Gudgeon pin

لە ئینسایکڵۆپیدیای ئازادی ویکیپیدیاوە
Jump to navigation Jump to search
بەستنی بەڕووڵە مەچەك لە قوڵە بەگن.

                           بەڕووڵە مەچەك

لە زمانی ئینگلیزیدا بە زاراوەی بەریتانی پێی دەڵێن (گەجن پن) بەڵام بەزاراوەی ئەمەریكی پێی دەڵێن (ڕێست پن) لە بزوێنەری سووتانی ناوەكیدا، بەڕووڵە مەچەك پستن دەبەستێتەوە بە قوڵە بەگن، وە پەیوەندییەك بۆ قوڵە بەگن دروست دەكات بۆ ئەوەی بخولێتەوە ئەو كاتەی پستنە دەجوڵێت. لە بزوێنەرە زۆر كۆنەكاندا، كەوا دیزاین كراون كاركردنی ئەمانە بەهۆی هەڵمەوە بێت، وە لە چەندین بزوێنەرە زۆر گەورەكانی ئامێرە وەستاوەكان و بزوێنەری كەشتییە دەریاییەكان بەڕووڵە مەچەك كەوتۆتە ناو خزانە شیشی گەیەنەر كە ئەویش پستنەكە دەبەستێتەوە بەهۆی شیشێك. لەزمانی ئینگلیزییدا بەڕووڵە مەچەك پێی دەڵێن گەجن پن. كە بنچینەی گەجن لە ئینگلیزی ناوەندا (گیوجنز)ەوە هاتووە، كە ئەم وشەیەش بنچینەكەی لە زمانی فەڕنسییەوەیە. وە یەكەم بەكارهێنانیش لە سەدەی پانزەهەمەوە بووە.

دیمەنی گشتی[دەستکاری]

بەڕووڵە مەچەك بەشێوەیەكی ئاسایی چاڵێكی كورتی كوتراوە(ڕێك وەكو بۆڕییەكی كورت)ە، دروست كراوە لە تێكەڵەیەكی ستیلی زۆر بەهێز و ڕەق كە بەشێوەیەكی فیزیكی جیاكراوەتەوە لە قوڵە بەگن و پستن. دیزاینی بەڕووڵە مەچەك بەشێوەیەكی تایبەتی لە حاڵەتی بچوكدا، لەو ئۆتۆمبێڵانەی كە بزوێنەرەكانیان لە خێراییەمی بەرزدایە بایەخی پێدراوە. بەڕووڵە مەچەك پێویستە بەكاربهێنرێت لە هەندێ لە بەرزترین پلەی كەرمی ڕێكخراودا، وە دەبێت زۆر بە چاكی كرداری چەوركردنی بۆ كرابێت بەهۆی شوێنەكەیەوە. ئەو پێداویستیانەی كە بۆ سووكبوون و پتەوی بەڕووڵە مەچەك پێویستە خوازیاری ئەوەیە كە بەڕووڵە مەچەك تیرەیەكی بچوكی هەبێت، وە كەوتبێتە بەر هێزێكی بڕەڕ و چەمانەوەیەكی بەهێز، لەگەڵ هەندێ لە بەرزترین هێزەكانی پەستانی بەیەكبەستن لە تەواوی بزوێنەرەكە. بۆ زاڵبوون بەسەر ئەو كێشانە، ئەو ماددانەی كە بەكاردەهێنرێن لە دروستكردنی بەڕووڵە مەچەك و شێوازی دروستكردنەكەی لەنێوان زۆربەی نەخشەسازی بەرزی پارچەكانی میكانیكیە لە بزوێنەرە سووتانە ناوەكییەكاندا.

دیزاینە هەڵبژێرەكان[دەستکاری]

بەڕووڵە مەچەكەكان دوو شێوازی دیزاین بەكاردەهێنن كە ئەوانیش نیمچە فلەوتینگ و فوول فلەو تینگە.

