سەید قوتب

سەید قوتب

سەید قوتب ئیبراهیم له‌ ٩/١٠/١٩٠٦ له‌ گوندی مووشه‌ی سه‌ر به‌ شاری ئه‌سیوتی میسر له‌دایك بووه‌ . كورِی یه‌كه‌می دایكی بووه‌ ، بۆیه‌ بایه‌خێكی زۆریان پێداوه‌ . باوكی موختاری گونده‌كه‌یان بووه‌و وه‌كو ئه‌ندامی حیزبێكی سیاسیش چاو كراوه‌ بووه‌ . دایكیشی هه‌میشه‌ هیواو ئومێدێكی گه‌وره‌ی له‌ دڵ و ده‌رووندا رواندووه‌ .

کورتەیەک لەژیانی ژیان

خوێندنی سه‌ره‌تایی له‌ گونده‌كانی خۆیان تەواو کردووە ، له‌ ته‌مه‌نی 14 ساڵیدا چووه‌ ماڵی خاڵی ( كه‌ مامۆستاو رۆژنامه‌نووس بوو ) له‌ قاهیره‌و له‌وێ ئیدامه‌ی به‌ خوێندنه‌كه‌ی داو دارالعلومی ته‌واو كرد . هێشتا ته‌مه‌نی نه‌بوو بوو به‌ حه‌ڤده‌ ساڵ هیممه‌تی كورِی لادێ و رۆشنبیری و قسه‌زانی كورِی شاری تێدا رووا ! كه‌ له‌ دارالعلوم ده‌یخوێند بابەتیشی لە گۆڤاره‌كان ده‌نووسی

سه‌یید نووسینه‌كانی له‌ گۆڤاری ( الرساله‌ ) و ( اللواء الاشتراكیه‌ ) و هی تریشدا بڵاو ده‌كرده‌وه‌ تا دواتر ئیتر خۆی بووه‌ سه‌رنوسه‌ری گۆڤاری ( الفكر الجدید ) وبوو به‌ یه‌كێك له‌ به‌هێزترین لایه‌نگری مه‌دره‌سه‌ی ئه‌ده‌بی عباس محمود العقاد كه‌ دژی مه‌دره‌سه‌ی ته‌ها حوسێن بوو . سه‌یید له‌ ماوه‌ی ژیانیدا ژنی نه‌هێناوه‌ ، گه‌رچی دوو جار دڵی به‌ ئافره‌ته‌وه‌ بووه‌ . به‌ڵام خوای گه‌وره‌ به‌ نسیبی نه‌كردووه‌ . بۆی نه‌رِه‌خساوه‌ هیچیان بهێنێت . له‌٣ /١١/١٩٤٨دا بۆ دوور خستنه‌وه‌ی له‌ ساحه‌ی میسر حكومه‌ت به‌ به‌هانه‌ی خوێندن ناردی بۆ ئه‌مریكا ، سه‌یید له‌وێ بوو كه‌ له‌ شوباتی ١٩٤٩ دا ئیمام به‌ننا شه‌هید كرا .. ساڵی ١٩٥٠بووه‌ به‌ ئیخوان و له‌ 1952 دا بوو به‌ ئه‌ندامی شورا ( مه‌كته‌بی ئیرشاد ) و به‌رپرسی به‌شی راگه‌یاندن . هه‌ر له‌ ئیخواندا مایه‌وه‌ تا ساڵانی دوایی ته‌مه‌نی كه‌ ئیتر له‌گه‌ڵ عبدالفتاح اسماعیل و محمد یوسف هه‌واش و عبدالمجید شازلیدا وازیان له‌ ئیخوان هێناو خۆیان ته‌نزیمێكی تری سه‌ربه‌خۆیانیان دروست كرد .

لەسێدارەدانی سەید قوتب

سه‌یید له‌ 29/8/١٩٦٦دا به‌ فه‌رمانی جه‌مال عبد الناسری سه‌رۆكی میسر لەدوای دادگایی کردنی لەسێدارە درا.

پەرتووکەکانی

سەید قوتب لەژیانیدا چەندین پەرتووکی گرنگی نووسی لەسەر بانگەواز و فیکری ئیسلامی لەوانە:

• ڕاڤەی ئایەتی شورا قورئان
• چۆنیەتی بانگەوازکردن
• چیڕۆکی بانگەوازی
• ئیسلام یان نابۆ ئیسلام
• پەیامی نوێژ
• النقد الادبي
• ته‌فسيرى قورئانى پیرۆز "في ظلال القرأن"
• وەچەندەها پەرتووکی تری نووسیوە وە خاوەنی چەندین بەرهەم و نامیلکە و پەند و ووتە و چیڕۆکە

سەرچاوە

ماڵپەڕی دووربین