گێرد مۆلەر

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان
مۆلەر

گێرد مۆلەر ناوی تەواوی گێرھارد گێردمۆلەرە کەبە گێرد مۆلەر ناسراوە لەرۆژی ٣ی تشرینی دووەمی ١٩٤٥ لەشاری نۆردللیگن لە ئاڵمانیا لەدایکبووە. یەکێک لە ھێرشبەرە ناسراوەکانی تۆپی پێی ئاڵمانیایە. ناوبانگی مۆلەر تەنیا لەبەر تۆمارکردنی گۆڵەکانی نەبوو بەڵکو ئەو بلیمەتە باڵاکورتە سەرەرای قەڵافەتێکی بەھێز ھێندێک تایبەتمەندی ھەبوو رای پسپۆرانی بۆلای خۆی رادەکێشا گۆڵەکانی زۆرجوان و سەرنجراکێش و تایبەتی بوون لەھەموو حاڵەتێک و شێوازێک گۆڵی تۆماردەکرد. دووای زۆربوونی تەمەنی (گێرد مۆلەر) توشی نەخۆشی زەهایمەر بوو.

ژیانی وەرزشی[دەستکاری]

نابراو لەھێلی ھێرشبەری یانەی بایرن میونخ یاری دەکرد وە لەساڵی ١٩٦٦تا ١٩٧٤ یاری بۆھەڵبژاردەی ئەڵمانیا کرد لەگەڵ ئەستێرەکانی دیکەی ئەڵمانیا مۆلەر لەجیھانی تۆپی پێ چەندین ریکۆردی بەجێھێشتووە کەگەیشتین بەوریکۆردانە بۆ ھیچ یاریزانێک ئاسان نیە ئەو یاریزانە بۆیەکەمجار لەتەمەنی ٢١ساڵیەوە بۆ ھەڵبژاردەی ئەڵمانیا بانگێشتکرا و بۆماوەی ٨ساڵ یاری بۆ ئەڵمانیای ڕۆژاوا کرد لەو ماوەیەدا ٦٢یاری ئەنجامداو ٦٧گۆڵی تۆمارکرد.

لەگەڵ ھەڵبژاردەی ئەڵمانیای ڕۆژاوا[دەستکاری]

مۆلەر لەگەڵ ئەڵمانیای ڕۆژاوا بەشداری مۆندیالی ١٩٧٠ کرد و توانی ١٠گۆڵ تۆماربکات و لەمۆندیالی ١٩٧٤بەشداریکرد توانی لەگەڵ ئەڵمانیای ڕۆژاوا نازناوی مۆندیال بەدەست بھێنێت و لەو مۆندیالەشدا ٤گۆڵی تۆمارکرد تاساڵی ٢٠٠٦ ریکۆردی گۆڵکاری مێژوویی مۆندیال بەناوی ئەوبوو بەڵام لەمۆندیالی ٢٠٠٦ یاریزان رۆناڵدۆی بەرازیلی ٣گۆڵی تۆمارکردبەمەش ژمارەی گۆڵەکانی لەمۆندیال گەیاندە ١٥ گۆڵ بەڵام لەمۆندیاڵی٢٠١٤ یاریزان میرۆسڵاڤ کڵۆزە تونی دووگۆڵ تۆماربکات و ژمارەی گۆڵەکانی لەمۆندیال گەیاندە ١٦گۆڵ بەمەش بووەگۆڵکاری مێژویی مۆندیال.

لەگەڵ بایرن میونخ[دەستکاری]

مۆلەر بۆماوەی پازدەساڵ یاری بۆ بایرن میونخ کرد لەو ماوەیەدا ٣جار بوونە پاڵەوانی خولی یانە پاڵەوانەکانی ئەوروپا و جارێک جامی ئەوروپا و چوارجار پاڵەوانی خولی ئەڵمانی چوار جامی ئەڵمانیایان بەدەست ھێنا ناوبراو لەساڵی١٩٧٩چوە خولی ئەمریکی و دووساڵ یاری لەو خولەکرد و ٨٠یاری ئەنجامداو ٤٠گۆڵی تۆمارکرد.

نازناوەکان[دەستکاری]

  • پلەی سێیەمی مۆندیالی ١٩٧٠
  • پاڵەوانی مۆندیالی ١٩٧٤
  • پلەی سێیەمی گۆڵکاری مێژوویی مۆندیال
  • پلەی یەکەمی جامی نەتەوەکانی ئەوروپای ١٩٧٢
  • پاڵەوانی جامی جیھانی یانەکان لەگەڵ بایرن میونخ
  • ٣جار پاڵەوانی خولی یانەپاڵەوانەکانی ئەوروپا
  • یەک جار پاڵەوانی جامی ئەوروپا لەگەڵ بایرن میونخ
  • چوار جار پاڵەوانی خولی ئەڵمانیا لەگەڵ بایرن میونخ
  • چوار جار پاڵەوانی جامی ئەوروپا لەگەڵبایرن میونخ
  • باشترین یاریزانی ئەوروپا لەساڵی ١٩٧٠
  • گۆڵکاری مۆندیالی ١٩٧٠ بەتۆمارکردنی ١٠گۆڵ
  • گۆڵکاری جامی نەتەوەکانی ئەوروپای١٩٧٢ بەتۆمارکردنی٤گۆڵ
  • باشترین گۆڵکاری ئەوروپا لەساڵانی ١٩٧٠ و ١٩٧٢
  • ھەروەھا دووجار وەک باشترین یاریزانی ساڵی ئەڵمانیا دیاریکراوە

سەرچاوە[دەستکاری]

  • (کتێبی ئەستێرەکانی جیھانی تۆپی پێ)لەنووسینی مەھدی بەدری / ساڵی چاپ زستانی ساڵی ٢٠٠٩ لەشاری سلێمانی