ویکیپیدیا:بەڕێوەبەرانی ڕووکار

بەڕێوەبەرانی ڕووکار، ھەروەھا ناسراو بە بەڕێوەبەرانی تەکنیکی، ئەو بەکارھێنەرانەن کە توانای دەستکاریکردنی پەڕەکانی CSS و جاڤا سکریپت و جەیسنیان ھەیە. ئەم پەڕانە لەلایەن براوسەرەکانی دەستکاریکەرانەوە وەک کۆد دەخوێندرێنەوە و دەتواندرێت بەکاربھێندرێن بۆ گۆڕینی شێوەی پەڕەکان و وەڵامدانەوەیان و دروستکردنی ئامرازی ئاڵۆزی وەک wiked.

پێشووتر بەڕێوەبەرانی ئاسایی دەیانتوانی دەستکاری ئەم پەڕانە بکەن، بەڵام دواتر مافی ئەوەیان لێ سەندرایەوە و ئێستا دەبێت لە پاڵ مافی بەڕێوەبەرایەتی ئەم مافەشیان ھەبێت تاوەکوو بتوانن دەستکاری ئەو جۆرە پەڕە تەکنیکییانە بکەن. بەڕێوەبەرانی ڕووکار دەبێت ئەو بەکارھێنەرانە بن کە جێی متمانەن و بە بەردەوامی دەستکاریی پەڕە تەکنیکییەکان بکەن.

سەندنەوەی ماف

لەم حاڵەتانەدا مافەکە لە بەکارھێنەران دەسەندرێتەوە:

• ئەگەر ھاتوو بۆ ماوەی ١٢ مانگ ناچالاک بوو
• ئەگەر خۆی کشایەوە یان داوای سەندنەوەی کرد
• ئەگەر بە خراپی دەسەڵاتەکەی بەکار بھێنێت
• لەسەر داواکاری لیژنەی ناوبژی