ھەڵبژاردنی گشتیی پاکستان ٢٠٠٨

ھەڵبژاردنی گشتیی پاکستان ٢٠٠٨
وڵات	پاکستان
دەسەڵاتی دادوەری دەگرێتەوە	پاکستان
لە پێش	ھەڵبژاردنی گشتیی پاکستان ٢٠٠٢
لە دوای	ھەڵبژاردنی گشتیی پاکستان ٢٠١٣
کاتی ڕوودان	١٨ی شوباتی ٢٠٠٨
نووسینگەی ململانێکراو	سەرۆک وەزیرانی پاکستان، Member of the National Assembly of Pakistan
کاندیدی براوە	Yusuf Raza Gilani
کاندید	Yusuf Raza Gilani
Results	Q3458025
لە ویکیدراوە دەستکاریی زانیارییەکان بکە

ھەڵبژاردنی گشتیی لە پاکستان لە ١٨ی شوباتی ٢٠٠٨ بەڕێوەچوو بۆ ھەڵبژاردنی ئەندامانی ئەنجومەنی نیشتمانی ١٣ و چوار ئەنجومەنی پارێزگا.

لە ٣ی تشرینی دووەمی ٢٠٠٧ سەرۆک پەروێز موشەڕەف باری نائاسایی دەرکرد؛ ھەڵبژاردنەکان سەرەتا بۆ ماوەیەکی نادیار دواخران؛ بەڵام دواتر ڕاگەیەندرا کە وەکو پلانەکە بەڕێوەدەچن. لە ٨ی تشرینی دووەمی ٢٠٠٧ موشەڕەف ڕای گەیاند کە ھەڵبژاردنەکان تا ١٥ی شوباتی ٢٠٠٨ ئەنجام دەدرێت، پێش ئەوەی پێشنیازی وادەی ٨ی کانوونی دووەمی بکات. دوای تیرۆرکردنی بێنەزیر بوتۆ لە کانوونی دووەمی ٢٠٠٧، کۆمیسیۆنی ھەڵبژاردنەکان کۆبوونەوەیەکی ئەنجامدا و ڕای گەیاند کە ٨ی کانوونی دووەمی ئیتر وادەیەکی جێبەجێکراو نییە و ھەڵبژاردنەکان لە ١٨ی شوبات بەڕێوەدەچێت.

ھەڵبژاردنەکان گەواھیدەری سەرلەنوێ سەرھەڵدانەوەی پارتی گەلی پاکستان و کۆمەڵەی موسڵمانانی پاکستان (باڵی نەواز) بوون، کاتێک وەک دوو گەورەترین پارتی نێو ئەنجومەنی نیشتمانی دەرکەوتن. دوای کۆچی دوایی بوتۆ، پارتی گەلی پاکستان کەوتە ژێر سەرکردایەتی بیلاوەلی کوڕی کە تەمەنی نۆزدە ساڵ بوو؛ بەڵام کەمپەینی ھەڵبژاردنی پارتەکە لەلایەن ئاسفعەلی زەرداری، ھاوسەری بێنەزیر و باوکی بیلاوەلەوە سەرپەرشتی دەکرا، وەک ھاوسەرۆکی حیزبەکە.

لە ھەمان کاتدا، کۆمەڵەی موسڵمانانی پاکستان (باڵی نەواز) لەژێر سەرکردایەتی چاودری نیسارعەلی خاندا بوو، ھەرچەندە نەواز شەریفی دامەزرێنەری پارتەکە لە دەربەدەری گەڕابووەوە و بەشداریی لە کەمپەینی ھەڵبژاردنەکاندا دەکرد. لەسەر ئاستی پارێزگاکان، پارتی گەلی پاکستان لە «سیند» سەرکەوت، کۆمەڵەی موسڵمانانی پاکستان (باڵی نەواز) لە «پەنجاب» باڵادەست بوو، پارتی نیشتمانیی عەوامی وەک گەورەترین پارت لە «ویلایەتی سنووری باکووری ڕۆژاوا» دەرکەوت، ھەروەھا کۆمەڵەی موسڵمانانی پاکستان (باڵی قاید ئەعزەم)ی سەر بە موشەرەف زۆرترین کورسیی لە «بەلووچستان» بردەوە. نزیکەی ٣٥٫٢ ملیۆن کەس دەنگیان دا، کە ڕێژەی بەشداریی تەنھا ٤٤٪ بوو.