مەحموود عوسمان
لە ئینسایکڵۆپیدیای ئازادی ویکیپیدیاوە
 |
ئەم وتارە لەوانەیە پێویستی بە خاوێنکردن ھەبێت تا بگات بە شێوازی ستانداردی نووسین. |
مەحمود عوسمان ناسراو بە مەحمود سۆرانی، کەسایەتییەکی سیاسی ناوداری کوردە، لە ساڵی ١٩٣٨ لە شاری سلێمانی لەدایکبووە.
لە زانکۆی بەغداد کۆلیژی پزیشکی تەواوکردوە بەپلەی یەکەم، و نازناوی دکتۆریی هەڵگرتووە، لە تەمەنی ١٨ ساڵییەوە دەستی کردوە بەکاری سیاسی، و پەیوەندی کردوە بەهێزی ڕزگاریخوازی کوردەوە. چەندین نووسراو و بڵاوکراوەی هەیە، لەشۆڕشی نوێی کوردستان، بەتایبەتی لە باشووری کوردستان ڕۆڵی بەرچاوی هەبووە و خاوەنی کەسایەتییەکی بەهێزە. هەنووکە وەکو کەسایەتییەکی سەربەخۆ لە لیستی هاوپەیمانی کوردستاندا ئەندامی ئەنجومەنی نیشتمانی عێراقە. خاوەنی پێنج کچ و سێ کوڕە.
ژیاننامە بەکورتی[دەستکاری]
- ١٩٥٤ پەیوەندی کردوە بە هێزی ڕزگاریخوازانەوە و دەستی کردوە بە کوردایەتی.
- ١٩٦٢ بۆتە ئەندامی پارتی دیموکراتی کوردستان.
- ١٩٦٨ بووە بە نوێنەری مەلا موستەفا بارزانی بۆ بەڕێوەبردن و ڕێکخستنی پەیوەندییەکانی پارتی دیموکراتی کوردستان لەگەڵ دەرەوەدا.
- ١٩٧٠ سەرۆکی لیژنەی وتووێژکردن و ئاگربەست بووە لەنێوان کورد و ڕژێمی ئەوکاتەی بەغداد (حیزبی بەعسی عەرەبی سۆشیالیستی).
- ١٩٨٠ حیزبی سۆشیالیستی کوردستانی دروست کرد لەگەڵ ڕەسوڵ مامەند و عەدنان موفتی دا.
- ١٩٨٠ بووە بە سەرۆکی حیزبی سۆشیالیستی کوردستان.
- ١٩٩٢ لە یەکەم هەڵبژاردنی ئازادانەی ئەنجومەنی نوێنەرانی هەرێمی کوردستاندا ڕۆیشتوە.
- ١٩٩٢ کوردستانی بەجێ هێشتووە و چۆتە بەریتانیا، لەوێ ژیانی بەسەربردوە.
- ١٩٩٥ بۆ یەکەمجار گەڕاوەتەوە کوردستان.
- ٢٠٠١ ڕۆڵی دیاری بینیوە لە ئاگربەست و ڕێککەوتنی نێوان پارتی دیموکراتی کوردستان و یەکێتیی نیشتمانیی کوردستان.
- ٢٠٠٣ بووە بە ئەندام لەو ئەنجومەنە کاتییەی بەڕێوەبردنی حکومەتی عێراق.
- ٢٠٠٤ بووە بە ئەندام لە ئەنجومەنی نیشتمانی عێراقی
- ٢٠٠٥ لەهەڵبژاردنی ئەنجومەنی نیشتمانی عێراقیدا لەسەر لیستی هاوپەیمانی کوردستان خۆی پاڵاوتوە.
- ٢٠٠٦ هەڵبژێردراوە بە ئەندام لە ئەنجومەنی نیشتمانی عێراقی.
- ٢٠١٠ دیسانەوە کاندید کراوە بۆ هەڵبژاردنەکانی ئەنجومەنی نیشتمانی عێراقی[١].
پەراوێزەکان[دەستکاری]
- ↑ چاوپێکەوتنی ئاوێنە من سەرۆکی حکومەت کاندیدی کردووم
