محەممەد حاجی مەحموود

لە ئینسایکڵۆپیدیای ئازادی ویکیپیدیاوە
Jump to navigation Jump to search


محەممەد حاجی مەحموود
لەدایکبوون٢٦ ی حوزەیرانی ساڵی ۱۹٥۳
گوندی قەدەفەری لە خورماڵ،
پارێزگای سلێمانی
 کوردستان
 عێراق
نەتەوەکورد

محەمەدی حاجی مەحموود ناسراو بە (کاکە حەمە) لە دایکبووی ٢٦ ی حوزەیرانی ساڵی ۱۹٥۳. سکرتێری گشتی حیزبی سۆسیالیست دیمۆکراتی کوردستانە و وەزیر و ئەندام پەرلەمانی پەرلەمانی عێراق و پەرلەمانی کوردستانی عێراق بووە. لە ساڵی ۱۹۸۱ دەبێتە ئەندامی کۆمیتەی ناوەندی حیزبی سۆسیالیست دیمۆکراتی کوردستان لە پاشان دەبێتە ئەندامی مەکتەبی سیاسی حیزبەکە دواتریش وەک سکرتێری گشتی حیزب ھەڵدەبژێردرێت. محەمەدی حاجی مەحموود پەیوەندییەکی پتەوی لەگەڵ سەرکردە سیاسییەکانی کوردستان ھەیە و بەدرێژایی شۆڕش و تا ئێستاش ڕۆڵی لە نێو ھاوکێشەو نەخشەی سیاسی و کوردستاندا ھەبووە و ھەیە. خاوەنی نۆ کتێب و نامیلکەیە کە گرنگترینیان (ڕۆژمێری پێشمەرگەیەک) ە کە لە چوار بەرگ پێکھاتووە و لە کاتی خۆیدا بووە مایەی مشتومڕی نێوەندی سیاسی. کاکە حەمە جگە لە بوونی وەک کەسیاتیەکی سیاسی و گرنگی ناوچەکە لە دوای شەڕی داعشەوە فەرماندەی میحوەری کەرکەکووکە و بەردەوام ئامادەیی لە ھەموو ڕووداوە ھەستیارەکانی پرسی کوردا ھەبووە.

سەرەتایی ژیانی[دەستکاری]

محەمەد کوڕی حاجی مەحمود کوڕی مەلا محەمەد کوڕی سان ئەحمەد کوڕی عبدلقادر کوڕی شامان کوڕی حەمە ڕەش کوڕی کڵاو ڕەشی کوڕ نادرشا لە ۲٦ ی حوزەیرانی ۱۹٥۳ ی زایینی لەسەر گردەلەت لە ناوڕەشماڵدا لە گوندی قەدەفەری سەر بە ناحیەی خورماڵ ھاتۆتە دنیاوە.

لە تیرەی نادرشاییە کە یەکێکە لە تیرەکانی ھاروونی لە خێڵی جاف، دوای ئەوەی بۆ یەکەم جار تیرەو ھۆزەکانی جاف دێنە شارەزوور بنەماڵەکەی لە گوندی قەدەفەرییەوە بۆ گوندی گوڵەخانە دەگوێزنەوە کە لەو کاتەدا تەمەنی شەش مانگ بووە و دایکی بە نەخۆشیەکی کتوپڕ کۆچی دوای کردووە و (نازدار عبدالرحمن حاجی فرجی) باوەژنی لە پەروەردەکردنیدا زۆر ماندوو بووە. حاجی مەحمودی باوکی لە شەوی یەکشەممە ڕێکەوتی ۱۳/۱٤ ی ساڵی ۱۹۷٤ لە پاش پێنجەم حەجی لە ماڵەکەی خۆیدا لە گوندی گوڵەخانە کۆچی دوای دەکات کە لەوکاتەدا کاکە حەمە تەمەنی ۲۱ ساڵ بووە. کاکە حەمە نەچووەتە قوتابخانە بەڵکو بە ھەوڵی خۆی فێری خوێندن و نووسین بووە و یەکەمین کتێب کە خوێندبێتیەوە ڕۆمانی دایک بووە لەوکاتەدا. باوکی سێ ژنی ھەبووە و کەدوای خۆی ئەم مناڵانەی جێھێشتووە (محەمەدی حاجی مەحمود، عەلی، عەبدوڵا، ئامین، روقیە، پرشنگ، ئایش، گەلاوێژ، خاوەر، فانۆس).

سەرەتای ژیانی سیاسی دەگەڕێتەوە بۆ ساڵی ۱۹٦٤، ئەوکاتە ھەرچەنە تەمەنی کەم بووە بەڵام ئارەزووی پێشمەرگایەتی ھەبووە. چەندین جار داوای کردووە بەشداری شوڕشەکانی ئەو سەردەمە بکات بەڵام بەھۆی کەمی تەمەنیەوە ڕەتکراوەتەوە بەڵام بەھۆی کۆڵنەدان و بەردەوامبوونی لەسەر ھەستکردن بە بەرپرسیارێتی نەتەوەیی و نیشتیمانی لەوکاتە بەدواوە وەک پێشمەرگەیەکی تێکۆشەر و چاونەترس دەستی داوەتە چەک بۆ بەرگری کردن لە خاک و نیشتیمان، دڵسۆزی بۆ خاک و نیشتیمانەکەی وای لێکردووە ھەوڵی داوە بیری نیشتیمانی بەھێز بکات لە دەڤەرەکەدا و زۆرێک لە خزم و ھەڤاڵانی لە خۆی کۆبکاتەوە. پاشان یەکێک بووە لەو حەوت پێشمەرگەیەیی شۆڕشی نوێیان دەست پێکردووە. یەکەمین فیشەکی شۆڕشی نوێ لەلوولەی تفەنگەکەی کاکە حەمەوە دەرچووە.

خێزان و ژیانی تایبەتی[دەستکاری]

محەمەدی حاجی محمود لە ئێستادا خاوەنی سێ ژن و شەش کچ بە ناوەکانی (عطیە، کوێستان، شەرام، شارا، ڕێژین، کوردستان) و سێ کوڕ بە ناوەکانی (ڕێبین و ئاریان و ئارین) وە دوو کوڕیشی بەناوەکانی (عەتا و پشتیوان) شەھیدن. یەکەم جاریش مانگی ۱۱ ی ساڵی ۱۹٦۷ لەگەڵ کچە ئامۆزایەکی بەناوی (گەردە ڕۆستەم) ھاوسەرگیری کردووە. محەمەدی حاجی مەحموود سەڕەرای کاری سیاسەتلە گوندەکەی خۆیدا خەریکی کاری جوتیاریەو جوتیاری بەشێکە لە ژیانی.

سەرچاوە[دەستکاری]