دروستكردنی بەڕووڵە مەچەك.

بە شێوەیەكی نموونەیی دروستكردنی بەڕووڵە مەچەك پیشاندراوە لەسەر وێنەكە. دیزایینەكە پشتی بەستووە بە تێكنۆڵۆجی و تەكنیكی چالاكی.

                                 نیمچە فلەوتینگ

  لە شێوازی نیمچە- سەركەتوو، بەشێوەیەكی ئاسایی ڕێژەییانە بەڕووڵەكە بەستراوە بە پستنەكە بە هۆی پاڵنانی گونجاوەوە بەشێوەی خولانەوە بۆ ناو پستنەكە. بێرینگی كۆتاییە كورتەكەی قوڵە بەگن كاردەكاتن تەنها بەشێوەی بێرینگ. لەم شێوەیەدا، بێرینگی كۆتایی كورت پێویستی بێرینگێكی سەرڕووە، ئەگەر نا هیچ. وە ئەگەر پێویستی پێبوو، دابین ئەكرێت بەهۆی ئەلیكتڕۆپلاتینگ یان سڵیڤ بێرینگ یان نییدڵ بێرینگ كە پاڵنانێكی گونجاوی هەیە لەگەڵ كونێكی كۆتاییە كورتەكە. لە ماوەی چاككردندا، ئاساییانە گونجاوە بۆ لابردنی سڵیڤ بێرینگ ئەگەر بەشێوەیەكی خراپ تووشی داخوران هاتبێت. شێوازی هەڵگەڕاوە، بەجێگیركردنی بەڕووڵە مەچەك لەسەر قوڵە بەگن لەجیاتی ئەوەی لەناو پستنەكە بێت، ئەمە جێبەجێكراوە بە بەكارهێنانی پاڵنانێكی گونجاو. ئەم جۆرە ڕێكخستنە بەگشتی زەحمەت ترە بۆ نەخشەسازی و خزمەتگوزاری چونكە دوو بێرینگی سەرڕوو یان بێرینگە سڵیڤە دانراوەكان دیزاینەكە ئاڵۆز دەكات. لەگەڵ ئەوەشدا، بەڕووڵەكە دەبێت بەوریاییەوە دابنرێت بۆ ئەمەش كۆتاییە كورتەكە ناوەندەكەیە. لەساییەی لەبەرچاوگرتنەكانی گەرمە كشێ(خواستی ماددەیە لەسەر گۆڕینی شێوەكەی و ڕووبەرەكەی و قەبارەكەی لەكاتی گۆڕانی پلەی گەرمی) ، ئەم جۆرە ڕێكخستنە زیاتر بۆ بزوێنەرە تاكە سلندەرەكان بوو بەڵام بۆ بزوێنەرە فرە سلندەرەكان وە ئەو بزوێنەرانەی سلندەر بلۆك و كڕانككەیسیان درێژە نەبوو، تاوەكو وردبینی لە نەخشەسازی زیاتر هاتە كایەوە.

                              فوول فلەوتینگ

لە شێوازی تەواو سەركەوتوودا، بێرینگی سەرڕوو دروستدەكرێت لەنێوان كۆتاییە كورت و بەڕووڵە مەچەك و ... . بەشێوەیەكی ئاسایی بەڕووڵە مەچەك قایمكراوە بە سێركلیپ(شێوەیەكی بازنەیی هەیە بەكاردێت بۆ توند كردنی شتەكان) . لە هەرچی حاڵەتە هیچ پاڵنانێكی گونجاو بەكارناهێنرێت. ئەو تێكڕایەی لابردنی خێرایی هەریەك لە سێ بێرینگەكان نیوە كراوە وە هێزەكە دابەشكراوە بەسەر بێرینگێك كە بەشێوەیەكی ئاسایی هێندەی درێژی دیزاینی  نیمچە فلەوتینگە كە بەستراوە پستنەوە بەهۆی پاڵنانێكی گونجاوەوە.