نەسرین بەرواری

نەسرین بەرواری
نەسرین بەرواری
لەدایکبوون	١ی کانوونی دووەمی ١٩٦٧ (تەمەن ٥٩ ساڵ); بەغدا، عێراق
پیشە	سیاسەتوان
پەروەردە	کۆلێژی کێنێدی لە زانکۆی ھارڤارد، زانکۆی بەغدا
	لە ویکیدراوە دەستکاریی زانیارییەکان بکە

نەسرین مستەفا بەرواری (لەدایکبووی ١٩٦٧، بەغدا) سیاسەتمەدارێکی عێراقی بەڕەچەڵەک کوردە و دوای داگیرکردنی عێراق لەلایەن ئەمریکاوە لە ساڵی ٢٠٠٣ وەک وەزیری شارەوانی و کارە گشتییەکان لە عێراق کاری کردووە.^[١]

ژیان

بەرواری ساڵی ١٩٦٧ لە بنەماڵەیەکی کورد لە بەغدا لە دایکبووە و لە تەمەنی چواردە ساڵیدا بەھۆی تێوەگلانی براکەی لە بزووتنەوەی کوردیدا زیندانی کراوە. لە ساڵی ١٩٩١ بڕوانامەی بەکالۆریۆسی لە بواری تەلارسازی لە زانکۆی بەغدا بەدەستھێناوە و دوای جەنگی کەنداو لە ساڵی ١٩٩١ بەرەو تورکیا ھەڵاتووە. لە ساڵی ١٩٩٩ بڕوانامەی بەکالۆریۆسی لە زانستی سیاسەتی گشتی و کارگێڕی لە زانکۆی ھارڤارد لە ئەمریکا بەدەستھێناوە، خاوەنی دکتۆرایە لە پلاندانانی ناوچەیی لە زانکۆی دۆرتمۆند. مامۆستای یاریدەدەرە لە زانکۆی دھۆک. ئەندامی لیژنەی بەڕێوەبەری پلاندانانی پارێزگای دھۆک و نوێنەری ڕێکخراوی FWEە، ڕێکخراوێکی ناحکوومییە کە تیشکی خستووەتە سەر ھاوکاری مرۆیی بۆ ئاوارە عێراقی و سوورییەکان لە حکوومەتی ھەرێمی کوردستان. توێژەری ئابووری سیاسی عێراقە لە قوتابخانەی ئابووری لەندەن. خاوەنی کۆمپانیایەکی بەرھەمھێنانی خۆراکە لە پارێزگای دھۆک.^[٢]^[٣]^[٤]^[٥]^[٦]^[٧]

پۆست و ئەندامێتی

لە ساڵی ١٩٩٩ وەزیری گەشەپێدان و ئاوەدانکردنەوە لە ھەرێمی کوردستانی کاری کردووە.
لەگەڵ فەرمانگەی نەتەوە یەکگرتووەکان لە ھەرێمی کوردستان وەک بەرپرسی فەرمانگەی نیشتەجێکردنی مرۆیی لە پارێزگای دھۆک کاری کردووە و بەشداری لە بەرنامەی ئاوەدانکردنەوەی ٤ ھەزار گونددا کردووە.
لەگەڵ نووسینگەی ھەماھەنگی نەتەوە یەکگرتووەکان بۆ ڕێکخراوە ناحکوومییەکان کاریان کردووە.
چالاکانە بەشداری لە ھاوکاریکردنی ئەو پەنابەرە کوردانەی کە لە کەمپەکانی پەنابەران لە ئێران و تورکیا دەگەڕێنەوە.
لە ساڵی ٢٠٠٤ تا ٢٠٠٦ وەزیری کارە گشتییەکان لە حکوومەتی کاتیی عێراقدا بووە.
لە ساڵی ٢٠٠٤ لەگەڵ غازی میشعەل عەجیل یاوەر، سەرۆککۆماری پێشووی عێراق ھاوسەرگیری کرد، ھاوکات ھاوسەرەکەی لە ساڵی ٢٠٠٤ تا ٢٠٠٦ سەرۆکی کۆماری عێراق بووە.

سەرچاوەکان

[1] ttps://web.archive.org/web/20081005072329/http://globalpolitician.com/25202-iraq

[2] ttps://web.archive.org/web/20210718153643/https://iop.harvard.edu/fellows/nesreen-barwari

[3] ttps://web.archive.org/web/20200809172900/http://web.uod.ac/ac/c/csa/departments/spatial-planning/academic-members/dr-nesreen-barwari/

[4] ttps://web.archive.org/web/20210601030147/https://habitat3.org/the-conference/programme/speakers/nesreen-barwari-2/

[5] ttps://web.archive.org/web/20220307062339/https://blogs.lse.ac.uk/mec/2018/04/24/understanding-the-political-economy-of-the-kri-the-way-forward-toward-better-governance/

[6] ttps://web.archive.org/web/20221018224647/https://www.lse.ac.uk/middle-east-centre/research/collaboration-programme/2016-17/zeynep-kaya.aspx

[7] ttps://web.archive.org/web/20211208095538/https://www.barwariapples.com/

[١]

[٢]

[٣]

[٤]

[٥]

[٦]

[٧]