لەیلا حاتەمی

لەیلا حاتەمی
لەدایکبوون	(١٩٧٢-٠٨-٠١) ١ی ئابی ١٩٧٢ تاران، ئێران
نەتەوە	ئێرانی
پیشە	خانمەکتەر
چالاکبوون	١٩٩٦ – ئێستا
ھاوسەر	عەلی موسەففا (لەوەتەی ١٩٩٨)
مناڵ(ەکان)	مانی (لەدایکبووی ٢٠٠٧) عەسەل (لەدایکبووی ٢٠٠٨)
وێبگە	ماڵپەڕی نافەرمی

لەیلا حاتەمی (فارسی: لیلا حاتمی؛ لەدایکبووی ١ی ئابی ١٩٧٢ لە تاران) خانمەکتەر و دەرھێنەرێکی ئێرانییە. کچی دەرھێنەر عەلی حاتەمییە، و ھاوسەری ئەکتەر؛ عەلی موسەففایە. چەندان خەڵاتی فێستیڤاڵە نێوخۆیی و جیھانییەکانی بەدەست ھێناوە.

ژیاننامە

دوای تەواوکردنی خوێندنی ئامادەیی، دەچێتە سویسڕا و دەست دەکا بە خوێندنی ئەندازیاریی میکانیکی. دوای دوو ساڵ خوێندنەکەی گۆڕیوە بۆ ئەدەبی فەڕەنسی، دوای تەواوکردنی خوێندنەکەی گەڕاوەتەوە ئێران. لەپاڵ زمانە زگماکییەکەی کە فارسییە، زمانەکانی فەڕەنسی، ئینگلیزی و ئەڵمانی بەتەواوی دەزانێت.

دوای ماوەیەک لە وچان، دەچێتە نێو بواری سینەما بە بەشداریکردنی لە فیلمی لەیلا، ڕۆڵبینیەکەی لەم فیلمە پێشوازیێکی ئەرێنی لێ کرا لەلایەن ڕەخنەگران و بینەرانەوە.

لە ساڵی ١٩٩٩ ھاوسەرگیری لەگەڵ عەلی موستەففا کرد، کە ئەویش ئەکتەرێکی سەرەکیی فیلمی لەیلا بوو. دوو مناڵیان ھەن؛ کوڕێک بە ناوی مانی (لەدایکبووی ٢٠٠٧) و کچێک بە ناوی عەسەل (لەدایکبووی ