عوسمان ھەورامی: جیاوازیی نێوان پێداچوونەوەکان

لە ئینسایکڵۆپیدیای ئازادی ویکیپیدیاوە
ناوەڕۆکی سڕاو ناوەڕۆکی زیادکراو
ب چاکسازی
ب "Kurdish_Hawrami_Singer_Osman_Hawrami.jpg" سڕاوە؛ Denniss ئەم پەڕگەی لەسەر کامانز سڕیەوە بە ھۆی: Copyright violation: One of the photos from this Flickr stream was subject...
ھێڵی ١: ھێڵی ١:
{{زانیاریدانی گۆرانیبێژ
{{زانیاریدانی گۆرانیبێژ
| ناو = عوسمان هەورامی
| ناو = عوسمان هەورامی
| وێنە = Kurdish Hawrami Singer Osman Hawrami.jpg
| وێنە =
| قەبارەی وێنە = 200px
| قەبارەی وێنە = 200px
| جێگری وێنە =
| جێگری وێنە =

وەک پێداچوونەوەی ‏١٠:١٦، ١٢ی ئابی ٢٠١٤

عوسمان هەورامی
عوسمان کێمنەیی

(عوسمان كێمنه‌یی‌, یان گه‌چێنه‌یی‌, یان هه‌ورامی‌) یه‌كێكه‌ له‌و ناوه‌ سیحراوییانه‌ی‌ هه‌ر لێدوان و باسكردنێَك له‌هونه‌ره‌كه‌ی‌ ته‌نها رنینی‌ كه‌مێكه‌ له‌باخێكی‌ فراوان, ته‌نها چنینه‌وه‌ی‌ چه‌پكێكه‌ له‌جاڕێك نێرگز ،ئه‌م ده‌نگه‌ زاده‌ی‌ ناوچه‌یه‌كه‌ هه‌موو شتێك تێیدا هونه‌ره‌, هه‌رله‌ هاژه‌ی‌ قه‌ڵبه‌زه‌وه‌ تاده‌گاته‌ ده‌نگی‌ ئه‌وكه‌وه‌ی‌ سپێده‌ زوو هه‌واڵی‌ له‌ دایكبوونی‌ خۆرێكی‌ نوێی‌ ده‌به‌خشێ . ئه‌م هونه‌رمه‌نده‌ بۆیه‌ ده‌توانێ‌ هێنده‌ به‌عیشقه‌وه‌ بچریكێنێ‌, چوونكه‌ ئه‌و له‌ نیشتمانێكدا هاتووه‌ته‌ بوون ئاوازه‌ ره‌سه‌نه‌كانی‌ هونه‌ر و سیاچه‌مانه‌ سروتی‌ ئاینێكن كه‌ (نییه‌تی‌ چاك, كرداری‌ چاك, گوفتاری‌ چاك) سێ‌ دروشمی‌ سه‌ره‌كی‌ بوون. عوسمان كێمنه‌یی‌ هه‌میشه‌ ئه‌ولاوه‌یه‌ كه‌ داهێنان له‌ئه‌رشیفه‌كانییه‌وه‌ بۆ لاوانی‌ ئه‌مرۆ ده‌بارێت, ئه‌وده‌نگه‌یه‌ كه‌تا ئه‌مڕۆش مۆزیسیانێك بۆینه‌لواوه‌ په‌یژه‌كانی‌ مۆسیقا بگه‌یه‌نێته‌ ئاستی‌ ده‌نگی‌ ئه‌و.


