یەنار محەممەد

یەنار محەممەد
لەدایکبوون	١ی کانوونی دووەمی ١٩٦٠ بەغدا، عێراق
مردن	٢ی ئازاری ٢٠٢٦(٢٠٢٦-٠٣-٠٢) (٦٦ ساڵ ژیاوە) بەغدا، عێراق
ناوی کاتی لەدایکبوون	ينار محمد
ھۆی مەرگ	برینی فیشەک
زمانی زگماکی	زمانی عەرەبی
زمانەکانی ئاخاوتن	زمانی ئینگلیزی، زمانی عەرەبی
پەروەردە	زانکۆی بەغدا
ئەندامی	پارتی کرێکاری-کۆمۆنیستی عێراق، حیزبی کرێکاری-کۆمۆنیستی ئێران – حیکمەتیست، کۆنگرەی ئازادی عێراق
کۆدی خشتە	NTA-407477918
خەڵاتەکان	خەڵاتی گرووبەر بۆ مافەکانی ژنان، خەڵاتی ڕافتۆ، ١٠٠ ژن
بەستەری وەسفکراو	https://gruber.yale.edu/recipient/yanar-mohammed، https://www.nobelwomensinitiative.org/meet-yanar-mohammed-iraq-2، https://www.womenpeacesecurity.org/peacebuilder/yanar-mohammad/
لە نووسەرانی	openDemocracy، Ms.
لە ویکیدراوە دەستکاریی زانیارییەکان بکە

یەنار محەممەد فێمینیستێکی ناسراوی عێراقە لە ساڵی ١٩٦٠ لە بەغدا لەدایکبووە، ئەندامی دامەزرێنەر و بەڕێوەبەری ڕێکخراوی ئازادیی ژنانە لە عێراق و سەرنووسەری ڕۆژنامەی ئەلموساوایە. یەکێکە لە داکۆکیکارە دیارەکانی مافەکانی ژنان لە عێراق و لە ساڵی ٢٠٠٨ خەڵاتی دامەزراوەی گرووبەر بۆ مافەکانی ژنان وەرگرتووە.

لە ساڵی ١٩٨٤ بڕوانامەی بەکالۆریۆسی لە ئەندازیاری لە زانکۆی بەغدا بەدەستھێناوە و لە ساڵی ١٩٩٣ بڕوانامەی ماستەری لە زانکۆی تۆرۆنتۆ بەدەستھێناوە، دوای ڕووخانی ڕژێمی سەددام حوسێن گەڕایەوە عێراق بۆ دامەزراندنی ڕێکخراوی ئازادی ژنان لە عێراق کە بانگەشەی مافەکانی ژنان و عەلمانییەت و یەکسانیی جێندەری دەکات و دژایەتی بناژۆخوازی ئیسلامی و داگیرکاری ئەمریکا دەکات.

بەھۆی چالاکییەکانییەوە لەلایەن گرووپە ئیسلامییە توندڕەوەکانەوە ھەڕەشەی کوشتنی لێکراوە بەھۆی داکۆکیکردن لە مافەکانی ژنان و ھەوڵدان بۆ چەسپاندنی یەکسانی لە یاسای عێراقدا، لە ساڵی ٢٠٠٤دا دوو ھەڕەشەی کوشتنی لەلایەن گرووپی ئیسلامی «فەرماندەیی باڵای جیھاد و ڕزگاری»ەوە لێکرا. لەو کاتەوە تا ئێستا پارێزگاری چەکداری وەرگرتووە. چەندین خەڵاتی نێونەتەوەیی وەرگرتووە بەھۆی داکۆکیکردن لە مافەکانی ژنان، لەوانە خەڵاتی دامەزراوەی گرووبەر لە ساڵی ٢٠٠٨ و خەڵاتی ڕافتۆی نەرویجی بۆ مافەکانی مرۆڤ لە ساڵی ٢٠١٦.