کەویار ھەورامی
کەویار ھەورامی | |
|---|---|
| لەدایکبوون | ١ی کانوونی دووەمی ١٩٩٩ |
| پیشە | گۆرانیبێژ |
| چالاکبوون | ٢٠١٠–ئێستا |
| چەشن | مۆسیقای کوردی |
| ھاوسەر | ڕێبین سالار |
کەویار ھەورامی (ناوی تەواوی: کەویار ھادی سەعید؛ لەدایکبووی ١٩٩٩[١] یان ١٩٩٨[٢] لە ھەڵەبجە) گۆرانیبێژێکی کوردە. ئەو بە ستایلە سوننەتییەکەی و توانای لە وتنەوەی گۆرانیی ھونەرمەندە کلاسیکەکان ناسراوە.[٣]
ژیاننامە
[دەستکاری]کەویار ھادی لە ساڵی ١٩٩٩ (بەپێی ھەندێک سەرچاوەی تر ١٩٩٨) لە شاری ھەڵەبجە لەدایک بووە.[١][٢]
کاروانی ھونەری
[دەستکاری]کەویار لە ساڵی ٢٠١٠ـەوە دەستی بە کاری ھونەری کردووە، کاتێک بەشداریی لە بەرنامەیەکی تەلەڤیزیۆنیی تایبەت بە منداڵانی بەھرەمەند کرد بە ناوی «تۆ نموونەی».[٣] بەھۆی دەنگە تایبەتەکەیەوە توانیویەتی ناوبانگێکی باش پەیدا بکات و توانایەکی باشی لە وتنەوەی گۆرانییەکانی ھونەرمەندان مەزھەری خالقی، محەممەدی ماملێ و عەدنان کەریم ھەیە.[٣]
لە دوای کۆچی دوایی ھونەرمەندی گەورەی ئێرانی، محەممەدڕەزا شەجەریان، لە ساڵی ٢٠٢٠، کەویار گۆرانیی «مرغ سحر»ی بە دەنگی خۆی وتەوە و وەک ڕێزێک پێشکەشی ڕۆحی ئەو ھونەرمەندەی کرد.[١]
بەرھەمەکان
[دەستکاری]تاکە گۆرانییەکان
[دەستکاری]- نیوەشەو (٢٠١٨): ئەم گۆرانییە یەکەم بەرھەمی تایبەتی کەویار بوو کە بەشێوەی ڤیدیۆکلیپ بڵاوی کردەوە. تێکستی گۆرانییەکە لەلایەن «ژەنەڕاڵی پایز»[٤] (یان محەممەد عومەر)[٥] نووسراوە و ئاوازەکەی لەلایەن عەدنان کەریم دانراوە. دابەشکردنی مۆسیقاکەی لەلایەن ڕێبین سالارەوە کراوە.[٤] سەرجەم گرتەکانی کلیپەکە لە خانوویەکی چۆڵی شاری سلێمانی تۆمار کراوە.[٤]
ژیانی تایبەتی
[دەستکاری]کەویار ھەورامی لە مانگی تەممووزی ٢٠٢٢ ژیانی ھاوسەرگیریی لەگەڵ مۆسیقاژەن و ژەنیاری ئامێری سەنتوور، ڕێبین سالار، پێکھێنا.[٣][٢] ڕێبین سالار یەکێکە لە مۆسیقاژەنە دیارەکانی کورد و لە ھەندێک لە کارە ھونەرییەکانی کەویاردا بەشداریی کردووە.[٢]
سەرچاوەکان
[دەستکاری]- 1 2 3 «کەویار گۆرانییەکی شەجەریان دەڵێتەوە». خەندان. ١١ی تشرینی یەکەمی ٢٠٢٠. لە ٢٣ی ئابی ٢٠٢٥ ھێنراوە.
- 1 2 3 4 «کەویار هەورامی هاوسەرگیریی کرد». ئێن ئاڕ تی ٢. لە ٢٣ی ئابی ٢٠٢٥ ھێنراوە.
- 1 2 3 4 «کەویار هەورامی ژیانی هاوسەرگیری پێکهێنا». سپی میدیا. ١٦ی تەممووزی ٢٠٢٢. لە ٢٣ی ئابی ٢٠٢٥ ھێنراوە.
- 1 2 3 «کەویار نوێترین کلیپی بە ناوی "نیوەشەو" بڵاوکردەوە». سپی میدیا. ٢٨ی تشرینی دووەمی ٢٠١٨. لە ٢٣ی ئابی ٢٠٢٥ ھێنراوە.
- ↑ «کەویار کلیپێکی نوێی بڵاوکردەوە». خەندان. ١ی کانوونی یەکەمی ٢٠١٨. لە ٢٣ی ئابی ٢٠٢٥ ھێنراوە.
