ھان ھیۆ-جوو

한효주
ھان ھیۆ-جوو
한효주; ھان ھیۆ-جوو;
	هان هیۆ-جوو لە حوزەیرانی ٢٠١٧
لەدایکبوون	٢٢ی شوباتی ١٩٨٧ (تەمەن ٣٨ ساڵ); چیۆنگجو،چیونگچۆنگ،کۆریای باشوور
پەروەردە	زانکۆی دۆنگگوک - فیلم و شانۆ
پیشە	ئەکتەر
چالاکبوون	٢٠٠٣- ئێستا
وەکیل	BH Entertainment (کۆریا); FlaMme (ژاپۆن)
باڵا	١٧٢سم (٥ پێ ٨ ئینچ)

ھان ھیۆ-جوو (بە ھانگول: 한효주؛ بە ھانجا: 韓孝周) ئەکتەرێکی کۆریای باشوورە لە ٢٢ی شوباتی ساڵی ١٩٨٧ لە چیۆنگجو لە چیونگچۆنگلە کۆریای باشوور لە دایکبووە، وە ناسراوە بە دۆنگ یی، باشتر ناسرا لە زنجیرە تەلەڤیزیۆنەکانی وەک (Brilliant Legacy) لە ساڵی ٢٠٠٩ وە دۆنگ یی لە ساڵی ٢٠١٠.

سەرەتای ژیانی

ھان ھیۆ-جوو دایکی مامۆستای قوتابخانەی سەرەتایی بووە پێش ئەوەی ببێت بە پشکنەر لە قوتابخانە گشتییەکان وە باوکیشی سەرباز بووە.

هان هیۆ-جوو لە دووەم ساڵی کۆلێژ لە قوتابخانەی دواناوەندی ئەچێتە سیۆل، لەدوای قوتابخانەی دوا ناوەندی ھان ھیۆ-جوو چووە بەشی شانۆ لە زانکۆی دۆنگگوک.

لە ساڵی ٢٠٠٣ خەڵاتی گەورەی ئافرەتانی بینگ-گیور"ی بردەوە کە لەلایەن کۆمپانیای بینگ-گیورەوە بوو کە کۆمپانیایەکی خواردنی کۆرییە.وە بەم دەرکەوتنەی ناوبانگێکی زۆری پەیدا کرد و لەساڵی ٢٠٠٦ ڕۆڵی سەرەکی درایە لە درامایەک لەکەناڵی KBS2 بەناوی "Spring Waltz".وە ھان ھیۆ-جوو ئەوەشی ڕوون کردەوە کە ڕۆڵ گێڕانی لەو درامایە سەخت بووە، بێگومان ئەوەش بەھۆی ئەوەی کە شارەزایی تەواوی نەبوو لە ڕۆڵ گێڕان.وە یەکەم دەرکەوتنیشی لەفیلم ھەر لەساڵی ٢٠٠٦ بوو بەناوی "Ad Lib-Night" وە کارکردنی لەم فیلمەدا زۆر ئاسانتر بوو لە کارکردنی لە دراماکەدا.وە خەڵاتی باشترین ئەکتەری وەرگرت لە ٢٦مین ئاھەنگی ڕەخەنگرانی فیلمی کۆری و لە ٢٠مین ئاھەنگی فیلم لە سەنگاپورا.