)

ئاسمان یانی ئەو شیناییەی سەر سەرمان (sky)، مەعنای پیرۆزیشی ھەیە لە کوردیدا وەک گەلێک زمانی تر (heavens). ئەمە ناوێکی زانستییە. پێشتر لە وتووێژ:کەشتیی ئاسمانیدا باسم کرد بۆ لەگەڵ فەزام بۆ space نە بۆشایی. یەکەم، بۆشایی تورکییە. دووھەم، پەیوەندیی بە فەزاوە نیە یانی خاڵیایی. پیرەھەڵۆ (وتووێژ) ‏١٩:٣٠، ٧ی حوزەیرانی ٢٠٢٠ (UTC)

مادامێک وشەیەکی ڕێک و جوانمان نییە منیش لەگەڵ فەزام کە ئەم دیو و ئەو دیو دەزانن چییە.--چالاک _وتووێژ ‏١٩:٥٧، ٧ی حوزەیرانی ٢٠٢٠ (UTC)

واتە ئەمەیان بکەین بە فەزاگەڕ؟ یان پاشگرێکی تری پێوە بلکێنین؟ کاردۆ جاف ^{(وتووێژ)} ‏ ‏٠٩:٢١، ٨ی حوزەیرانی ٢٠٢٠ (UTC)

وشەکە لە ئینگلیزیشدا تەواو تازەیە وەک لێرە لە ئینگلیزیدا وشەکە یانی مەلەوانی ئەستێرەکان. لە کوردی و زمانە ھاوسێکانیدا دەبەسترێتەوە بە فەزا و ئاسمانەوە. بۆیە فەزاوان (وەک لەم ماڵپەڕەشدا نووسراوە)بە خراپ نازانم وەک باخەوان، مەلەوان و سەیدەوان و... پیرەھەڵۆ (وتووێژ) ‏٠٤:٥٧، ٩ی حوزەیرانی ٢٠٢٠ (UTC)

بۆچی گیرتان داوە بە فەزا؟ astronaut خۆ ھەر فەزای تیا نییە. astronaut دوو پارە: astro واتە ئەستێرە + naut واتە کەشتیوان، گەڕۆک (ھاوڕیشەی وشەی «ناوە»ی کوردییە بە مانای کەشتی، بڕوانن بۆ فەرھەنگی تۆفیق وەھبی). وشەکە بە ئەستێرەوە دەست پێ بکا جوانتر ئەبێ و لەگەڵ وشە ئینگلیزییەکەشدا گۆکردنی نزیکتر ئەبێ.--Aza (لێدوان) ‏٠٥:٢٦، ٩ی حوزەیرانی ٢٠٢٠ (UTC)

ھەر وام دەزانی خۆ بێ ئەعسابم :) نا کاک ئازا فەزا بۆ وشەی space بوو.

لە ئاڵمانیشدا وشەی Raumfahrer دانراوە یانی فەزا-ئاژۆ. یان Raumpilot یانی فرۆکەوانی فەزا. یان Weltraumfahrer, Weltraumpilot کە ئەوانیش یانی فەزا-ئاژۆ و فرۆکەوانی فەزا.

ناوە-یش بە مانای کەشتی نییە. بەڵێ لە ناو بە مانای کەشتی وەرگیراوە بەڵام شتێکی ترە بە ئنگیلیزی hod. بە بڕوای من فارسییە و لە فارسیشدا زۆر کۆنە [١].

--چالاک _وتووێژ ‏١٢:٢٢، ٩ی حوزەیرانی ٢٠٢٠ (UTC)

منیش نەموت فەزای تیایە. وتم بە فەزا لە ئاسمان گونجاوترە. چ لێرە چ لە وشەکانی تردا. پیرەھەڵۆ (وتووێژ) ‏٠٤:٥٥، ١٠ی حوزەیرانی ٢٠٢٠ (UTC)

سپاس بۆ ئێوە، وەڵڵاهی فەزاوان پێم وایە خراپ نەبێ، قسەکەی کاک ئازایش جوانە ئەستێرەوانیش باشە بەڕای من. مەرجیش نییە هەر کوتوپڕ لە ئنگلیزییەوە وەریگێڕین، لەم بابەتەیا ئەگەر بمانەوێ کاری واش بکەین ئەوە مافی ڕووسییە.کاردۆ جاف ^{(وتووێژ)} ‏ ‏٠٠:٤١، ١٣ی حوزەیرانی ٢٠٢٠ (UTC)