موتەسەڕیف
موتەسەڕیف دابەشکردنێکی کارگێڕی عوسمانی لە ئاستی دووەمدایە. ھەر ویلایەتێکی عوسمانی بەسەر ژمارەیەک موتەسەڕیفاتدا دابەشکراوە . ھەروەھا بە موتەسەڕیفاتەکان دەوترێت سەنجەق یان لیوا . موتەسەڕیفەت لەلایەن بەرپرسێکی کارگێڕییەوە بە ناوی موتەسەڕیف سەرۆکایەتی دەکرێت کە بە فەرمانی سوڵتان دادەنرێت [١] لە بەرامبەردا موتەسەڕیفەت بەسەر ژمارەیەک قەزادا دابەشکراوە[١] (جیاکاری بۆ ئاستی سێیەم). قەزاکان بەسەر ناحیەی لاوەکیدا دابەشکراون. موتەسەریفاتەکان ژێردەستەی ویلایەتەکەن و لە ھەندێک حاڵەتدا سەربەخۆن. نموونەی موتەسەڕیفە سەربەخۆکان بریتین لە موتەسەڕیفاتی قودس و موتەسەریفاتی چیای لوبنان.
