محەممەد عیزەت درووزەت

محەممەد عیزەت درووزەت
بە عەرەبی: عزة دَرْوَزَة
لەدایکبوون	٢١ی حوزەیرانی ١٨٨٨ نابلوس، دەوڵەتی فەلەستین
مردن	٢٦ی تەممووزی ١٩٨٤(١٩٨٤-٠٧-٢٦) (٩٦ ساڵ ژیاوە) دیمەشق، سووریا
ناوی کاتی لەدایکبوون	محمد عزَّة بن عبد الهادي دَرْوَزَة
زمانی زگماکی	زمانی عەرەبی
زمانەکانی ئاخاوتن	زمانی عەرەبی، زمانی ئینگلیزی، زمانی تورکیی عوسمانی
پیشە	مێژووناس، سیاسەتوان، مووفەسیر، بیرمەند
شوێنی کارکردن	زانکۆی نەتەوەیی ئەلنەجاح
پەروەردە	Q12192616
قوتابیی	Musa Ibn Isa al-Qaddumi
ئەندامی حیزبی	پارتی سەربەخۆیی فەلەستین، کۆمەڵەی گەنجانی عەرەب
ئایین	ئیسلام
List of works	Q107478466
شاکارەکان	Muḏakkarāt Muḥammad ʿIzzaẗ Darūzaẗ (1)، Muḏakkarāt Muḥammad ʿIzzaẗ Darūzaẗ (2)
بزووتنەوەی ڕۆشنبیری	ناسیۆنالیزمی عەرەبی
لە ویکیدراوە دەستکاریی زانیارییەکان بکە

محەممەد عیزە بن عەبدولھادی درووزە (٢١ی حوزەیرانی ١٨٨٧ – ٢٦ی تەممووزی ١٩٨٤) بیرمەند و نووسەر و چالاکوانێکی ناسیۆنالیستی عەرەب بوو. لە نابلووس لەدایکبووە و لە دیمەشق کۆچی دوایی کردووە. جگە لە خەباتی سیاسی، نووسەر و مێژوونووس و ڕۆژنامەنووس و وەرگێڕ و وەرگێڕی قورئانی پیرۆز بووە. یەکێکە لە دامەزرێنەرانی بیری ناسیۆنالیستی عەرەبی لەگەڵ ساتیع حوسری و زەکی ئەلئەرسووزی.

خەباتەکەی شێوەیەکی یەکگرتووی وەرگرت کە ھەلومەرجی دابەشبوون و سنوورە دەستکردەکانی تێپەڕاند. بەشداری لە دامەزراندنی و چالاکی کۆمەڵە و حیزبە خەباتکارە سەندیکاگەرییەکانی سەربەخۆیی عەرەبی لە سووریای گەورە (پێش دابەشبوونی بەھۆی داگیرکاری لە ساڵی ١٩٢٠ )، وەک کۆمەڵگەی گەنجی عەرەبی و پارتی سەربەخۆیی عەرەبی و دژایەتی سیاسەتی تورکیکردن بوو. ئەندامی کۆنگرەی گشتی سووریا (١٩١٩ زایینی)، سکرتێری مەجلیسی دامەزرێنەر و یەکێک بوو لە داڕێژەرانی یەکەمین دەستووری سووریا. لە ٨ی ئازاری ١٩٢٠ لە باڵکۆنی شارەوانی دیمەشق لە گۆڕەپانی مەرجە سەربەخۆیی سووریا و دامەزراندنی شانشینی عەرەبی سووریای ڕاگەیاند. ئەو سەرکردایەتی زۆر چالاکیی دەکرد دژی ژێرفەرمانی بەریتانیا لەسەر فەلەستین و سیاسەتی دابەشکردنی خاکە عەرەبییەکان، لە ساڵانی ١٩٥٠ دا داوای یەکخستنی سووریا و میسری کرد.

زیاتر لە پەنجا کتێبی لە دوای خۆی بەجێھێشتووە لەسەر بابەتگەلی جۆراوجۆری پەیوەست بە عەرەبیزم و ئیسلام و مێژووی گشتی، لەوانە زنجیرەیەک کتێب لەسەر مێژووی بزووتنەوەی عەرەبی و سەرچاوەی ناسیۆنالیزمی عەرەب و یەکێتی عەرەبی.