ڕۆژی یادکردنەوەی جینۆسایدی ئەرمەنییەکان
| ڕۆژی یادکردنەوەی جینۆسایدی ئەرمەنییەکان | |
|---|---|
 | |
| ناو بە زمانی فەرمی | Մեծ Եղեռնի զոհերի հիշատակի օր |
| یاد کردنەوە بۆ | جینۆسایدی ئەرمەنییەکان |
| ڕۆژ لە ساڵدا بۆ ڕوودانی بۆنەی | ٢٤ی نیسان |
ڕۆژی یادی جینۆسایدی ئەرمەنییەکان یان ڕۆژی یادکردنەوەی جینۆساید (بە ئەرمەنی: Մեծ Եղեռնի զոհերի հիշատակի օր) پشووی فەرمییە لە ٢٤ی نیسان لە ئەرمەنستان و کۆماری قەرەباغ. ئەرمەنییەکان و ڕەوەندی ئەرمەنییەکان قوربانییانی کۆمەڵکوژی ئەرمەنییەکان لە ساڵی ١٩١٥ دەھێننەوە یاد.[١] جینۆسایدی ئەرمەنەکان زنجیرەیەک کۆمەڵکوژی و برسێتی و ئاوارەبوونی زۆرەملێی یەک ملیۆن و ٥٠٠ ھەزار ئەرمەنی بوو لەلایەن حکوومەتی عوسمانییەوە.[٢] لە شاری یەریڤان پایتەختی ئەرمینیا، سەدان ھەزار کەس بەرەو یادەوەری جینۆسایدی تسیسێرناکابێرد ڕێپێوان دەکەن بۆ دانانی گوڵ لە بڵێسەی ئەبەدی.
سەرچاوەی ئەو یادەوەرییە دەگەڕێتەوە بۆ بڕیارێکی ئیمپراتۆریەتیی عوسمانی بۆ دەستگیرکردن و لەسێدارەدانی کۆمەڵێک ڕۆشنبیر و ناوداری ئەرمەنی لە ئەستەنبوڵ لە ٢٤ی نیسانی ١٩١٥.ئەم ڕۆژە بۆ یەکەمجار لەلایەن ئەرمەنییەکانی لوبنانەوە بە بۆنەی پەنجا ساڵەی ئەم بۆنەیە لە ساڵی ١٩٦٥ ھەڵبژێردرا.[٣] ھەموو ساڵێک ئەمڕۆ شایەتحاڵی خۆپیشاندان و گردبوونەوە لەو ناوچانەی ئەرمەنییەکان تێیدا نیشتەجێن لە سەرانسەری جیھان بۆ یادکردنەوەی قوربانییانی کۆمەڵکوژییەکان. ھەروەھا ئەم ڕۆژە لە ساڵی ١٩٨٨ وەک پشووی فەرمی بۆ کۆماری ئەرمینیای سۆڤیەت دەستنیشان کرا. [٤]
ھەروەھا ئاشوورییەکان/سووریانییەکان/کلدانییەکان لەم ڕۆژەدا یادی قوربانییەکانیان لە سەردەمی کۆمەڵکوژییەکانی سەیفۆ دەکەنەوە.
سەرچاوەکان
[دەستکاری]سەرچاوەکان
[دەستکاری]- ^ Hovannisian، ed. (١٩٩٢). The Armenian Genocide: History, Politics, Ethics. Palgrave Macmillan. لاپەڕە ٣٣٩. ژپنک ٩٧٨٠٣١٢٠٤٨٤٧١.
- ^ Bijak، Jakub؛ Lubman، Sarah (2016). «The Disputed Numbers: In Search of the Demographic Basis for Studies of Armenian Population Losses, 1915–1923». The Armenian Genocide Legacy (بە ئینگلیزی). Palgrave Macmillan UK. لاپەڕە ٢٦–٤٣. ژپنک ٩٧٨-١-١٣٧-٥٦١٦٣-٣.
- ^ Gunter 2011
- ^ Bloxham 2005
