مازن فوقەھا
| مازن فوقەھا | |
|---|---|
| بە عەرەبی: مازن فقهاء | |
| لەدایکبوون | ٢٤ی ئابی ١٩٧٩ |
| مردن | ٢٤ی ئازاری ٢٠١٧ (٣٧ ساڵ ژیاوە) |
| زمانەکانی ئاخاوتن | زمانی عەرەبی |
| ئایین | ئیسلام |
مازن محەممەد سلێمان فوقەھا (بە عەرەبی: مازن فقهاء؛ ٢٤ی ئابی ١٩٧٩ – ٢٤ی ئازاری ٢٠١٧) فەرماندەیەکی باڵای کەتیبەکانی عیزەدین قەسام، باڵی سەربازیی بزووتنەوەی حەماس بوو. ئەو لە ساڵی ٢٠٠٣دا لەلایەن ئیسرائیلەوە سزای ٩ زیندانی ھەتاھەتایی بەسەردا سەپێنرا، ئەمەش بەھۆی بەشداریکردنی لە پلاندانان و جێبەجێکردنی چەندین کردەوە کە لە ساڵی ٢٠٠١ەوە دەستی پێکرد. لە چوارچێوەی ئاڵوگۆڕی دیلەکانی گیلعاد شەلیت لە ساڵی ٢٠١١دا ئازاد کرا و دیپۆرت کرایەوە بۆ غەززە. دوای ئازادکردنی، یەکێک بوو لە دامەزرێنەران و سەرکردەکانی نوێنەرایەتیی حەماس لە کەناری ڕۆژاوا.
ژیاننامە
[دەستکاری]فوقەھا لە ساڵی ١٩٧٨ لەدایک بووە[١] خەڵکی شاری توباس بووە لە باکووری ڕۆژھەڵاتی نابلووس لە کەناری ڕۆژاوا.[٢] خوێندنی لە توباس تەواو کردووە، پاشان لە زانکۆی نەتەوەیی نەجاح لە شاری نابلوس ئابوری خوێندووە. لە ساڵی یەکەمی خوێندنی لە زانکۆکەدا پەیوەندی بە لیواکانی عیزەدین قەسامەوە کردووە کە باڵی سەربازی حەماسە.[٣]
لە ٥ی ئابی ٢٠٠٢، لە کاتی ڕاپەڕینی دووەمدا لە توباس دەستگیرکراوە و لە ساڵی ٢٠٠٣ لەلایەن ئیسرائیلەوە بەھۆی پلاندانان بۆ ھێرشکردنە سەر ئیسرائیلییەکان زیندانی کراوە. ناوبراو بەھۆی ڕۆڵی لە ھێرشی پاس ٣٦١ی مێرۆن جانکشن کە بووە ھۆی کوژرانی نۆ ئیسرائیلی،[٢] بەڵام یەکێک بوو لەو زیاتر لە ھەزار فەلەستینی کە لە ساڵی ٢٠١١دا ئازادکران و دیپۆرتکرانەوە بۆ غەززە[٢][١] ھەروەھا پەیوەندی بە تەقینەوەی خۆکوژی چێشتخانەی سبارۆوە ھەبووە.[٣]
دوای ئازادکردنی، فوقەھا و عەبدولڕەحمان غەنیمەت بەشی کەناری ڕۆژاوای حەماسیان دامەزراند، کە لە سەردەمی ساڵح عاروری کاریان دەکرد و پێکھاتبوو لە چەکدارانی کەناری ڕۆژاوا کە دورخرابونەوە بۆ غەززە.[٢] لە کاتی کۆچی دواییدا، وەقھا یەکێک بوو لە فەرماندە سەربازییە باڵاکانی حەماس لە کەرتی ڕۆژاوا.[٤][١]
مردن
[دەستکاری]فەقھا لە ٢٤ی ئازاری ٢٠١٧ لە گەڕەکی تەل ھەوا لە شاری غەززە لە بەردەم ماڵەکەی خۆیدا بە شێوەیەکی کوشندە تەقەی لەسەر و سنگی کرا[١] ھەزاران کەس ئامادەی پرسەکەی بوون.[٥] دوای تیرۆرکردنەکە، فەرماندەیی باشووری ھێزی بەرگری ئیسرائیل خرایە حاڵەتی ئامادەباشی بەرزەوە، چونکە ئیسرائیل ترسی تۆڵەسەندنەوەی حەماسی ھەبوو. لە کاروانی پرسەی فەقھا لە شاری غەززە لە ٢٥ی ئازاردا، ڕێپێوانکەران ھاواریان دەکرد «تۆڵە بکەرەوە، تۆڵە بکەرەوە». خەلیل حەیا، جێگری یەحیا سینوار، بەڵێنی تۆڵەسەندنەوەی دا.[٤] حەماس خاڵی پشکنینی لە سەرتاسەری غەززە دانا و ڕێگری لە چوونەدەرەوەی دانیشتووان و کرێکارانی بیانی کرد.[٦]
