نەوید محەممەدزادە

لە ئینسایکڵۆپیدیای ئازادی ویکیپیدیاوە
Jump to navigation Jump to search
نەڤید محەممەدزادە

نەڤید محەممەدزادە (لەدایکبووی ١٩٨٦ لە پارێزگای ئیلام، کوردستانی ڕۆژھەڵات) ئه‌ستێره‌ی کوردی سینەما و شانۆیە لە ئێران و لەسەر ئاستی جیھان[١] کە یەکەمین جار بە ھۆی ڕۆڵی لە فیلمی "تووڕە نیم'' ناوی دەرکرد.

نەڤید محەممەدزادە لە ٧٤مین "فێستیڤاڵی نێودەوڵەتی ڤێنیز" کە یەکێکە لە ڕووداوە گرینگەکانی سینەمایی جیھان و کۆنترین فێستیڤاڵی ئیتالیایە خەڵاتی باشترین ئەکتەری پیاو بە ھۆی کایە لە فیلمی "بێ مێژوو، بێ واژوو" بەدەست ھێنا.[٢] نەڤید ھەروەھا توانی خەڵاتی باشترین ئەکتەری پیاو لە فیستیڤاڵی جیھانی و نێودەوڵەتی "ئاسیا پاسیفک" لە وڵاتی ئوسترالیا بۆ دووەمین جار بە ھۆی کایە لە فیلمی "بێ مێژوو، بێ واژوو" بەدەست بێنێ.[٣][٤][٥] نەڤید محەممەدزادە ھەروەھا توانی خەڵاتی باشترین ئەکتەری پیاو لە فیستیڤاڵی نێودەوڵەتی "شەوانی رەشی تاڵین" لە وڵاتی ئیستۆنیا بە ھۆی کایە لە فیلمی "مێشکە گچکە ژەنگاویەکان" بەدەست بێنێ.[٦] نەڤید محەممەدزادە ھەروەھا توانی دوو خەڵاتی باشترین ئەکتەری پیاو لە "فیستیڤاڵی نێودەوڵەتی براتیسلاڤا" له وڵاتی سلۆڤاکیا به ھۆی کایە لە فیلمی "بێ مێژوو، بێ واژوو" له ۲۰۱۷ و ھەروەھا کایه له فیلمی "ناهید" له ۲۰۱۵ بەدەست بێنێ.[٧]

لە ساڵی ٢٠١٦ ڕۆڵی سەرەکی لەفیلمی لانتووری بینی کە توانی داھاتێکی باش لە نێوخۆی ئێران کۆبکاتەوە.

ژیاننامه[دەستکاری]

لە ۱۷ی نیسانی ۱۹۸۶ لە ئیلام لە دایكبووە و منداڵی دوانزدەیەمی خێزانێكی كوردی رۆژهەڵاتە که لە ساڵی ۲۰۰۳ وە هاتووەتە ناو كاری شانۆ و نواندنەوە. نەوید محەممەدزادە ئێستا ئەكتەرێكی سینەمایی ناسراوە و لە ماوەیەكی كەمدا ناوبانگێكی باشی لە بواری سینەما و شانۆی ئێرانی و لەسەر ئاستی جیھان پەیدا كردووە.

خەڵاتەکانی نێودەوڵەتی لەسەر ئاستی جیھان[دەستکاری]

  • لە ٧٤مین "فێستیڤاڵی نێودەوڵەتی ڤێنیز" کە یەکێکە لە ڕووداوە گرینگەکانی سینەمایی جیھان و کۆنترین فێستیڤاڵی ئیتالیایە خەڵاتی باشترین ئەکتەری پیاو بە ھۆی کایە لە فیلمی "بێ مێژوو، بێ واژوو" بەدەست ھێنا.[٨]


  • ھەروەھا توانی خەڵاتی باشترین ئەکتەری پیاو لە فیستیڤاڵی جیھانی و نێودەوڵەتی "ئاسیا پاسیفک" لە وڵاتی ئوسترالیا بۆ دووەمین جار بە ھۆی کایە لە فیلمی "بێ مێژوو، بێ واژوو" بەدەست بێنێ.[٩][١٠][١١]


  • ھەروەھا توانی خەڵاتی باشترین ئەکتەری پیاو لە فیستیڤاڵی نێودەوڵەتی "شەوانی رەشی تاڵین" لە وڵاتی ئیستۆنیا بە ھۆی کایە لە فیلمی "مێشکە گچکە ژەنگاویەکان" بەدەست بێنێ.[١٢]


  • ھەروەھا توانی دوو خەڵاتی باشترین ئەکتەری پیاو لە "فیستیڤاڵی نێودەوڵەتی براتیسلاڤا" له وڵاتی سلۆڤاکیا به ھۆی کایە لە فیلمی "بێ مێژوو، بێ واژوو" له ۲۰۱۷ و ھەروەھا کایه له فیلمی "ناهید" له ۲۰۱۵ بەدەست بێنێ.[١٣]

پڕداھات ترین ئەکتەری سینەمای ئێران لە ٢٠١٩[دەستکاری]

