ھەوکردنی پانەبڕی دڕکەپەتک

دیمەنێکی ئیم ئاڕ ئایی (MRI) کە نیشاندەری ناوچەی ھەوکردووەکەیە لە بەشێکی دڕکەپەتکدا

ھەوکردنی پانەبڕی دڕکەپەتک (بە ئینگلیزی: Transverse myelitis) بارودۆخێکی دەماریی دەگمەنە کە تێیدا دڕکەپەتک (Spinal cord) تووشی ھەوکردن دەبێت. وشەی «پانەبڕ» ئاماژەیە بۆ ئەوەی کە ھەوکردنەکە بە شێوەیەکی ئاسۆیی بە درێژایی پانەبڕی (بڕگەی پانەکیی) دڕکەپەتکەکە بڵاوبووەتەوە.

نیشانەکان

نیشانەکانی ئەم نەخۆشییە بەپێی ئەو بەشەی دڕکەپەتک کە تووش بووە دەگۆڕێن، بەڵام باوترین نیشانەکان بریتین لە:

• بێھێزی و سڕبوونی پەلەکان (دەست و قاچەکان).
• تێکچوونی ھەستەکان و لێھاتوویی کۆنترۆڵکردنی جووڵە.
• تێکچوونی فەرمانی ماسوولکە گرژۆڵەکانی میزڵدان و کۆم (کێشە لە کۆنترۆڵکردنی میز و پیسایی).
• تێکچوونی کۆئەندامی دەماری خۆسەر کە دەکرێت ببێتە ھۆی بەرزبوونەوەی کتوپڕی پەستانی خوێن.

ھۆکارەکان

ھۆکاری سەرەکی و بنەڕەتیی ئەم نەخۆشییە بە نەزانراوی ماوەتەوە، بەڵام ھەوکردنی دڕکەپەتک لەم دۆخەدا بەستراوەتەوە بە چەند ھۆکارێکەوە، وەک:

1. تووشبوون بە ھەندێک جۆری ڤایرۆس و بەکتریا.
2. تێکچوونی کۆئەندامی بەرگریی جەستە.
3. تێکچوون و زیانگەیشتن بە ڕیشاڵە دەمارییەکان بەھۆی لەدەستدانی بەرگی مایلین.

ئەم نەخۆشییە پێچەوانەی لوکۆمایەلایتس (Leukomyelitis) کە تەنیا ماددەی سپی دەمار دەگرێتەوە، کار دەکاتە سەر تەواوی پانەبڕی دڕکەپەتکەکە.

ئەمانەش ببینە

• کۆئەندامی دەمار
• نەخۆشیی خۆبەرگری
• کۆئەندامی ھەرس

سەرچاوەکان

• West TW (تشرینی یەکەم ٢٠١٣). "Transverse myelitis--a review of the presentation, diagnosis, and initial management". Discovery Medicine. 16 (88): 167–177. PMID 24099672.