میقداد میدحەد بەدرخان

لە ئینسایکڵۆپیدیای ئازادی ویکیپیدیاوە
Jump to navigation Jump to search

میقداد مەدحەت بەدرخان نووسەری ناوداری کورد لە بنەماڵەی بەدرخانییەکان و لە دامەزرێنەرانی‌ ڕۆژنامەی‌ کوردستان بوو.

ژیان[دەستکاری]

میقداد مەدحەت بەدرخان کوڕی‌ میر بەدرخان پاشایە. ساڵی‌ لەدایک بوون و کۆچی‌ دوایی‌ نەزانراوە. میقداد مەدحەت بەدرخان ناوێکی‌ ئاوێتەیە، ئەم شێوە ناونانە عوسمانییەکان و کوردەکانی‌ ئەو سەردەمە لە فەرەنسییەکانیان وەرگرتووە بۆ ناونانی‌ ڕۆڵەکانیان.

ساڵی‌ ١٨٩١ ھاتۆتە میسر، ساڵی‌ ١٨٩٨ لە قاھیرە پێنج ژمارەی‌ ڕۆژنامەی‌ کوردستان بڵاو دەکاتەوە. پاش ئەوە لە ترسی‌ ھەڕەشەکانی‌ سوڵتان عەبدولحەمیدی‌ عوسمانی‌ ئەگەڕێتەوە ئەستەمبوڵ، بۆ ئەوەی‌ لەسەر ئەم براکانی‌ تووشی‌ ئەشکەنجەو زیندانی‌ کردن نەبن.

ساڵی‌ ١٨٩٩ لەگەڵ عەلی‌ بەگی‌ برایدا ھەوڵ ئەدەن زەمینە بۆ شۆڕشێکی‌ نەتەوەیی‌ خۆش بکەن، بەڵام سەر ناکەون. ھەندێک لە مێژوونووسەکان ئەڵێن میقداد مەدحەت بەدرخان یەکێ‌ بووە لە ئەندامە چالاکەکانی‌ پارتی «ئیتحاد و تەرەقی‌». ساڵی‌ ١٩٠٦ لەسەر ئەو ھەڵوێستەی‌ لە تورکیا نەفی‌ کرا. ساڵی‌ ١٩١٠ و ماوەیەک پاش ڕاگەیاندنی‌ حکومەتی‌ دەستووری‌ لە ئەستەمبوڵ بەشداری‌ دەکا لە دامەزراندنی‌ «جەمعیەتی‌ نەشری‌ مەعاریفی‌ کوردی» بە پێی ھەندێ‌ سەرچاوە ماوەیەک کراوە بە موتەسەریفی‌ شاری‌ دەرسیم. بەڵام لەو ساڵە بەدواوە ھیچ شتێک دەربارەی‌ ژیانی‌ نازانرێت، میقداد مەدحەت بەدرخان جگە لەوەی‌ کە یەکەمین رۆژنامەنووس و دامەزرێنەری بزاڤی‌ کوردییە چاپخانەیەکیشی‌ بە ناوی‌ «چاپخانەی‌ ڕۆژنامەی‌ کوردستان» لە قاھیرە دامەزراندووە، کە بەیەکەمین چاپخانەی‌ کوردی‌ ئەژمێردرێت‌.

میقداد مەدحەت جگە لە زمانی‌ خۆی‌ و زمانی‌ تورکی‌ و عەرەبی‌ زمانی‌ فەرەنسیشی‌ بە باشی‌ زانیوە، بۆیە لەگەڵ بڵاوبوونەوەی‌ یەکەمین ژمارەی‌ رۆژنامەی‌ کوردستاندا کارتێکی‌ بە زمانی‌ فەڕەنسی‌ بڵاوکردۆتەوە کە شارستانی‌ بوونی‌ عەقڵی‌ میقداد مەدحەت بەدرخان نیشان ئەدات.

سەرچاوەکان[دەستکاری]