نەڤید محەمەدزادە ئەکتەرێکی بە ناوبانگی کورد بە ٣٢ ملیار تمەن بوو بە پڕ داھات ترین ئەکتەری سینەمای ئێران لە ٢٠١٩. محەمەد زادە لە وەرزی بەھاری ئەمساڵدا لە فیلمی سینەمایی مەترێ شەش و نیو ٢٧ ملیار تمەن و لە فیلمی سورپێست ٥ ملیار تمەن داھاتی بووە.[١٤]

به‌شداری کردن له فێستیڤاڵی فیلمی نێودەوڵەتی سلێمانی له ھەرێمی کوردستان[دەستکاری]

نەڤید محەممەدزادە له سێیمین فێستیڤاڵی فیلمی نێودەوڵەتی سلێمانی له ھەرێمی کوردستان خەڵاتی باشترین ئەکتەری پیاو بە ھۆی کایە لە فیلمی "بێ مێژوو، بێ واژوو" بەدەست ھێنا و لە کاتی وەرگرتنی خەڵاتی فێستیڤاڵی فیلمی سلێمانی گوتی: بژی کورد[١٥]

خەڵاتەکانی ناوخۆی ئێران[دەستکاری]

نەڤید محەممەدزادە لە سیو دوەمین فێستیڤاڵی فەجر وەکو باشترین ئەکتەری پاڵپشتی دیاریکرا بەڕای داوەرانی فێستیڤاڵەکە بەڵام بەھۆی فشاری دەرەکیەوە خەڵاتەکەی پێنەدراو خەڵاتەکە درایە ڕەزا عەتاران. ڕەزا لە گفتوگۆیەکدا لەگەڵ کافە سینەما وتی: ئەو خەڵاتەی من وەرم گرتووە ھی نەڤید محەممەدزادە‌یه و بۆیە من بە خەڵاتی خۆمی نازانم.[١٦]

محەممەدزادە لە سیو چوارەمین فێستیڤاڵی فەجر بە ڕۆڵگێڕان لە فیلمی ھەتاھەتا و یەک ڕۆژ توانی خەڵاتی باشترین ئەکتەری پالپشتی دەستەبەر بکات.[١٧] لە سیو پێنجەمین خولی ھەمان فێستیڤاڵیش توانی بۆ دووەمین جار لەسەریەک خەڵاتی باشترین ئەکتەری پاڵپشتی بەرێتەوە بەھۆی ڕۆڵگێڕانی لە فیلمی بێ مێژوو بێ نیشانە.[١٨]

بەستەرە دەرەکییەکان[دەستکاری]

سەرچاوەکان[دەستکاری]

  1. ^ "Payman Maadi ('A Separation') and Navid Mohammadzadeh ('Sheeple') square off as a tough narcotics cop and drug trafficker in a tense Iranian action film that has become a box office megahit. _hollywoodreporter". 
  2. ^ "ھونەرمەندێکی کورد خەڵاتی فستیڤاڵی وێنیزی پێبەخشرا". 
  3. ^ "Navid mohammadzadeh-awards-imdb". 
  4. ^ "Asiapacific awards navid-mohammadzadeh". 
  5. ^ "لە خولی یازدەھەمینی فێستیڤاڵی ئاسیا_پاسفیک کە ساڵانە لە وڵاتی ئوسترالیا بەڕێوەدەچێت کوردێک وەک باشترین ئەکتەر خەڵات کرا.". 
  6. ^ ""Sheeple" star Navid Mohammadzadeh named best actor at Tallinn festival". 
  7. ^ "Bratislava International Film Festival - navid mohammadzadeh - winner". 
  8. ^ "ھونەرمەندێکی کورد خەڵاتی فستیڤاڵی وێنیزی پێبەخشرا". 
  9. ^ "Navid mohammadzadeh-awards-imdb". 
  10. ^ "Asiapacific awards navid-mohammadzadeh". 
  11. ^ "لە خولی یازدەھەمینی فێستیڤاڵی ئاسیا_پاسفیک کە ساڵانە لە وڵاتی ئوسترالیا بەڕێوەدەچێت کوردێک وەک باشترین ئەکتەر خەڵات کرا.". 
  12. ^ ""Sheeple" star Navid Mohammadzadeh named best actor at Tallinn festival". 
  13. ^ "Bratislava International Film Festival - navid mohammadzadeh - winner". 
  14. ^ "کوردێک بوو بە پڕداھات ترین ئەکتەری سینەمای ئێران". 
  15. ^ "نەوید محەممەدزادە ئەکتەرە کوردە بەناوبانگەکەی سینەمای ئێران، لەکاتی وەرگرتنی خەڵاتی فێستیڤاڵی فیلمی سلێمانی گوتی: بژی کورد _ تۆڕی میدیایی رووداو". 
  16. ^  ڕەزا عەتاران لەگەڵ کافە سینەما فارسی - دواین سەردان ٨ی ٤ی ٢٠١٧
  17. ^ ناساندنی فیلمی ھەتاھەتا و یەک ڕۆژ - سەلام سینەما - کۆتا سەردان ٨ی ٤ی ٢٠١٧
  18. ^ براوەکانی سیو پێنجەمین خولی فەجر- کۆتا سەردان ٨ی ٤ی ٢٠١٧