ھێرش بۆ سەر کڵێسای مار ئیلیاس

ھێرش بۆ سەر کڵێسای مار ئیلیاس
بەشێک لە شەڕی ناوخۆییی سووریا
ھێرشبەران	دەوڵەتی ئیسلامی لە عێراق و شام (تۆمەتبار کراوە) سەرایا ئەنسارولسوننە (لەئەستۆی گرتووە)

لە ٢٢ی حوزەیرانی ٢٠٢٥، لانیکەم ھێرشبەرێک تەقەمەنییەکی لەناو کڵێسای ئۆرتۆدۆکسی یۆنانیی مار ئیلیاس لە دیمەشقدا تەقاندەوە، کە بەھۆیەوە لانیکەم ٣٠ کەس کوژران و ٥٤ کەسی دیکەش بریندار بوون. وەزارەتی ناوخۆی سووریا ڕای گەیاند کە دەوڵەتی ئیسلامی بەرپرسیاری ھێرشە خۆکوژییەکەیە، ھاوکات سەرایا ئەنسارولسوننە بەرپرسیارێتیی ھێرشەکەی لەئەستۆ گرت.

وردەکاری ڕووداوەکان

بەگوێرەی ئاژانسی ھەواڵی سووریا، کە بابەتێکی بڵاوکردووەتەوە، تەقینەوەکە بە پشتێنەیەکی تەقینەوە لەناو کڵێسای سانت ئیلیاس لەکاتی مەراسیمی ئیلاھی لە کاتژمێر ٧:٢٠ی ئێوارەی ڕۆژی یەکشەممە ٢٢ی حوزەیرانی ٢٠٢٥ ڕوویداوە. پەیامنێری کەناڵەکە بڵاویکردەوە، خۆکوژێک لەناو کڵێساکەدا خۆی تەقاندووەتەوە. سەرچاوەکانی دیکە باسیان لەوە کردووە کە دوو کەس بەشدارییان لە ھێرشەکەدا کردووە و یەکێکیان خۆی تەقاندووەتەوە. ھێزەکانی ئاسایشی ناوخۆ گەمارۆیەکی ئەمنییان لە دەوروبەری ناوچەکەدا سەپاند.

بەگوێرەی ئاماری وەزارەتی تەندروستی سووریا، ھێرشەکە بووەتە ھۆی گیانلەدەستدانی ٢٥ ھاووڵاتی مەدەنی، لەنێویاندا منداڵ و برینداربوونی ٦٣ی دیکە. ھەروەھا تەقینەوەکە بەشێکی وێرانکاری کڵێساکەشی لێکەوتەوە.