وەبەرهێنانی ڕاستەوخۆی بیانی

وەبەرهێنانی ڕاستەوخۆی بیانی (بە ئینگلیزی: Foreign direct investment) (کورتکراوە: FDI) ئاماژەیە بۆ کڕینی سامانێک لە وڵاتێکی دیکە، بەجۆرێک کە کۆنترۆڵی ڕاستەوخۆ دەدات بە کڕیار بەسەر سەروەت و سامانەکەدا (بۆ نموونە کڕینی زەوی و بینا). بە واتایەکی تر، وەبەرهێنانێکە لە شێوەی خاوەندارێتیی کۆنترۆڵکەر لە کاروکاسبییەک، لە خانووبەرە یان لە سامانی بەرهەمدار وەک کارگە لە وڵاتێکدا لەلایەن لایەنێکەوە کە بنکەکەی لە وڵاتێکی ترە. بەم شێوەیە لە وەبەرهێنانی پۆرتفۆلیۆی بیانی یان وەبەرهێنانی ناڕاستەوخۆی بیانی بە چەمکی کۆنترۆڵکردنی ڕاستەوخۆ جیا دەکرێتەوە.

سەرچاوەی وەبەرهێنانەکە کاریگەریی نییە لەسەر پێناسەکە، وەک وەبەرهێنانی ڕاستەوخۆی بیانی: وەبەرهێنانەکە دەکرێت یان بە شێوەی "ناسروشتی" بێت لەڕێی کڕینی کۆمپانیایەک لە وڵاتی مەبەست، یان بە شێوەی "سروشتی" بێت لەڕێی فراوانکردنی کارەکانی کاروکاسبییەکی هەنووکەیی لەو وڵاتە.