کەوتنی ئاشوور

کەوتنی ئاشوور
بەشێک لە لەشکرکێشیی ماد بۆ سەر ئیمپراتۆریەتیی ئاشوور
نەخشەیەکی ئیمپراتۆریەتیی ئاشووریی نوێ، کە شاری ئاشووریشی لەسەر دەردەکەوێت
ڕێکەوت ٦١٤ پ.ز شوێن ئیمپراتۆریەتیی ئاشوور ئەنجام ماد براوە بوو
شەڕکەرەکان
شانشینی ماد	ئیمپراتۆریەتیی ئاشوور
فەرماندە و سەرکردەکان
کەیخەسرەو	سین شار ئیشکون
ھێز
~٢٥،٠٠٠-٣٠،٠٠٠ (بە نزیکەیی)	~٢٠،٠٠٠-٣٠،٠٠٠ (بە نزیکەیی)
زەرەر و زیانە گیانییەکان
~٤،٠٠٠-٧،٠٠٠ (توێژینەوە و لێکۆڵینەوەی زیاتری پێویستە)	۱٠٠،٠٠٠ (توێژینەوە و لێکۆڵینەوەی زیاتری پێویستە)

 

کەوتنی ئاشوور، یان شەڕی ئاشوور کاتێک ڕوویدا کە یەکەم شار و پایتەختی دێرینی ئیمپراتۆریەتیی ئاشووریی نوێ کەوتە دەست ھێزەکانی ماد و بابل و ھێزەکانی دیکەی سەرکردایەتیی یاخیبوون. تاڵانکردن و وێرانکردنی ئەو شارەی بەدوادا ھات کە تا ڕاددەیەک شارەکەی وێران کرد؛ بەڵام لە سەردەمی ئیمپراتۆریەتیی ھەخامەنشییەکاندا چاک کرایەوە.

پێشینە

لە کۆتاییی دەسەڵاتی ئاشووربانیپاڵەوە لە ساڵی ٦٢٧ پێش زایین، ئیمپراتۆریەتیی ئاشووریی نوێ لە پێگەیەکی خراپ و ناسەقامگیردا بوو؛ شەڕی ناوخۆ، ڕاپەڕینەکان لە بابل و ئەنادۆڵ و قەوقاز و شام، داگیرکارییەکانی ماد و بابل و سکیتییەکان زۆر بوون بۆ ئەو ئیمپراتۆریەتەی کە بەھۆی شەڕی ناوخۆوە کۆنتڕۆڵی لەدەست داوە و وێران بووە. لە ساڵی ٦١٦ پێش زایین، بابلییەکان سەربەخۆییی دیفاکتۆی خۆیان لە ئاشوورییەکان وەرگرت و دایانمەزراند.

ھێرشکردنە سەر شارەکە

لە ساڵی ٦١٥ پێش زایین، مادەکان و ھاوپەیمانەکانیان شاری ئارابخایان داگیرکرد. ساڵی دواتر، ئاشووریان گەمارۆدا. زۆربەی ئەوەی لە سوپای ئاشووردا مابوویەوە لە نەینەوا بوو، بۆیە نەیاندەتوانی ھاوکاری بکەن. لە کۆتاییدا دوای پێکدادانێکی خوێناوی کە تەنانەت دواتر کەللەسەر و ئێسکەپەیکەرێکی زۆر دۆزرایەوە لە شارەکەدا، شارەکە لە ساڵی ٦١٤ پێش زاییندا گیرا.