ڕێزدێنت ئیڤڵ ڕێکویەم

ڕێزدێنت ئیڤڵ ڕێکویەم
Stylized name	Resident Evil requiem
سەرناو	Resident Evil Requiem، バイオハザード レクイエム
ناونراوە لەدوای	ڕێوڕەسمی مردووان
بەشێک لە زنجیرەی	ڕێزدێنت ئیڤڵ
چەشن	ترس و مانەوە
پەرەپێدەر	کاپکۆم
بڵاوکەرەوە	کاپکۆم
سەکۆ	پلەیستەیشن ٥، ئێکس بۆکس سیریز ئێکس و سیریز ئێس، مایکرۆسۆفت ویندۆز، نیتێندۆ سویچ ٢
ڕێکەوتی بڵاوکردنەوە	٢٧ی شوباتی ٢٠٢٦
وڵاتی بنەڕەت	ژاپۆن
زمان	زمانی ئینگلیزی
ئەکتەری دەنگی	Angela Sant'Albano، Nick Apostolides
دابەشکەر	پلەیستەیشن ستۆر، مایکرۆسۆفت ستۆر، ستیم، نینتێندۆ ئیشۆپ
تۆماری پێداچوونەوە	89/100، 95%، 90/100
پاڵێوراوە بۆ	Golden Joystick Awards − Most Wanted Game، The Game Awards − Most Anticipated Game
ڕوودەدات لە گەردوونی خەیاڵیی	Resident Evil universe
کەسایەتییەکان	گرەیس ئاشکرۆفت، لیۆن سکات کێنێدی
دۆخی کایە	تاک یاریزان
ئامێری وەرگر	تەختەکلیلی کۆمپیوتەر، ماوس، گەیمپاد
چەشنی بڵاوکردنەوە	بلو ڕای، دابەشکردنی دیجیتاڵی
OFLC classification	R16
نرخاندنی ESRB	پێگەیشتوو ١٧+
وێبگە	https://www.residentevil.com/requiem
مۆڵەت	مۆڵەتی خاوەن
دۆخی چاپکردن	مافی بڵاوکردنەوە پارێزراوە
زنجیرەفیلم	ڕێزدێنت ئیڤڵ
بەرواری ڕاگەیاندن	٦ی حوزەیرانی ٢٠٢٥
لە ویکیدراوە دەستکاریی زانیارییەکان بکە

ڕێزدێنت ئیڤڵ ڕێکویەم (بە ئینگلیزی: Resident Evil Requiem)، بە واتای خراپەی نیشتەجێ: سروودی مردووان، و لە وەشانی ژاپۆنیدا (بە ژاپۆنی: バイオハザード レクイエム) یارییەکی ترسناکە بۆ مانەوە و لەلایەن کۆمپانیای کاپکۆمەوە پەرەی پێدراوە و بڵاوکراوەتەوە. نۆیەمین قۆناغی سەرەکی زنجیرەی ڕێزدێنت ئیڤڵە، دوای ڕێزدێنت ئیڤڵ ڤیڵج. یارییەکە کەسایەتی نوێی یاریکردن دەناسێنێت، گرەیس ئاشکرۆفت، شرۆڤەکاری دەزگای لێکۆڵینەوەی فیدراڵی کە لێکۆڵینەوە لە زنجیرەیەک مردنی نھێنی دەکات کە پەیوەندییان بە ڕزگاربووانی ڕووداوەکەی ڕاکوون سیتییەوە ھەیە، بە یارمەتی بریکاری گەڕاوەی ئێف بی ئای و پاڵەوان لیۆن سکات کێنێدی.

شێوازی یاریکردن

شێوازی یاریکردن لە نێوان گرەیس و لیۆن دەگۆڕێت. بەشەکانی گرەیس بەردەوامی بە شێوازی ترس و مانەوە دەدەن کە لە یارییەکانی «ڕێزدێنت ئیڤڵ ٧: بایۆھازارد» (٢٠١٧) و «ڕێزدێنت ئیڤڵ ڤیڵج» دا ھەبوو، کە تێدا ھەوڵ دەدەیت لە دەست زۆمبی و دڕندەکان ڕابکەیت؛ بەڵام بەشەکانی لیۆن زیاتر جەخت لەسەر ئاکشن دەکەنەوە، ھاوشێوەی یارییەکانی وەک «ڕێزدێنت ئیڤڵ ٤» (٢٠٠٥)، کە تێیدا ڕاستەوخۆ لە جەنگەکاندا ڕووبەڕووی دووژمنەکان دەبێتەوە. دەکرێت بە ھەردوو کەسایەتییەکە لە ڕووانگەی کەسی یەکەم یان کەسی سێیەمەوە یاری بکرێت.

گەشەپێدان

یارییەکە لە تەممووزی ٢٠٢٤ ڕاگەیەندرا و لە حوزەیرانی ٢٠٢٥ لە چالاکیی «سەمەر گەیم فێست» بە فەرمی پەردەی لەسەر لادرا. یارییەکە لە دەرھێنانی «کۆشی ناکانیشی»یە، کە دەرھێنەری «ڕێزدێنت ئیڤڵ ٧» بووە. بیرۆکەی سەرەتایی یارییەکە ئەوە بوو کە یارییەکی جیھانی کراوەی بەکۆمەڵ بێت لە ڕێگەی ئینتەرنێتەوە، بەڵام تا ساڵی ٢٠٢١ گۆڕدرا بۆ یارییەکی تاکەکەسی کلاسیکی. «ڕێکویەم» بە بەکارھێنانی «ئاڕ ئی ئینجین» پەرەی پێدراوە، و یەکەم یاری بوو لە زنجیرەکەدا کە تایبەت بۆ ئامێرەکانی نەوەی نۆیەمی کۆنسووڵەکانی یاری دیزاین بکرێت. ھەروەھا ئەمە یەکەم دەرکەوتنی سەرەکیی کەسایەتیی لیۆنە لە دوای یاریی «ڕێزدێنت ئیڤڵ ٦» (٢٠١٢)، و دیزاینەکەی نوێ کراوەتەوە بۆ ئەوەی بە تەمەنتر دیار بێت.

بڵاوکردنەوە و پێشوازیکردن

یارییەکە لە ٢٧ی شوباتی ٢٠٢٦ بۆ ئامێرەکانی «پلەی ستەیشن ٥»، «مایکرۆسۆفت ویندۆز» و «ئێکس بۆکس سێرێس ئێکس/ئێس» بڵاوکرایەوە. یارییەکە ستایشێکی زۆری لەلایەن ڕەخنەگرانەوە لێکرا؛ ڕەخنەگران دەستخۆشییان لە کەشوھەوا تاریکەکە، چیرۆکەکە، ژینگە ترسناکەکە و ھاوسەنگیی نێوان ترس و ئەکشن کردووە. ھەروەھا لە ماوەی پێنج ڕۆژدا پێنج ملیۆن دانەی لێ فرۆشرا، بەوەش بوو بە خێراترین یاری لە ڕووی فرۆشتنەوە لە مێژووی زنجیرەکەدا.