کۆساری

لە ئینسایکڵۆپیدیای ئازادی ویکیپیدیاوە
Jump to navigation Jump to search
خدر کۆساری

کۆساری ١٩٦٧-١٩٩٣ کۆساری شاعیرێکی کوردی خەڵکی (ڕانیە) بووە.[١] لەگەڕەکی قەڵات لەدایک بووە لە کۆتای ساڵانی ١٩٨٧ یەکەم شیعری خۆی دەنوسێت بە ناوی (نیگاری خودان) دەورێکی بەرچاوی ھەبووە لە ڕاپەڕینە مەزنەکەی ساڵی ١٩٩١ دا و لە بڵندگۆی مزگەوتی گەورەی ڕانیە شیعرە پڕ لە جۆش و خرۆشەکانی بەسەر جەماوەری ڕاپەڕیودا دەخوێندەوە . لەساڵی ١٩٩١ ھەندێک لە شیعرەکانی لە کاسێتێکدا بە دەنگی خۆی بەناوی (سەدای کۆساری) تۆمار دەکات ، بەشی دووەمی لە سالی ١٩٩٣ بڵاوکردەوە. لە ٢٧ی کانوونی یەکەمی ١٩٩٣ دا و لە تەمەنی ٢٦ ساڵی شەھیدکرا. کۆساری توانایەکی بەرزی ھەبووە لە زمانی کوردی و بە تایبەتی قەصیدەکانی شایەتی ھەست ناسکی و باڵا دەستی کۆسارین ، لە وێنەی شیعری و ھونەری ڕەوانبێژی.کۆساری شیعرەکانی مۆرکێکی تایبەت بەخۆیان ھەیە کە سەرەڕای تێڕوانینی جوانی بۆ سروشت و جوانی مرۆڤ جوامێری باڵادەستی بەسەر زمان و یاریکردن بە وشە ھەڵقوڵاوی رەوانی ھەستی پاکن . کۆساری توانایەکی سەرسوڕھێنەری ھەبووە لە ئیلقای شیعر و جۆش و خرۆشی ئەخستە نێو ھەموو گوێگرانی لە ھەر کوێیەک شیعری خوێندبێتەوە . دیوانێکی ھەیە کە دوای خۆی چاپکراوە. لە قەصیدەکانی "مانگ گیران"،"قەڵەمی ڕاستگۆ"،"پرسە"[٢][٣]

سەرچاوەکان[دەستکاری]

  1. ^ "کۆساری، کەڵە پیاوى شیعرو ئازادی". omargulpi.net. لە ڕێکەوتی 2021-03-31 ھێنراوە. 
  2. ^ www.rudaw.net https://www.rudaw.net/sorani/kurdistan/271220163. لە ڕێکەوتی 2021-03-31 ھێنراوە.  ون یان واڵا |title= (یارمەتی)
  3. ^ کوردیپێدیا، Kurdipedia-. "خدر کۆساری". Kurdipedia.org. لە ڕێکەوتی 2021-03-31 ھێنراوە.