کاریبی

لە ئینسایکڵۆپیدیای ئازادی ویکیپیدیاوە

پۆتانەکان: 14°31′32″N 75°49′06″W / 14.52556°N 75.81833°W / 14.52556; -75.81833

نەخشەی کاریبی

کاریبی (بە ئینگلیزی: Caribbean)، ناوی ناوچەیکی جوگرافیاییە لە جیھانی نوێدا، پێک دێت لە دەریای کاریبی و دوورگەکانی و ناوچەکانی دەوروپشتی، ناوچەکە ئەکەوێتە باشووری ڕۆژھەڵاتی ئەمریکای باکوور و ڕۆژھەڵاتی ئەمریکای ناوەڕاست و باکوور و ڕۆژاوای ئەمریکای باشوور.

لە کاریبیدا نزیکەی ٧،٠٠٠ دوورگە ھەیە، دوورگەی ھیندی ڕۆژاوایی پێک دێت لە دوورگەی ئەنتیڵی گەورە و دوورگەی ئنتیڵی بچووک لەگەڵ باھاماس، لە ڕووی جیۆسیاسیەوە دوورگەی ھیندی ڕۆژاوایی (بە مانایەکی تر؛ ناوچەی کاریبی) لەسەر ئەمریکای باکوور دادەنرێت و دابەش دەبێت بۆ ٢٨ بەش لە نێویاندا دەوڵەتی سەربەخۆ ھەیە و ئەوانی تر سەر بە ئەورووپا و ئەمریکان، لە ساڵی ١٩٥٨ دەوڵەتێک دامەزرا بە ناوی یەکێتی دوورگەکانی ھیندی ڕۆژاوایی کە لە ساڵی ١٩٦٢ ھەڵوەشایەوە، و ئەم یەکێتیە لە ١٠ دەوڵەت پێک ھاتبوو کە بە ئینگلیزی ئەدوێن لە کاریبیدا.