کچێک بە تاتۆی ئەژدیھاوە

لە ئینسایکڵۆپیدیای ئازادی ویکیپیدیاوە
Jump to navigation Jump to search
کچێک بە تاتۆی ئەژدیھاوە
The Girl with the Dragon Tattoo Poster.jpg
پۆستەری فیلمەکە
دەرھێنەر دەیڤد فینچەر
بەرھەمھێنەر سکۆت ڕودن ئۆلی ساندبێرگ سارن ستێرمۆز چێن چافن
شانۆنامە ستیڤن زێیلیان
لەسەر بنەمای ڕۆمانی کچێک بە تاتۆی ئەژدیھاوە - ستیگ لارسن
ئەکتەران دانیێل کرەیگ ڕۆنی مارا کریستۆفەر پلەمەر ستیڵان سکارگارد ستیڤان بیرکۆف
مۆسیقا ترێنت ڕێزنەر ئەتیکۆس ڕۆز
وێنەگری سینەمایی جیف کۆرنوێس
دەرچوون
  • ١٢ی کانوونی یەکەمی ٢٠١١ (2011-12-12) (لیستەر)
  • ٢٠ی کانوونی یەکەمی ٢٠١١ (2011-12-20) (ئەمریکا)
  • ٢١ی کانوونی یەکەمی ٢٠١١ (2011-12-21) (Sسوید)
ماوەی فیلم ١٥٨ خولەک
وڵات ئەمریکا
زمان ئینگلیزی
تێچوون ٩٠ ملیۆن دۆلار
داھات ٢٣٢ ملیۆن دۆلار

کچێک بە تاتۆی ئەژدیھاوە (بە ئینگلیزی The Girl with the Dragon Tattoo) فیلمێکی سویدی- ئەمریکیە لە جۆری کاریگەری و ڕاز ئامێز کە لە ڕۆمانێکەوە وەرگیراوە بە هەمان ناو لە لایەن ستیگ لارسن ، فیلمەکە لە دەرھێنانی دەیڤد فینچەرە و لە نووسینی ستیڤن زێلیانە ، دانیێل کرەیگ و ڕۆنی مارا ڕۆڵی سەرەکی دەگێڕن، فیلمەکە بە تێچونی ٩٠ ملیۆنەوە توانی ٢٣٢ [١] ملیۆن دۆلار بەدەست بهێنێتەوە و بۆ ژمارەیەکی زۆر خەڵاتیش پاڵێورا و توانی خەڵاتی ئۆسكار بباتەوە بۆ باشترین مۆنتاژ[٢]

چێرۆک[دەستکاری]

مایکڵ بلۆکمویست (دانیێل کرەیگ) ڕۆژنامەنوسێکە کە لە کەیسێکی گەورەدا تێکەوتوە بەرامبەر بازرگانێک و توشی کێشە هاتوە هەر بۆیە کەیسێکی پیاوێکی دەوڵەمەند قبوڵ دەکات کە دەیەوێت بگات بە ئەنجامێک بۆ ئەو ڕوداوەی پێش چل ساڵ ڕویداوە کە ونبونی کچەزاکەیەتی کە لە ئاهەنگێکدا دوای ئەوەی بە باپیری دەڵێت کارم پێتە و باپیری دەڵێت کەمێکی تر دێم و بە تەواوەتی بێسەروشوێن دەبێت و نە لە دارستانەکان نە لە دەریاکاندا نادۆزرێتەوە ، دانیەڵ کەیسەکە قبوڵ دەکات و دەست دەکات بە لێکۆڵینەوە و یارمەتی لە کچێکی سەیر وەردەگرێت بە ناوی لیسبس سالندەر (ڕۆنی مارا) کە هاککەرێکی زۆر لێهاتوە و جەستەی تاتۆی ئەژدیهای لەسەرە ، مایکڵ و لیسبس دوای پەیداکردنی بەڵگە و سەرەداوی زۆر بۆیان دەگەنە ئەنجام گەلێکی سەیر و بۆیان دەردەکەوێت لەو نێوەندەدا کوشتنێکی زنجیرەیی لە ئارادایە و وا دەردەکەوێت پەیوەندی بە یەکێک لە برایانی بنەماڵەی هارێتی بێسەروشوێنەوە هەبێت

کاست[دەستکاری]

  • دانیێل کرەیگ ڕۆڵی مایکڵ بلۆکمویست : ڕۆژنامەنووسە و هاوخاوەنی گۆڤارێکی سویدی میلینیەمە ، براد پیت و جۆرج کلونی و جۆنی دێپ بۆ ڕۆڵی مایکڵ بلۆکمویست پاڵێورا بوون بەڵام لە کۆتاییدا ڕۆڵەکە بە دانیێل کرەیگ درا[٣][٤]
  • ڕۆنی مارا ڕۆڵی لیسبس سالندەر : هاککەرێکە کە چەند جارێک دەسترێژی کراوەتە سەری و دەبێتە هاوکاری مایکڵ بلۆکمویست ، ناتالی پۆرتمان و کریستن ستیوارت و جێنیفەر لۆرنس و ئیڵن پەیج و ئان ھاتوەی و سکارلێت جۆھانسن پاڵێورا بوون بۆ ئەوەی ڕۆڵەکە وەرگرن بەڵام لە کۆتاییدا بە ڕۆنی مارا درا[٥][٦]
  • کریستۆفەر پلەمەر ڕۆڵی هێنریک ڤانگەر
  • ستیلان سکارگارد ڕۆڵی مارتن ڤانگەر
  • جیۆلی ڕیکاردسن ڕۆڵی هارێت ڤانگەر

سەرچاوەکان[دەستکاری]

  1. ^ داهاتی کچێک بە تاتۆی ئەژدیھاوە بۆکس ئۆفیس مۆجۆ - کۆتا سەردان ٢٦ ی ٢ی ٢٠١٧
  2. ^ پاڵێوراو و براوەکانی ئۆسکاری ٢٠١٢-ماڵپەڕی ئۆسکار کۆتا سەردان ٢٦ ی ٢ی ٢٠١٧
  3. ^ دروستکردنی کچێک بە تاتۆی ئەژدیھاوە - هۆڵیود ڕیپۆرتەر - کۆتا سەرداب ٢٦ ی ٢ ی ٢٠١٧
  4. ^ نهێنیەکانی کچێک بە تاتۆی ئەژدیھاوە - ئی دەبلوی - کۆتا سەردان ٢٦ی ٢ی ٢٠١٧
  5. ^ کچێک بە تاتۆی ئەژدیھاوە ئێم تی ڤی - کۆتا سەردان ٢٦ ی ٢ی ٢٠١٧
  6. ^ دانیەڵ کرەیگ نزیکە لە کچێک بە تاتۆی ئەژدیھاوە دێدلاین - کۆتا سەردان ٢٦ ی ٢ی ٢٠١٧