ھاوتا بۆ ھاوتا
کۆمپیوتەرکاری یان تۆڕبەندیی ھاوتا بۆ ھاوتا (پی توو پی) تەلارسازییەکی کۆمپیوتەرکاری یان تۆڕبەندیی بڵاوکراوەیە کە تێیدا بەشداربووان بەشێک لە سەرچاوەکانی خۆیان بەش دەکەن، وەک توانای چارەسەرکردن، کۆگا، یان فراوانیی تۆڕ. ئەم سەرچاوانە ڕاستەوخۆ بۆ ھاوتاکانی تر بەردەست دەکرێن بەبێ پشتبەستن بە لایەنە نێوەندگیرەکان، و بەشداربووان وەک دابینکەری سەرچاوە و داواکاری سەرچاوە کار دەکەن.
بە پێچەوانەوە، مۆدێلی نەریتیی کڕیار–سێرڤەر ڕۆڵی دابینکەری سەرچاوە و داواکار بۆ بەشداربووە جیاوازەکان دیاری دەکات، کە تێیدا سێرڤەرە ناوەندییەکان وەک دابینکەر و کڕیارەکان وەک داواکار کار دەکەن.
ھەرچەندە سیستەمەکانی پی توو پی پێشتر لە زۆر بواری جێبەجێکردندا بەکارھێنرابوون،[١] بەڵام ئەم تەلارسازییە لە ڕێگەی سیستەمی ھاوبەشکردنی پەڕگەی ئینتەرنێت ناپستەر ناسرا، کە سەرەتا لە ساڵی ١٩٩٩ بڵاوکرایەوە.[٢] پی توو پی لە زۆر پرۆتۆکۆڵدا بەکاردێت وەک ھاوبەشکردنی پەڕگەی بیت تۆرێنت لەسەر ئینتەرنێت[٣] و لە تۆڕە کەسییەکاندا وەک نمایشی میراکاست و ڕادیۆی بلوتووس.[٤] ئەم چەمکە ئیلھامبەخش بووە بۆ پێکھاتە و فەلسەفە نوێیەکان لە زۆر بواری کارلێکی مرۆییدا. لە چوارچێوەیەکی کۆمەڵایەتی ئاوەھادا، ھاوتا بۆ ھاوتا وەک میمێک ئاماژەیە بۆ ئەو تۆڕە کۆمەڵایەتییە یەکسانخوازەی کە لە سەرانسەری کۆمەڵگادا سەری ھەڵداوە، کە بەھۆی تەکنەلۆژیاکانی ئینتەرنێت بە گشتی فەراھەم کراوە.
سەرچاوەکان
[دەستکاری]- ↑ Barkai، David (٢٠٠١). Peer-to-peer computing: technologies for sharing and collaborating on the net. Hillsboro, OR: Intel Press. ژپنک ٩٧٨-٠-٩٧٠٢٨٤٦-٧-٩. OCLC ٤٩٣٥٤٨٧٧.
- ↑ Saroiu، Stefan؛ Gummadi، Krishna P.؛ Gribble، Steven D. (١ی ئابی ٢٠٠٣). «Measuring and analyzing the characteristics of Napster and Gnutella hosts». Multimedia Systems (بە ئینگلیزی). ٩ (2): ١٧٠–١٨٤. doi:١٠.١٠٠٧/s٠٠٥٣٠-٠٠٣-٠٠٨٨-١. ISSN ١٤٣٢-١٨٨٢. S2CID ١٥٩٦٣٠٤٥.
- ↑ «What is BitTorrent? | Is Torrenting Safe?». www.kaspersky.com (بە ئینگلیزی). ١٩ی نیسانی ٢٠٢٣. لە ٢٤ی تشرینی یەکەمی ٢٠٢٣ ھێنراوە.
- ↑ «האוניברסיטה הפתוחה». www.openu.ac.il. لە ١٥ی تەممووزی ٢٠٢٤ ھێنراوە.