بزووتنەوەی حەماس لە ١١ی مانگی ئایار ڕای گەیاند کە ئەو کەسەی کە گوایە بکوژی فەقھای دەستگیر کردووە. حوسام بەدران[٢] وتەبێژی نێودەوڵەتی حەماس و ئیسماعیل ھەنییە، سەرۆکی سیاسی تازە ھەڵبژێردراوی حەماس ڕایان گەیاند کە بکوژەکە لەگەڵ ئیسرائیل کاریان کردووە، بەڵام ناسنامەکەیان ئاشکرا نەکردووە.[٧] ئیسرائیل ھیچ لێدوانێکی لەسەر ئەو کوشتنە بڵاونەکردەوە.[١]
سەرچاوەکان
[دەستکاری]- 1 2 3 4 5 «Hamas says it has arrested killer of Mazen Faqha». Al Jazeera English. ١١ی ئایاری ٢٠١٧. لە ١ی کانوونی یەکەمی ٢٠٢٣ ھێنراوە. ھەڵەی ژێدەرەکان: تاگی
<ref>ی ھەڵە؛ ناوی «Arrested» زیاتر لە یەک جار پێناسە کراوە لەگەڵ ناوەڕۆکی جیاوازدا - 1 2 3 4 5 Abrams، Adam (٢٦ی ئازاری ٢٠١٧). «Hamas accuses Israel of assassinating terror commander, vows revenge». Jewish News Syndicate. لە ١ی کانوونی یەکەمی ٢٠٢٣ ھێنراوە. ھەڵەی ژێدەرەکان: تاگی
<ref>ی ھەڵە؛ ناوی «JNS» زیاتر لە یەک جار پێناسە کراوە لەگەڵ ناوەڕۆکی جیاوازدا - 1 2 الشھید القائد مازن فقھا [The martyr leader Mazen Fuqaha]. Palestinian Information Center (بە Arabic). ٢٥ی ئازاری ٢٠١٧. لە ڕەسەنەکە لە ١٤ی نیسانی ٢٠٢٠ ئەرشیڤ کراوە. لە ١ی کانوونی یەکەمی ٢٠٢٣ ھێنراوە.
{{cite news}}: ڕاگرتنی شێوازی سەرچاوەی ١: زمانی نەناسراو (بەستەر) ھەڵەی ژێدەرەکان: تاگی<ref>ی ھەڵە؛ ناوی «Palinfo» زیاتر لە یەک جار پێناسە کراوە لەگەڵ ناوەڕۆکی جیاوازدا - 1 2 Issacharoff، Isaac (٢٦ی ئازاری ٢٠١٧). «As Israeli forces go on high alert after Faqha killing, Hamas may be looking to avoid a war». Times of Israel. لە ١ی کانوونی یەکەمی ٢٠٢٣ ھێنراوە. ھەڵەی ژێدەرەکان: تاگی
<ref>ی ھەڵە؛ ناوی «Funeral» زیاتر لە یەک جار پێناسە کراوە لەگەڵ ناوەڕۆکی جیاوازدا - ↑ «Thousands attend Gaza funeral of slain Hamas official».
- ↑ «Hamas executes 3 members accused of killing terror leader». Times of Israel. ٢٥ی ئایاری ٢٠١٧. لە ١ی کانوونی یەکەمی ٢٠٢٣ ھێنراوە.
- ↑ «Hamas says it has arrested assassin of top commander». aljazeera.com. لە ٣ی کانوونی یەکەمی ٢٠٢٣ ھێنراوە.
 | ئەم ژیاننامە وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |