ڕەئووف ڕەشید عەبدولڕەحمان
| ڕەئووف ڕەشید عەبدولڕەحمان | |
|---|---|
 | |
| لەدایکبوون | ١٩٤١  (تەمەن ٨٢ ساڵ)ھەڵەبجە |
| پیشە | دادوەر، پارێزەر، justice minister |
ڕەئووف ڕەشید عەبدولڕەحمان (١٩٤١، ھەڵەبجە) دادوەری کوردی باشووری کوردستان و یەکێک لە پێنج دادوەری پرۆسەی دادگاییکردنی سەددام حوسێن دیکتاتۆری پێشووی عێراق بوو.
ڕەئووف ڕەشید عەبدولڕەحمان دەرچووی کۆلیژی مافی زانکۆی بەغدایە. لە ساڵی ١٩٧٠ بە ئەندامی یەدەگی سەندیکای پارێزەرانی عیراق بووە. لە ساڵانی ١٩٨٤ ھەتا ١٩٩١ ڕاھێنەری ژووری پارێزەران لە سلێمانی بووە. لە ساڵی ١٩٩٧ دادوەر لە دادگای ھەولێر بووە.
لە ساڵی ٢٠٠٤دا دوای دەرچوونی یاسای دادگای باڵای تاوانەکان بۆ دادگاییکردنی سەرانی ڕژیمی بەعس، لە دادگای ناوبراو بۆ ئەندامی دادگای تاوان ئینتداب کراوە.
سەرۆکی دەستەی یەکەمی دادگای تاوان لە بەغدا لە داواکانی دوجەیل، بازرگانەکان، بارزانییەکان، کوردی فەیلی و کوشتنی نەیارانی سیاسی خێزاندارە بووە. لە ساڵی ٢٠٠٩ لە کابینەی شەشەمی حکوومەتی ھەرێمی کوردستاندا وەزیری داد بووە.
