ململانێی سنووریی ٢٠٢٥ی کەمبۆدیا و تایلەند

ململانێی سنووریی ٢٠٢٥ی کەمبۆدیا و تایلەند
بابەتی لاوەکی	Cambodia–Thailand relations
جێ	سنووری کەمبۆدیا و تایلەند
ڕێکەوتی دەستپێکردن	٢٨ی ئایاری ٢٠٢٥
بەشداربوو	کەمبۆدیا، تایلەند
بەستەری وەسفکراو	https://wiki-altilunium-my-id.translate.goog/wiki/2025_Cambodia%E2%80%93Thailand_conflict?_x_tr_sl=auto&_x_tr_tl=en&_x_tr_hl=en&_x_tr_pto=wapp#Thailand
لە ویکیدراوە دەستکاریی زانیارییەکان بکە

دوای پێکدادانێکی کورت لە سنووری کەمبۆدیا و تایلەند لە ٢٨ی ئایاری ٢٠٢٥، ناکۆکییە خاکییەکانی نێوان ھەر دوو وڵات سەرلەنوێ ھەڵگیرسایەوە و بووە ھۆی تێکچوونی پەیوەندییەکان و لە کۆتاییدا دەستپێبوونی پێکدادانێکی چەکداریی ڕاستەوخۆ، کە لە ٢٤ی تەممووزی ٢٠٢٥دا دەستی پێکرد. لەم کاتەوە ھەتا ٢٦ی تەممووز، لانیکەم ٣٨ کەس لە ئەنجامی پێکدادانەکاندا کوژراون و ھەتا ٢٠٠،٠٠٠ کەسیش ئاوارە بوون.

ناکۆکییەکانی نێوان کەمبۆدیا و تایلەند لەسەر سنوورەکانیان لە پەیماننامە واژۆکراوەکانی نێوان شانشینی سیام (تایلەندی ئەمڕۆ) و کۆماری سێیەمی فەڕەنساوە سەرچاوەی گرتووە. دوای سەربەخۆییی کەمبۆدیا، پەرستگای جێناکۆکی پرێیاھ ڤیھیەر لە ساڵی ١٩٦٢دا لەلایەن دادگای نێونەتەوەییی دادەوە درایە کەمبۆدیا، بەڵام ئەم پەرستگایە و ناوچە سنوورییە کێشە لەسەرەکانی تر ھەتا ئێستاش جێناکۆک ماونەتەوە. ھەستی ناسیۆنالیستی لە ھەر دوو وڵاتدا گرژییەکانی زیاتر کردووە. لە نێوان ساڵانی ٢٠٠٨ ھەتا ٢٠١١، لە ئەنجامی پێکدادانەکانی نێوان ئەم دوو وڵاتەدا زیانی گیانی لە ھەر دوو لایەن کەوتەوە، ھەتا ئەم کاتەی کە دادگای نێونەتەوەییی داد بڕیارەکەی ساڵی ١٩٦٢ی خۆی جارێکی تر ڕاگەیاندەوە.

بەپێی سەرچاوەیەک، پێدەچێت ئەو گرژییە سەربازییانەی کە بووەتە ھۆی پێکدادانی نێوان تایلەند و کەمبۆدیا لە ٢٤ی تەمموزی ٢٠٢٥دا، بە پلەی یەکەم لە لایەنی کەمبۆدیاوە سەرچاوەی گرتبێت. ھێزەکانی کەمبۆدی پێش ڕووداوەکەی ٢٨ی ئایار چەندین پێگەیان بەھێزتر کردبوو و دوای ئەمە بەخێرایی ھێزی ستراتیژییان جێگر کردبوو. بەپێی ئەم سەرچاوەیە کەمبۆدیا لە ٣٣ و تایلەند لە ١٤ ڕووداوی پەرەسەندن بەرپرسیارە و ھەروەھا ٩ کردەوەی ھاوبەشی بۆ کەمبوونەوەی ئاستی پێکدادانەکان ئەنجام دراوە.