میزبان خدر ھادی

میزبان خدر ھادی
بە عەرەبی: مزبان خضر هادي
لەدایکبوون	١ی کانوونی دووەمی ١٩٣٨ مەندەلی، عێراق
مردن	١٦ی ئایاری ٢٠٢٠(٢٠٢٠-٠٥-١٦) (٨٢ ساڵ ژیاوە) ناسریە، عێراق
ھۆی مەرگ	جەڵدەی دڵ
زمانەکانی ئاخاوتن	زمانی عەرەبی
پیشە	کارمەندانی سەربازی
ئەندامی حیزبی	حیزبی بەعسی عێراق
ئایین	ئیسلام
پلەی سەربازی	سەردار
ناکۆکی	ڕاپەڕینی ١٩٩١، داگیرکردنی عێراق ٢٠٠٣، شەڕی بەسرە
لقی سەربازی	ھێزە وشکانییەکانی عێراق
لە ویکیدراوە دەستکاریی زانیارییەکان بکە

میزبان خدر ھادی (١٩٣٨–٢٠٢٠) سیاسەتمەدار و ئەفسەرێکی سەربازی عێراقی بووە بە پلەی سەردار لە سوپای عێراق لە ساڵی ١٩٣٨ لە شاری مەندەلی لەدایک بووە، کە ئێستا لە سنووری پارێزگای دیالەدایە. سەرکردە بووە لە حیزبی بەعسی عێراق. لە ساڵی ١٩٩١ تا ٢٠٠١ ئەندامی ئەنجومەنی فەرماندەیی شۆڕش بووە.

ھادی ژمارە ٢٣ بوو لەسەر کارتی داواکراوترین کەسایەتییەکانی عێراق. ھێزەکانی ئەمریکا لە ١ی ئایاری ٢٠٠٣ ھادییان لە بەغدا دەستگیرکرد، دواتر فەرماندەیی ناوەندی ئەمریکا بانگەشەی ئەوەی کرد کە ھادی لە ٨ی تەممووزی ٢٠٠٣ دەستگیرکراوە، دوای ئەوەی خۆی ڕادەستی ھێزەکانی ھاوپەیمانان کرد لە بەغدا.

ساڵی ٢٠١٠ لە دۆسیەی وشککردنی دەریاچە و زەلکاوەکان و کوشتن و ئاوارەکردنی کوردانی فەیلی، سزای لەسێدارەدانی بەسەردا سەپێندرا. ڕۆژی شەممە ١٦ی ئایاری ٢٠٢٠ لە زیندانی ئەلحووت لە ناسریە کۆچی دوایی کرد.