گۆڤاری پەڵپ

لە ئینسایکڵۆپیدیای ئازادی ویکیپیدیاوە
چیرۆکە ڕازئامێزە تیژەکان، شوباتی ١٩٣٦، چیرۆکێک لەلایەن لیو مێریڵ.

گۆڤاری پەڵپ (زۆرینەی جار «پەڵپەکان»ی پێ دەوترێت) گۆڤاری خەیاڵیی ھەرزان بوون کە لە ١٨٩٦ بۆ کۆتایییەکانی ١٩٥٠کان بڵاودەکرانەوە. وشەی «پەڵپ» لە داری پەڵپەوە ھاتووە کە لاپەڕەی گۆڤارەکانی لێ دروست دەکرا و لەسەری چاپ دەکرا. بە پێچەوانەوە، ئەو گۆڤارانەی کە لەسەر لاپەڕەی باشتر چاپ دەکران «ورشن»یان پێ دەوتران. زۆرینەی گۆڤارە پەڵپەکان ١٢٨ لاپەڕە دەبوون؛ ١٨ سانتیمەتر پان بوون و ٢٥ سانتیمەتر درێژ بوون، و ئەستووریشیان ١٬٣ سانتیمەتر دەبوو، بە لێواری ناڕێک و نەبڕاوەوە.

پەڵپەکان ناوبانگیان بەخشییە دەستەواژەی وێژەی پەڵپ وەک ئاماژەدانێک بۆ وێژەی ھیچ و کەم کوالێتی. پەڵپەکان سەرکەتوو بوون لە کۆمیکە ھەستبزوێن، ڕۆمانە ھەرزانەکان، و کورتە گۆڤارە خەیاڵییەکاندا لە سەدەکانی ١٩یەم. گۆڤارەکان بەزۆری بۆ بابەتە دڵتەزێن، لێکۆڵەری، و ھەستییەکانی ناسراوە. کۆمیکە سووپەرھیرۆیییە ھاوچەرخەکان ھەندێک کات بە نەوەی «پەڵپی پاڵەوانییەتی»ەکان دادەنرێن؛ گۆڤارە پەڵپەکان چیرۆکی کێشراوی وەک ڕۆمانی تێدابوو کە باسی کەسایەتییە پاڵەوانەکانی دەکرد، وەک فلاش گۆردن، شادۆو، دۆک ساڤج، و دە فانتەم دیتێکتڤ.

چەشنەکان[دەستکاری]

گۆڤارە پەڵپەکان زۆرینەی کات زۆر چەشنی وێژەی تێدابووە، کە بریتین لە:

ڕۆژاوای کۆنی ئەمریکی چەشنێکی پاڵپشتی ڕۆمانەکانی سەرەتاکانی سەدەی ٢٠ەم بوو وەک گۆڤارە پەڵپەکانی دوای خۆی، و لە ھەموو پەڵپە باوەکان زیاتر مایەوە. بەزۆر شێوە، چەشنی سەرکێشی پیاوان جێگرەوەی پەڵپ بوو.

زۆرینەی ڕۆمانە خەیاڵی زانستی و تاوانەکان بەزنجیرە دەکران لە گۆڤارە پەڵپەکاندا وەک داستانە سەیرەکان، چیرۆکە سەرسوڕھێنەرەکان، و ڕووپۆشی ڕەش.

سەرچاوەکان[دەستکاری]