ھەیتەم کوڕی تارق ئال سەعید

لە ئینسایکڵۆپیدیای ئازادی ویکیپیدیاوە
(ڕەوانەکراوە لە ھەیسەم بن تارق ئال سەعیدەوە)
Jump to navigation Jump to search

ھەیتەم کوڕی تارق ئال بو سەعید (بە عەرەبی: هيثم بن طارق بن تيمور آل بوسعيد؛ لەدایکبووی ١٩٥٤) سولتانی دەیەمینی سەلتەنەی عومانە لە ١١ی کانوونی دووەمی ٢٠٢٠ ئەمیش دوای کۆچی دوایی سولتان قابوس بن سەعیدی ئامۆزای کەلەسەر ڕاسپاردەی ئەو جێگاکەی گرتەوە.[١][٢] پێشتر وەزیری کەلتور و ڕۆشەنبیری بوو (٢٠٠٢). ھەروەھا سەرۆکی لیژنەی سەرەکی داھاتووی عومان بوو، پۆستی سەرۆکی دیوانی وەزارەتی دەرەوەی ھەبوو، وەکیل وەزیری کاروباری ڕامیاری وڵات بوو، جگە لەچەندین پۆستی تر وەک نوێنەری پایەبەرزی سولتان قابوس بن سەعید.

ژیاننامە[دەستکاری]

ھەیسەم کوری تەیموری ئال سەعید لەخێزانی شاھانەی عومان لەدایک بووە، باوکی سەرۆک وەزیرانی عومان بوو(١٩٧٠–١٩٧٢)، دایکیشی (شوانەی کچی حەمودی کوری ئەحمەد ئال بوسەعیدە بە (ئوم قەیس) دەناسرێت، یەکێک لەسێ ژنەکەی باوکی (زردایک) لە ١٩٧٩لەبەرنامەیەکی زانکۆی ئۆکسفۆرد بۆ کاروباری دەرەوە خوێندویەتی (FSP)،

خێزانداری[دەستکاری]

سولتان ھەیسەم شەش برای ھەیە بەم ناوانە:

  1. ئەسعەد بن تارق جێگری دووەمی سەرۆک وەزیران
  2. قەیس بن تارق (کۆچ کردوو)،
  3. شەھاب بن تارق،
  4. ئەدھەم بن تارق،
  5. فارس بن تارق (کۆچ کردوو)

دوو خوشکی ھەیە بەناوەکانی:

  1. کامیلە بنت تارق،
  2. ئەمەل بنت تارق.

سولتان ھەیسەم ژیانی ھاوسەرگیری فەرمی پێکھێناوە لەسەر ناوی عەھد کچی عەبدوللا ی کوری حەمەد ئال سەعیدەدوو کوڕی لێی ھەیە:

  1. زەی یەزن کوڕی ھەیسەمی کوری تارق
  2. بیلعەرەب کوڕی ھەیسەمی کوری تارق

خاوەنی دووکچە:

  1. سورەیا کچی ھەیسەم
  2. ئومەیمە کچی ھەیسەم

چالاکیە میری و ڕامیاریەکانی[دەستکاری]

سولتان ھەیسەم بەوە ناسراوە کە زۆر ئارەزووی یاری تۆپی پێ و وەرزشە

  • سەرۆکی یەکێتی تۆپی پێی عومان بووە(١٩٨٣–١٩٨٦)،
  • سەرۆکی لیژنەی رێکخراوی خولە نایابەکانی ئاسیا بوو لە مەسقەت ٢٠١٠.
  • لە دوای ١٩٨٦وازی لەبواری وەرزشی ھێنا و چووە ناو بواری دیپلۆماسی کە پۆستی وەزیری کاروباری دەرەوەی پێ سپێردرابۆ ماوەی ھەشت ساڵ.
  • لە ١٩٩٤، وەک ئەمینداری گشتی کاروباری دەرەوە دامەزرا،
  • لە ٢٠٠٢ وەک وەزیری کەلتور و ڕۆشەنبیری دامەزرا تاوەکو بوو بە سولتانی عومان بەردەوام بوو.

سولتانی عومان[دەستکاری]

دوای کۆچی دوایی سولتان قابوس بن سەعید (١٠ی کانوونی دووەمی ٢٠٢٠)ئەنجومەنی بەرگری وڵات پشت بەستوو بە دەستور وەک سولتانی جێگرەوە ھەڵیبژارد،[٣] خێزانی شاھانەش لەسەر ڕاسپاردەی سولتان قابوس رەزامەندیان نیشاندا، ئەنجومەنی بەرگریان کردە وەکیل بۆ جێبەجێکردنی ڕاسپاردەی کۆچکردوو بەپێی ماددەی شەشی دەستوری وڵات.[٤] لەھەمان ڕۆژ لەکۆشکی بیستان لە مەسقەت وتاری دەستبەکاربوونی خوێندەوە و وەک سولتانی نوێی وڵات دەست بەکاربوو، لە وتارەکەی ھەموو لایەنە بەرپرسەکانی دڵنیا کردەوە کە لەسەر ڕێبازی سولتانی کۆچکردوو بەردەوام دەبێت و پەیرەوی ئاشتی دەکات.

ئەو ئەنجومەنانەی سەرۆکایەتیان دەکات[دەستکاری]

  • سەڕۆکی شکۆمەندی کۆمەڵەی چاودێری منداڵانی ناکام.
  • سەرۆکی ئەنجومەنی ھاریکاری عومان -ژاپۆن
  • سەرۆکی لیژنەی باڵای خۆڵی یاریەکەناراوەکان لە مەسقەت.

پەراوێزەکان[دەستکاری]

  1. ^ "تنفيذا لوصية قابوس.. هيثم بن طارق آل سعيد سلطانا لعمان". قناة الحرة. 11 كانون الثاني / يناير 2020. ئەرشیڤ کراوە لە ئەسڵدا لە ١١ی کانوونی دووەمی ٢٠٢٠. لە ڕێکەوتی 11 كانون الثاني / يناير 2020 ھێنراوە. 
  2. ^ "سلطنة عمان تشيع السلطان قابوس وخليفته يؤدي اليمين". الجزيرة.نت. 11 كانون الثاني / يناير 2020. ئەرشیڤ کراوە لە ئەسڵدا لە ١١ی کانوونی دووەمی ٢٠٢٠. لە ڕێکەوتی 11 كانون الثاني / يناير 2020 ھێنراوە. 
  3. ^ "بیان صادر من مجلس الدفاع". وكالة الأنباء العمانية. 11 كانون الثاني / يناير 2020. ئەرشیڤ کراوە لە ئەسڵدا لە ١١ی کانوونی دووەمی ٢٠٢٠. لە ڕێکەوتی 11 كانون الثاني / يناير 2020 ھێنراوە. 
  4. ^ "مجلس الدفاع یصدر بیانًا حول من تنتقل إلیھ ولایة الحکم". وكالة الأنباء العمانية. 11 كانون الثاني / يناير 2020. ئەرشیڤ کراوە لە ئەسڵدا لە ١١ی کانوونی دووەمی ٢٠٢٠. لە ڕێکەوتی 11 كانون الثاني / يناير 2020 ھێنراوە. 

سەرچاوەکان[دەستکاری]