هالە گۆرانی
ئەم وتارە چەند کێشەیەکی ھەیە. تکایە یارمەتی باشترکردنی بدە یان ئەم کێشانە لەسەر پەڕەی لێدوانەکەی باس بکە. (فێربە کەی و چۆن ئەم داڕێژەیە لابەریت)
|
هالە پاشا گۆرانی ( ١ى ئادارى ١٩٧٠) ( بە ئینگلیزی: Hala Gorani ) ڕۆژنامەنووسێکی ئەمریکییە بە ڕەچەڵەک سورییە ، باوانی خەڵکی حەلەبن لە سورییە کۆچیان کردووە بۆ ئەمریکا. لە ئۆفیسی سەرەکی سی ئێن ئێن لە شاری ئەتلەنتا لە ویلایەتی جۆرجیا کاردەکات. پێشتر لە ئۆفیسی لەندەن وەک پێشکەشکاری بەرنامەی "(Your World Today)" لەگەڵ جیم کلانسی کاری کردووە. هەروەها پرۆگرامی “مێزگردی نێودەوڵەتیInternational Desk” و پرۆگرامی مانگانەی “ناوخۆی ڕۆژهەڵاتی ناوەڕاستInside the Middle East” پێشکەش دەکات.

ژیاننامە
[دەستکاری]هالە گۆرانی لە شاری سیاتڵ لە ویلایەتی واشنتۆن لە ئەمریکا لەدایک بووە. دایک و باوکى لە کۆچبەرانی حەلەبن . لە پاریسی فەرەنسا گەورە بووە . هەروەها ماوەیەک لە جەزائیردا ژیاوە . بڕوانامەی بەکالۆریۆسی لە ئابووری لە زانکۆی جۆرج مەیسۆن لە نزیک پایتەخت واشنتۆن دی سی وەرگرتووە، هەروەها لە ساڵی ١٩٩٥ لە پەیمانگای پاریس بۆ توێژینەوەی سیاسی دەرچووە. نازناوى گۆرانی لە باوکیەوە وەرگرتووە کە ناوی بنەماڵەیێکى حەلەبن و لە بنەڕەتدا لە هۆزى کوورى / کووران یان گۆرانن کە لە وێرانشارى ئورفا و و بەشێکیان لە حەلەبن سەردەمانێک لە کونفدرالی پاشای مللی بوون.
پیشەى
[دەستکاری]سەرەتای کارکردنی وەک ڕۆژنامەنووس بووە لە دةنگی باکوور ( بە فەڕەنسی: La Voix du Nord ) و لە ئاژانسی فرانس-پرێس لە ساڵی ١٩٩٤ پەیوەندی بە فرانس ٣ کردووە. دواتر لە ساڵی ١٩٩٨ بووە بە کارمەندی سی ئێن ئێن CNN لە لەندەن.
لە ساڵی ٢٠٠٦ دا لە ئۆفیسی سی ئێن ئێن CNN لە لوبنان کاری لەسەر ڕووماڵکردنی ڕووداوەکانی شەڕی نێوان حزبوڵڵا و ئیسرائیل کردووە. هەروەها چەندین ڕاپۆرتی لە سوریا و لوبنان و سعودیە و عێراق و میسرەوە ئامادە کردووە .
لە نیسانی ٢٠٠٧ بێژەری سەرەکیی بووە لە رووماڵکردنی هەڵمەتی هەڵبژاردنەکانی سەرۆکایەتی فەرەنسا (٢٠٠٧) . هەر لە پاریسیشەوە ڕووماڵی دوای هێرشەکەی سەر ڕۆژنامەی چارلی ئیبدۆی لە مانگی یەکی ساڵی ٢٠١٥ کرد.
ژیانی کەسی
[دەستکاری]هالە گۆرانی لە ساڵى ٢٠١٥ەوە خێزاندارەو زمانی ئینگلیزی ، فەرەنسی و عەرەبی دەزانێ و ئێستا لە لەندەن نیشتەجێیە.
سەرچاوەکان
[دەستکاری]- دەروازەی ژیاننامە
- دەروازەی ژن
- دەروازەی ویلایەتە یەکگرتووەکانی ئەمریکا
- دەروازەی پاریس
- دەروازەی تەلەڤیزیۆن
- دەروازەی سووریا
- دەروازەی فەڕەنسا
| ئەم ژیاننامە وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |
| ئەم تەلەڤیزیۆن وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |
| ئەم ویلایەتە یەکگرتووەکان وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |