ڕۆژی ساڵی نوێ

ڕۆژی سەری ساڵ
یارییە ئاگرینەکان لە مەکسیکۆ سیتی بۆ ئاهەنگگێڕانی سەری ساڵ لە ٢٠١٣
دەگێڕدرێ لەلایەن	بەکارهێنەرانی ڕۆژژمێری گریگۆری
جۆر	نێونەتەوەیی
بیرۆکە	یەکەم ڕۆژی ساڵ لە ڕۆژژمێری گریگۆریدا
ڕێکەوت	١ی کانوونی دووەم
ئاھەنگەکان	دانانی بەڵێنەکانی سەری ساڵ، ڕێوڕەسمەکانی کەنیسە، ڕێپێوانەکان، ئاهەنگەکان، ڕووداوە وەرزشییەکان، یارییە ئاگرینەکان، نمایشی ڕووناکیی درۆنەکان
پەیوەند بە	شەوی سەری ساڵ هۆگمانای نەورۆز سەری ساڵی هیندی سەری ساڵی چینی سەری ساڵی کۆچی کریسمس و وەرزی پشووەکان ئیپفانی

لە ڕۆژژمێری زایینیدا، ڕۆژی ساڵی نوێ یەکەم ڕۆژی ساڵی ڕۆژژمێرییە، واتە ١ی کانوونی دووەم. زۆربەی ڕۆژژمێرە خۆرییەکان، وەک ڕۆژژمێرەکانی گریگۆری و جولیانی، ساڵ بەشێوەیەکی ڕێکخراو لە کاتی هەڵگەڕانەوەی زستانیی نیوەگۆی باکوور یان نزیک لەو کاتە دەست پێ دەکەن. بە پێچەوانەوە، ئەو کولتوور و ئایینانەی پەیڕەوی ڕۆژژمێری خۆری-مانگی یان ڕۆژژمێری مانگی دەکەن، ئاهەنگی سەری ساڵی مانگی لە کاتی جیاوازدا دەگێڕن بە بەراورد بە ساڵی خۆری.

لە ڕۆمای پێش مەسیحییەتدا، لەژێر سایەی ڕۆژژمێری جولیانیدا، ئەم ڕۆژە تەرخانکرابوو بۆ جانووس، خوداوەندی دەروازە و دەستپێکەکان، کە ناوی مانگی کانوونی دووەم (January) لەوەوە هاتووە. لە سەردەمی ڕۆمانەکانەوە تا ناوەڕاستی سەدەی ١٨یەم، سەری ساڵ لە قۆناغ و بەشە جیاوازەکانی ئەورووپای مەسیحیدا لە ٢٥ی کانوونی یەکەم، ١ی ئازار، ٢٥ی ئازار و لە جێژنی گەڕۆکی ئیستەردا ئاهەنگی بۆ دەگێڕدرا.

لە ڕۆژگاری ئەمڕۆ، کە زۆربەی وڵاتان ڕۆژژمێری گریگۆری وەک ڕۆژژمێری شارستانیی خۆیان بەکاردەهێنن، ١ی کانوونی دووەم لەنێو بەناوبانگترین پشووە فەرمییەکانی جیهاندایە، کە زۆرجار بە یارییە ئاگرینەکان لە نیوەشەودا و دوای شەوی سەری ساڵ یاد دەکرێتەوە کاتێک ساڵی نوێ لە هەر ناوچەی کاتییەکدا دەست پێ دەکات. نەریتە جیهانییەکانی دیکەی ڕۆژی سەری ساڵ بریتین لە دانانی بڕیارەکانی ساڵی نوێ و پەیوەندیکردن بە هاوڕێ و خێزانەوە.