ڕیتا ھەیوۆرت

ڕیتا هیوارس

ڕیتا هیوارس هونەرمەندێكی ئەمریكی بووە و لە چلەكانی سەدەی بیستەمدا وەكو ئەستێرەیەكی پرشنگدار دەركەوتووە ، لە 17 ئوكتۆبەری ساڵی 1918 لەخێزانێكی هونەر پەروەر لەدایك بووە ، سەرەتا ژیانی هونەری وەكو سەماكەرێك لەیانەی شەوانە دەستی پێكردووە ، دواتر لەسینەما دەركەوتووە و بۆتە یەكێك لە ئەستێرەكانی هۆلیوود نەك بەتەنها لەبەر ئەوەی هونەرمەندێكی بەتوانا بووە بەڵكو مێینەیەكی سەرنج ڕكێش بووە و نازناوی شاژنی یەكەمی ئیغڕای لێنراوە. ڕیتا هیوارس زیاتر لە 37 ساڵ خزمەتی هونەری كردووە و نزیكەی 16 فیلمی دەركردووە ، پێنچ جار هاوسەرگیری كردووە ، یەكەمیان لەگەڵ ئیدوارد جودسۆن بووە و ماوەی پێنچ ساڵی خایاندووە ، دووەمیان لەگەڵ ئۆرسۆن وێڵز بووە و بەهەمان شێوە پێنچ ساڵی خایاندووە ، سێیەم هاوسەرگیری لەگەڵ كەسایەتی هیندی علی ئاغا خان ئەمیر بووە و منداڵێكی لێی بووە و ناوی ناوە یاسمین ، دواتر هاوسەرگیری لەگەڵ دیك هیمس كردووە دوو ساڵ بەردەوام بووە دوا هاوسەرگیریشی لەگەڵ جیمیس هیڵ بووە و بۆ ماوەی سێ‌ ساڵ بەردەوام بووە. ڕیتا هیوارس ساڵی 1948 كە تازە هاوسەرگیری لەگەڵ علی خان كردبوو سەردانی میسری كرد و كامیلیای هونەرمەندی عاشقی شا فاروق زۆر بەغیلی پێبردووە و لەڕۆژنامەكاندا ڕایگەیاندووە كە بەدوای علی خاندا دەگەڕێت و هاوسەرگیری لەگەڵدا دەكات ، خەونەكەی كامیلیا هاتە دی و چاوی كەوت بە علی خان و ڕێككەوتن گەشتێك بەنێو جیهاندا پێكەوە بكەن ، یەكەم گەشتیان بە فڕۆكەی میرلاند بوو بۆ ئەمریكا بەڵام دوای هەڵفڕینی فڕۆكەكە بە 10 دەقیقە لەسەر شاری بلبیس فڕۆكەكە تەقیوە و كامیلیا و علی خان مردن و خەونی هاوسەرگیریەكەشیان كۆتایی پێهات. ڕیتا هیوارس هەر لە وڵاتی میسر ماوەتەوە وەكو میوان تاكو لە 14 مایۆی ساڵی 1987 لەتەمەنی 68 ساڵیدا كۆچی دوایی كردووە.

وەرگێڕانی لە ویكیپیدیای عەرەبیەوە ( محمد فاتح )