مانفرێد ڤۆن ڕیچتۆفین

مانفرێد ئەلبێرت فرایھێر ڤۆن ڕیچتۆفێن (بە ئینگلیزی: Manfred Albert Freiherr von Richthofen) (٢ی ئایاری ١٨٩٢ - ٢١ی نیسانی ١٩١٨) فڕۆکەوانێکی-جەنگیی ئەڵمانی بوو، کە بە بارۆنی سوور ناسرابوو. بەناوبانگترین فڕۆکەوانی تاک نیشان بووە لە کاتی جەنگی جیھانیی یەکەم، بە فەرمی زیاتر لە ٨٠ فڕۆکەی دووژمنی خستووەتە خوارەوە. ڕیچتۆفێن لە بنەماڵەیەکی ئەرستۆکراتی بووە و ژمارەیەک خزم و کەسوکاری بەناوبانگی ھەبووە.