ڕەشید سدقی غەفوور
 | ئەم وتارە چەند کێشەیەکی ھەیە. تکایە یارمەتی باشترکردنی بدە یان ئەم کێشانە لەسەر پەڕەی لێدوانەکەی باس بکە. (فێربە کەی و چۆن ئەم داڕێژەیە لابەریت)
|
ڕەشید سدقی غەفوور (١٨٩٠–١٩٥٩) شاعیر، ئەفسەر و سەرۆکی پێشووی شارەوانیی سلێمانی بووە.
پێشینەی خێزانیان
[دەستکاری]بەوەدا کە شیعری ھەیە و ١٩٤٩ لە ھەڵەبجەوە ناردوویە، ھەر دەبێ ڕەشید سدقی غەفووری نەوەی پیرۆت ئاغای شیوەکەڵی بێ، کە ئەو دەمە قایمقامی ئەو قەزایە بووە و دەستی شیعرنووسیی ھەبووە.[١][٢]
سەرەتای ژیان و خوێندنی
[دەستکاری]ساڵی ١٨٩٠ لە سلێمانی ھاتووەتە دنیاوە. سەرەتا لە حوجرە خوێندوویە. بەشداری خولێکی پۆلیسی بووە و بە (زەفتییە) دەرچووە. لە یەکەم جەنگی جیھانیدا ڕاپێچی مەیدانی شەڕ کراوە. لە حکوومەتەکەی شێخ مەحمووددا بووەتە ئەفسەری عەسکەری کوردستان. ١٩١٩ بەشداری شەڕی دەربەندی بازیان بووە و بە دیل گیراوە.[١][٢]
ئەرکی لە حکوومەت
[دەستکاری]پاش ئەو دەورە، لە وەزیفەی حکوومەتیدا دامەزراوە و کاروباری مەئمووری مالییەی لە (ھەڵەبجە، قەرەداغ، وارماوە، خورماڵ) و بەڕێوەبەریی ناحیەی لە (ناودەشت، تانجەرۆ، سوورداش، پێنجوێن، سرۆچک، مزووری باڵا، چناران، برادۆست، باڵەک) و قایمقامیی لە (پشدەر، ڕانیە، ھەڵەبجە، ڕەواندز، شارباژێڕ، مەرکەزی سلێمانی) و دیوە و دواجار بووەتە سەرۆکی شارەوانیی سلێمانی.[١][٢]
کۆچی دوایی
[دەستکاری]بەرھەمەکانی
[دەستکاری]ڕەشید سدقی شیعری لە (گەلاوێژ، ھەتاو، ژین)یشدا بڵاوبووەتەوە.[١][٢]
سەرچاوەکان
[دەستکاری]- 1 2 3 4 5 گۆڤاری گەلاوێژ (بەرگی یازدەهەم / بەشی یەكەم) ژیاننامە و پێڕست، ئامادەكردنی (سدیق ساڵح، ڕەفیق ساڵح، عبدوڵڵا زەنگەنە) لە بڵاوكراوەكانی بنكەی ژین بۆ بووژاندنەوەی كەلەپووری و بەڵگەنامەیی و ڕۆژنامەوانیی كوردی. ل 8114
- 1 2 3 4 5 عەبدلخالد سابر، سەرۆک شارەوانییەکانی سلێمانی ١٨٩٠–٢٠٠٣، (لە بڵاوکراوەکانی ھەفتەنامەی سلێمانیی نوێ -١٧)، ل٩٥–٩٩.
 | ئەم وتارە بۆ ھیچ پۆلێکی ناوەڕۆک زیاد نەکراوە. تکایە بە زیادکردنی پۆلێک یان زیاتر یارمەتیی بدە تا لەگەڵ وتارە لێکچووەکان پێڕست بکرێت. (تشرینی دووەمی ٢٠٢٥) |