مەقامی ئیبراھیم

مەقامی ئیبراھیم

مەقامی ئیبراھیم (بە عەرەبی: مقام إبراهيم) لە ئیسلامدا بەردێکە کە ئیبراھیم لەکاتی دروستکردنی کەعبە لەسەری وەستاوە، و ھەر لەسەر ئەو بەردە بانگی خەڵکی کردووە کە بەرەوە حەج بێن. سوونەتە حاجیان دوای تەوافکردن دوو ڕکات نوێژی سوننەتی لەپشت بکەن. دوو جار لە قورئاندا باس کراوە. ﴿وَإِذْ جَعَلْنَا الْبَيْتَ مَثَابَةً لِلنَّاسِ وَأَمْنًا وَاتَّخِذُوا مِنْ مَقَامِ إِبْرَاهِيمَ مُصَلًّى وَعَهِدْنَا إِلَى إِبْرَاهِيمَ وَإِسْمَاعِيلَ أَنْ طَهِّرَا بَيْتِيَ لِلطَّائِفِينَ وَالْعَاكِفِينَ وَالرُّكَّعِ السُّجُودِ ۝١٢٥﴾ [بەقەرە:١٢٥] (کوردی: (یادی ئەوەش بكەنەوە) چۆن ئەم ماڵەمان (كەعبە) كرده جێگای كۆبوونەوەی خەڵكی، كه بەوپەڕی هێمنی و ئاسایش و ئاسوودەییەوه لەوێ بەیەك بگەن (ده ئێوەش، خەڵكینە) مەقامی ئیبراهیم كه شوێنی تایبەتی خواپەرستی ئەو بوو، بیكەنه جێگای خواپەرستی و نوێژ، ئینجا فەرمانماندا به ئیبراهیم و ئیسماعیل كه ئەو ماڵەم خاوێن بكەنەوه (له چەپەڵی ماددی و مەعنەوی) بۆ ئەوانەی بەدەوریدا دەسوڕێنەوەو (طواف) دەكەن و تیایدا دەمێننەوەو (اعتكاف) دەكەن هەروەها بۆ كڕنووشبەران و سووژدەبەران.).