ھەڵگەڕاوە

لەگەڵ جاش لێت تێک نەچێت.

«ھەوڵدانی جاشایەتی!!» ناوی ئەم تابلۆیەیە، کە ویلیام پیتی بچووک و ڕیچارد برینسلی شرێدان وێنادەکات. پیت لە ویگەکان (ئۆپۆزسیۆن، بەرھەڵستکارەکان)ـەوە، ڕووی لە بەرەی حکوومەت کرد.

جاش، خایین یان ھەڵگەڕاوە یان پشت‌تێکەر و ڕوو-وەڕگێڕ ھەروەھا دەتوانرێت پێی بگوترێت لایەنگۆڕ (بە ئینگلیزی: Turncoat؛ واتا جلگۆڕەڕ) ئەو کەسەیە کە بەیعەتی خۆی دەگۆڕێت لە دڵسۆزییەک یان ئایدیاڵێکەوە بۆ ئایدیاڵێکی تر، یاخود خیانەتکردن و جێھێشتنی دۆزی ڕەسەن بە گۆڕینی بەرەکەی بۆ لایەنی بەرامبەر یان حیزبی بەرامبەر.

لە زمانی ئینگلیزیدا ئەم زاراوەیە پێی دەگوترێت Turncoat کە پێکھاتووە لە turn (گۆڕین) + coat (جل) = جلگۆڕەڕ. لە ڕوانگەی سەربازییەوە، سوپاکانی سەدەی ناوەڕاست بەگشتی یەکپۆشیی ڕەنگ‌جیاوازیان لەبەردەکرد و جلوبەرگی سەربازییان یەک جۆر و یەک ڕەنگ بوو، بۆ ڕێگریکردن لە ڕووداوی تەقەی دۆستانە (لێت بدرێت لەلایەن دۆستی خۆت، نەوەک دووژمنت، بەھۆی سەرلێشێوان). بەم شێوەیەش زاراوەی «جلگۆڕەڕ» ئاماژەیە بۆ ئەوەی کە تاکێک یان کەسێک لایەن و بەرەکەی خۆی گۆڕیوە و جلی یەکپۆشیی خۆی گۆڕیوە بۆ ھی دووژمنەکەی یان یەکێک کە لەگەڵ ڕەنگی دووژمنی پێشووی بگونجێت.

سەرچاوەکان

• بەشداربووانی ویکیپیدیا، «Turncoat»، ویکیپیدیای ئینگلیزی. سەردان لە ٨ی حوزەیرانی ٢٠٢٦.