محەممەد نەجیب ڕووبەیعی

محەممەد نەجیب ڕووبەیعی
بە عەرەبی: محمد نجيب الربيعي
لەدایکبوون	١٤ی تەممووزی ١٩٠٤ بەغدا، عێراق
مردن	٦ی کانوونی یەکەمی ١٩٦٥(١٩٦٥-١٢-٠٦) (٦١ ساڵ ژیاوە) بەغدا، عێراق
ھۆی مەرگ	جەڵدەی دڵ
خوشک و برا	Hassib Al-Rubaie
منداڵ	Baraa Najib al-Ruba'i
پیشە	سیاسەتوان، ئەفسەری سەربازی، سەرۆک کۆمار
پۆستەکان	سەرۆک کۆماری عێراق
پێشگرێکی شەرەفمەندانە	His Excellency
ئەندامی حیزبی	سیاسەتوانی سەربەخۆ
ئایین	سوننە
ئەندامی	ڕێکخراوی ئەفسەرانی نیشتمانی
لە ویکیدراوە دەستکاریی زانیارییەکان بکە

محەممەد نەجیب ئال ڕووبەیعی لە ١٩٦٠

محەممەد نەجیب ئال ڕووبەیعی (بە عەرەبی: محمد نجيب الربيعي) (١٩٠٤–١٩٦٥)یەکەم سەرۆککۆماری عێراق بوو (سەرۆکی ئەنجومەنی سەروەری) لە ١٤ی تەممووزی ١٩٥٨ تا ٨ی شوباتی ١٩٦٣ لەگەڵ عەبدولکەریم قاسم،و یەکێک بوو لە سەرکردەکانی شۆڕشی ١٤ی تەممووز کە لە ساڵی ١٩٥٨دا دژی شا فەیسەڵی دووەم بوو.

پەروەردە

محەممەد نەجیب ڕووبەیعی لە ساڵی ١٩٠٤ لە بەغدا لەدایکبووە. محەممەد نەجیب بن عوسمان بن محەممەد بن مستەفا بەگ بن عەلی بن عەبدوڵڵا بن عەلی پاشا بن محەممەد پاشا تەیار کە شانبەشانی سوڵتان مورادی چوارەم شەڕی کرد بۆ دەرکردنی شای سەفەوی لە بەغدا لە ساڵی ١٦٣٨ زایینی. محەممەد نەجیب سەر بە عەشیرەتی ئال ڕووبەیعەیییە بووە. عەشرەتەکە کۆمەڵگەیەکی زانا و نووسەر و سیاسەتمەدار و بازرگان و کەسایەتییە دیارەکان بوون.

خوێندن

چووە ناو ئەکادیمیای سەربازی شاھانە لەکاتی دامەزراندنیدا و ناوی خۆی لە پۆلی یەکەمی (١٩٢٤–١٩٢٧) تۆمار کردووە. براکانی بە ناوەکانی حەسیب ڕووبەیعی و ڕەفیق عارف و بەسیم دووەیبیش لە ھەمان پۆلدا ناویان تۆمار کرد. لە ١ی تەممووزی ١٩٢٧ وەک ئەفسەر دەرچووە و دواتر پەیوەندی بە کۆلێژی ستافی عێراقەوە کردووە و لە ساڵی ١٩٣٥ دەرچووە. پاشان پەیوەندی بە کۆلێژی ستافەوە کرد لە شاری قونییە.

خزمەتی سەربازی

لە ڕێگەی پلە سەربازییەکانەوە بەرزبووەوە و لە ٢ی تشرینی دووەمی ١٩٥٧دا گەیشتە پلەی فەریق ڕووکن. چەندین نیشانی وەرگرتووە، لەوانە مەدالیای ڕافیدەین، پلەی سێیەم، جۆری سەربازی. لە ساڵی ١٩٥٦ بووەتە فەرماندەی فیرقەی سێی سوپای عێراق.

چالاکی سیاسی

نەجیب سەر بە ڕێکخراوی ئەفسەرانی نیشتیمانیی بوو کە لە ساڵی ١٩٤٩ لەلایەن عەقید ڕیفعەت ئەلحاج ساری دامەزرا و لە ساڵی ١٩٥٦ سەرۆکایەتی ئەو ڕێکخراوەی کرد، دوابەدوای ڕاپۆرتە ھەواڵگرییە دووبارەکان بۆ حکوومەتی شاھانەی عێراق سەبارەت بە جموجۆڵە نھێنییەکانی ئۆپۆزسیۆن لەنێوان سەرکردەکانی سوپای عێراق، فەرمانێکی شاھانەی دەرچوو کە ناوبراو وەک باڵیۆزی عێراق لە جیددە لە عەرەبستانی سعوودی دەستنیشان کرا.

سەرچاوەکان

أعیان الزمان وجیران النعمان فی مقبرة الخیزران - ولید الأعظمی - مکتبة الرقیم - الطبعة الأولی - بغداد ٢٠٠١م