مێژووی‌ گۆرانی‌ هه‌ورامی‌ مێژوویه‌كی‌ هێنده‌ دووری‌ هه‌یه‌ ناكرێ نه‌یبه‌ستینه‌وه‌ به‌سروته‌ ئایینیه‌كانی‌ زه‌رده‌شتییه‌كانه‌وه‌ چونكه‌ (سیاچه‌مانه‌) به‌به‌ڵگه‌وه‌ ئه‌و راستییه‌ ده‌سه‌لمێنێ‌, لێره‌وه‌ عوسمان نه‌ك وه‌ك كه‌سێكی‌ به‌توانا توانیویه‌تی‌ ئه‌و ره‌سه‌نایه‌تیه‌ بپارێزێ‌, به‌ڵكو هاتووه‌ داهێنانی‌ تێداكردووه‌ و به‌جۆرێك رۆحی‌ ئاوازی‌ به‌وجۆره‌ سروتانه‌ به‌خشیوه‌ ته‌نانه‌ت باڵنده‌كانیش له‌گه‌ڵیدا خرۆشاون, نموونه‌ی‌ ئه‌م راستییه‌ ئه‌وه‌یه‌ له‌گه‌ڵ زۆربه‌ی‌ گۆرانیه‌كانی‌ عوسماندا (كه‌و) ده‌بێته‌ كاراكته‌رێكی‌ هونه‌ری‌ و به‌ ده‌نگه‌ مۆسیقا به‌خشه‌كه‌ی‌ به‌شداری‌ له‌گۆرانییه‌كانی‌ (عوسمان)دا ده‌كات. لێره‌دا ئه‌م ئاوێزانبوونه‌ی‌ مرۆڤ و باڵنده‌یه‌ك بۆبه‌جێهێنانی‌ گۆرانییه‌ك ته‌نها له‌و چیرۆكه‌ ئه‌فسانه‌یانه‌دا هه‌یه‌ كه‌ ده‌رهێنه‌رێكی‌ به‌توانا له‌چاوی‌ كامێرایه‌كی‌ سینه‌مایی ده‌یهێنێته‌ ناو واقعه‌وه‌. به‌ڵام عوسمان له‌واقعه‌وه‌ وامان لێده‌كات هونه‌ره‌كه‌ی‌ ببه‌ینه‌ نێو ئه‌فسانه‌وه‌, ده‌كرێت جارێكی‌ تر بڵێین (عوسمان كێمنه‌یی‌) به‌ده‌ر له‌ هونه‌ری‌ گۆرانی‌ توانایه‌كی‌ رۆحی‌ و نه‌بینراو له‌و دیوی‌ ده‌نگه‌ ژێیه‌كانیه‌وه‌ هه‌بووه‌, بۆ یه‌ تائه‌و ساتانه‌ی‌ كێمنه‌یی‌ له‌ گۆرانی چڕین دووركه‌وته‌وه‌ و نه‌خۆشی‌ فریشته‌ی‌ ئه‌و به‌هره‌ به‌هێزه‌ی‌ تۆڕاند, هه‌موو نه‌وه‌كانی‌ پاش خۆی‌ ده‌نگی‌ عوسمان به‌پیرۆز ده‌زانن.


