مەھدی حافز
 | ئەم وتارە بەزۆری یان بەتەواوی پشت بە تەنیا یەک سەرچاوە دەبەستێت. (تشرینی دووەمی ٢٠٢٥) |
| مەھدی حافز | |
|---|---|
| لەدایکبوون | ١ی تەممووزی ١٩٤٣ |
| مردن | ٢ی تشرینی یەکەمی ٢٠١٧ (٧٤ ساڵ ژیاوە) |
| پیشە | سیاسەتوان، دیپلۆمات |
| پەروەردە | زانکۆی چارلز |
| ئایین | ئیسلام |
مەھدی حافز سیاسەتمەدارێکی عێراقی لەدایکبووی ساڵی ١٩٤٣ لە شاری دیوانییە لە عێراق. پێشتر وەزیری پلاندانان بووە و دواتر بووەتە ئەندامی پەرلەمانی عێراق. مەھدی ئەلحافز کۆمۆنیستێکی پێشووە و خۆی گۆڕیوە بۆ لیبرالیزم و وەزیری پلاندانانی لە یەکەم حکوومەتدا بوو کە لە ساڵی ٢٠٠٤ لەلایەن ئەیاد عەلاوی سەرۆک وەزیرانی پێشووی عێراقەوە پێکھێنرا، ئەوەش دوای ساڵێک لە ڕووخانی ڕژێمی سەددام حوسێن. مێژووی ژیانی پیشەیی ئاماژە بەوە دەکات کە لە نێوان ساڵانی ١٩٧٨ بۆ ١٩٨٠ وەک وەزیرێک لە نەتەوە یەکگرتووەکان لە ژنێڤ نوێنەرایەتی عێراقی کردووە. پاشان پەیوەندی بە ڕێکخراوی بازرگانی و گەشەپێدانی نەتەوە یەکگرتووەکانەوە کردووە، لەوێ وەک بەڕێوەبەری گەشەپێدانی پیشەسازی تایبەت لە ساڵی ١٩٨٣ تا ١٩٩٦، ھەروەھا وەک بەڕێوەبەری ناوچەیی بۆ گەشەپێدانی پیشەسازی تا ساڵی ١٩٩٩.
و لە ساڵی ١٩٩٦ەوە ئەندامی دەستەی ئەمینداران و ڕاوێژکارانی پەیمانگای ئایدۆلۆژیای عەرەبی بووە و لە ساڵی ١٩٩٨ تا ٢٠٠٠ سەرۆکی کۆمەڵگەی عەرەبی بۆ توێژینەوەی ئابووری لە قاھیرە بووە. ھەروەھا ئەندامی دامەزرێنەری ڕێکخراوی عەرەبی بۆ مافەکانی مرۆڤ بووە و لە ساڵی ١٩٨٠ەوە وەک جێگری سەرۆکی ڕێکخراوی ئەفرۆ-ئاسیا کاری کردووە. دوای تەواوکردنی خوێندنی بەکالۆریۆسی لە کیمیا، بڕوانامەی دکتۆرای لە ئابووری لە زانکۆی چارڵز لە پراگ لە چیکۆسلۆڤاکیا بەدەستھێنا.[١]
