کۆڕبەندی چەپی کوردستان

لە ئینسایکڵۆپیدیای ئازادی ویکیپیدیاوە
Jump to navigation Jump to search

کۆڕبەندی چەپی کوردستان ھاوپەیمانییەکی چەند حیزب و لایەنێکی سۆسیالیست و کۆمۆنیستی ھەر چوار پارچەی کوردستانە. ئەم کۆڕبەندە ساڵانەیە لە ساڵی ٢٠١٩ دامەزراوە و تا ئێستاکە دوو کۆنفرانسی خۆی بەڕێوەبردووە.

کۆنفرانسی یەکەم[دەستکاری]

یەکەمین کۆنفرانسی کۆڕبەندی چەپی کوردستان لە ٩ی تشرینی دووەمی ٢٠١٩ لە ھۆڵی شەھیدانی حزبی شیوعی کوردستان لە عەنکاوە لە ھەولێر بە دروشمی (کاراکردنی ڕۆلی ھێزە چەپەکانی کوردستان لە تێکۆشانی نیشتمانی و چینایەتیدا) بەڕێوەچوو.[١] ئەم کۆڕبەندە دوو پانێڵی لە خۆ گرتبوو، پانێلی یەکەم لەژێر ناوی (ڕوانگەی ھێزە چەپەکانی کوردستان بۆ کێشەکانی ڕۆژھەڵاتی ناوەڕاست، و ململانێی ھێزە نێودەوڵەتی و ھەرێمایەتییەکان لە ڕۆژھەڵاتی ناوەڕاست و کارتێکردنی لەسەر پرسی کوردستان) بوو کە کاوە مەحموود، ھیوا سەید سەلیم، نەوید میھراوەر، نوێنەری بەرێز سینان چیفتیورک، و ھەڤال بایڕام بەشدارییان تێدا کرد. ھەروەھا پانێلی دووەم بەناونیشانی (ھەڵومەرجی ئەمڕۆی کوردستان و بنەمای گوتاری ھێزە چەپەکانی کوردستان و دەرفەتی کاری ھاوبەش و ئاستەنگەکان) بوو کە بەڵێن عەبدولڵا، نەجمەدین مەلا، نوسرەتین حاچین، مەسعوود تەک، و ھیوا عومەر لەناویدا بەشدارییان کرد.[٢]

لە یەکەمین کۆنفرانسی کۆڕبەندی چەپی کوردستان جگە لە لە چەندین نووسەر و ڕۆشنبیری چەپ،[١] نوێنەرانێک لەم حیزبانە بەشدار بوو:

کۆنفرانسی دووەم[دەستکاری]

دووەمین کۆنفرانسی کۆڕبەندی چەپی کوردستان لە ٢١ی تشرینی دووەمی ٢٠٢٠ بەھۆی قەیرانی ناصۆشیی کۆرۆنا بە شێوەی ئۆنلاین لە تۆڕی زووم[٣] بەڕێوەچوو. ئەم کۆنفرانسە لەسەر سێ تەوەری سەرەکی دابەشکرابوو. لە تەوەری یەکەم چوار گرتە فیدیو سەبارەت بە ڕەوشی سیاسیی ھەر چوار پارچەی کوردستان لە بواری پەرەسەندنەکانی بابەتی نیشتمانی پیشان درا و ئامادەبوانی کۆنفرانس گتوگۆیان لەبابەتی کرد. لە تەوەری دووەمی کۆنفرانسەکە باس لە ئەرکەکانی ھێزی چەپی کوردستانی لە قۆناغی ڕزگاری نیشتمانیدا و ئەرکە چینایەتییەکانی ھێزی چەپی کوردستان لە ھەر پارچەیەکدا کرا. تەوەری سێیەمی کۆنفرانسەکەش بۆ بابەتی کۆرۆنا و لێکەوتەکانی لەسەر جیھان بە گشتی و خەڵکی زەحمەتکێش لە کوردستان و لە سەرانسەری جیھاندا تەرخان کرابوو.[٤]

لە دووەمین کۆنفرانسی کۆڕبەندی چەپی کوردستان نوێنەرانێک لەم حیزبانە بەشدار بوو:

سەرچاوەکان[دەستکاری]

  1. ^ ی ا "لە شاری ھەولێر یەکەمین کۆڕبەندی ھێزە چەپەکانی کوردستان بەسترا". ڕێگای کوردستان. حیزبی شیوعی کوردستان. ٩ی تشرینی دووەمی ٢٠١٩. لە ڕێکەوتی ٢٠ی ئازاری ٢٠٢١ ھێنراوە. 
  2. ^ ی ا "ڕاگەیاندنی کارەکانی یەکەمین کۆڕبەندی ھێزە چەپەکانی ھەر چوار پارچەی کوردستان". ئاوێنە. ١٢ی تشرینی دووەمی ٢٠١٩. لە ڕێکەوتی ٢٠ی ئازاری ٢٠٢١ ھێنراوە. 
  3. ^ "سبەی کۆڕبەندی چەپی کوردستان دووەمین کۆنفرانسی بە شێوازی ئۆنلاین لە تۆڕی زووم بەڕیوە دەبات". ئێستانیوز. ٢٠ی تشرینی دووەمی ٢٠٢٠. لە ڕێکەوتی ٢٠ی ئازاری ٢٠٢١ ھێنراوە. 
  4. ^ ی ا "کۆربەندی چەپی کوردستان دووھەمین کۆنفرانسی خۆی ئەنجام دا". ڕێگای کوردستان. حیزبی شیوعی کوردستان. ٢٣ی تشرینی دووەمی ٢٠٢٠. لە ڕێکەوتی ٢٠ی ئازاری ٢٠٢١ ھێنراوە.