ھیوو جەکمەن

لە ئینسایکڵۆپیدیای ئازادی ویکیپیدیاوە
Jump to navigation Jump to search
هیوجاکمان
لەدایکبوون ٢١ی تشرینی یەکەمی ١٩٦٨
سیندنی ئوسترالیا
نیشتەجێ ئەمێریکا
پیشە ئەکتەر
ھاوسەر دۆبێرا لی فەرنێس
منداڵەکان ئاڤا ئەلیۆت، ئۆسکار ماکسیمیلیان

هیو جاکمان بە ئینگلیزی Hugh Jackman ئەکتەرێکی سینەمای هۆڵییودە، لە ڕۆژی ١٢ تشرینی یەکەمی ساڵی ١٩٦٨ لە شاری سیندنی پایتەختی وڵاتی ئوسترالیا لە دایک بووە. کوڕی خاتوو نییا گرین ود و کریستۆفێر جۆن جاکمانە کە بەڕەچەڵەک ئینگلیزن و لە ساڵی ١٩٦٧ چونەتە ئوسترالیا. جاکمان چوار خوشک و برای لە خۆی گەورەتر هەیە و کە ئەم دووەم منداڵیانە کە لە ئوسترالیا لە دایک بووبێت، هەروەها خوشکێکی بچکۆلەشی هەیە کە لە باوکێکی ترە. لە تەمەنی هەشت ساڵیدا دایک و باوکی لەیەکتر جیابونەتەوە. پاشان دایکی جاکمان و دوو خوشکەکەی لەگەڵ خۆیدا دەباتەوە بۆ ئینگلتەرا. لەوێ دەچێتە قوتابخانەی پەیمبڵ پەبڵیک. لە ساڵی ١٩٨٦ بەشداری شانۆگەری خانمە قژ زەردەکەم دەکات. لە دوای تەواو بوونی قوتابخانە دەچیتەوە بۆ ئوسترالیاو لەوێ بەشی شانۆ تەواو دەکات. لەساڵی ١٩٩٦ ژیانی هاوسەری لەگەڵ دۆبێرا لی فەرنێس پێک دەهێنێت و دوو کچیان دەبێت. جاکمان بە یەکێک لە ئەستێرە درەوشاوەکانی سینەما دادەنرێت، کە زیاتر لە فیلمە دراماکاندا بەشداری دەکات. بەڵام سەرەتای ناوبانگی بۆ فیلمی X-Men نەگۆڕەکان دەگەڕێتەوە کاتێک بۆ یەکەمجار لەساڵی ٢٠٠٠ ڕۆڵی وۆلڤرینی بینی. تا ئێستا چەند خەڵاتێکی جیهانی وەرگرتووە.هیو لەساڵێ ٢٠١٧ بۆ دواینجار ڕۆڵی کەسایەتی وۆڵڤرین/لۆگنی گێڕا لە فیلمی لۆگن ، ئەمەش دوای ئەوەی بۆ ماوەی ١٧ ساڵ ئەم ڕۆڵەی دەگێڕا.

سەرچاوەکان[دەستکاری]

١.ویکی ئینگلیزی