عوسمان كێمنه‌یی‌ به‌ده‌رله‌وه‌ی‌ چه‌ندین ئاوازی‌ نوێی‌ سیاچه‌مانه‌ی‌ داهێناوه‌, چه‌ندین گۆرانی‌ تر و شێوازی‌ تری‌ گۆرانی چڕینی‌ خستووه‌ته‌ سه‌ر هونه‌ره‌ ده‌وڵه‌مه‌نده‌كه‌ی‌ هه‌ورامان , ئاواز و گۆرانییه‌كانی‌ عوسمان هێنده‌ زۆر بێشومارن خودی‌ عوسمان نازانێت تائێستا چه‌ند گۆرانی هه‌یه‌ و ژماره‌ی‌ كاسێته‌ تۆماركراوه‌كانی‌ چه‌ندن, ئه‌م هونه‌رمه‌نده‌ كه‌ ئه‌مڕۆ ئه‌رشیفێكی‌ ده‌وڵه‌مه‌ندی‌ هونه‌ری‌ كورده‌ و چه‌ندین هونه‌رمه‌ندی‌ گۆرانیبێژی‌ ناوچه‌كانی‌ تریش سوودیان لێوه‌رگرتووه‌ و ئاواز و گۆرانییه‌كانی‌ (عوسمان كێمنه‌ی)یان چڕیوه‌ته‌وه‌, لێره‌وه‌ ده‌كرێ بڵێین (عوسمان) سه‌رچاوه‌یه‌كی‌ به‌هێزی‌ ئاوازی‌ ره‌سه‌نی‌ كوردی و میلۆدییه‌كی‌ نه‌مره‌ و له‌ هه‌موو ئه‌و ئاوازه‌ بیانییانه‌ زاڵتره‌ كه‌ ئه‌مرۆ تێكه‌ڵ به‌هونه‌ری‌ كوردی‌ كراون. عوسمان كێمنه‌یی‌ له‌درێژه‌ی‌ ته‌مه‌نی‌ هونه‌ری‌ خۆیدا ریتمێكی‌ بیانی‌, یان زمانه‌ دراوسێكانیشی‌ نه‌هێنایه‌ نێو گۆرانی‌ هه‌ورامی‌ , به‌ڵام چه‌قبه‌ستووش نه‌بوو له‌داهێنانی‌ ئاوازی‌ نوێی‌ هه‌ورامیدا, مه‌خابن پاش راگواستنی‌ هه‌ورامان و سه‌رهه‌ڵدانی‌ كۆمه‌ڵێك لاوی‌ گۆرانیبێژ ئاوازی‌ هه‌ورامی‌ كه‌وتنه‌ نێو قه‌یرانێكی‌ ره‌سه‌نپارێزی‌ به‌وه‌ی‌ هه‌ندێك هونه‌رمه‌ند كۆمه‌ڵه‌ گۆرانییه‌كی‌ زمانه‌كانی‌ تریان هێنایه‌ نێو گۆرانی‌ هه‌ورامییه‌وه‌, كه‌ ئه‌و ئاوازگه‌له‌ نوێیه‌ به‌ئاشكرا دیارن و مۆركی‌ بێگانه‌ن و ناتونن له‌گه‌ڵ شنه‌ی‌ شه‌ماڵی‌ بیاره‌ و شرام و شاهۆ گوزه‌ر بكه‌نه‌ نێو رۆحی‌ گوێگره‌وه‌. خه‌سڵه‌تێكی‌ تری‌ ئه‌فسانه‌ ئامێزی‌ هونه‌ری‌ عوسمان هه‌ورامی‌ هێشتنه‌وه‌ و پاراستنی‌ گه‌نجینه‌یه‌كی‌ گه‌وره‌ی‌ هۆنراوه‌ی‌ فۆلكلۆرییه‌, كه‌ ئه‌گه‌ر له‌رێگه‌ی‌ هونه‌رو گۆرانییه‌كانی‌ عوسمان و ژماره‌یه‌كی‌ تر له‌ گۆرانیبێژه‌كانه‌وه‌ نه‌بوایه‌ نه‌ده‌كرا ئه‌وه‌نده‌ هۆنراوه‌ی‌ فۆلكلۆریمان بۆ بمایه‌ته‌وه‌, راسته‌ (عوسمان كێمنه‌یی‌) نه‌خوێنده‌وار زۆرجار ژیرانه‌ هۆنراوه‌كانی‌ حه‌زره‌تی‌ مه‌وله‌وی‌ و صه‌یدی‌ و بێسارانی‌ و زۆر له‌شاعیره‌كانی‌ تری‌ هه‌ورامانی‌ له‌گۆرانی‌ و ئاوازه‌كانیدا به‌كارهێناوه‌, به‌ڵام به‌شی‌ هه‌ره‌ زۆری‌ ئه‌و هۆنراوانه‌ی‌ كه‌له‌ گۆرانیه‌كانیدا هه‌ن ئه‌و هۆنراوه‌ فۆلكلۆرییانه‌ن كه‌ گۆران وته‌نی‌ (گیان ئه‌سمێ‌ وخوێن ئه‌مژی‌), بۆیه‌ جێی‌ خۆیه‌تی‌ پاراستن و هێشتنه‌وه‌ی‌ ئه‌و ژماره‌ زۆره‌ی‌ هۆنراوه‌كان به‌ وشێوه‌ ره‌سه‌نه‌ی‌ كه‌ماونه‌ته‌وه‌ به‌سه‌روه‌رییه‌كی‌ تری‌ عوسمان و هاوشێوه‌كانی‌ وه‌ك (حه‌مه‌حسێن كێمنه‌یی‌ و جه‌میل نه‌وسوودی‌) بزانین.

سەرچاوەکان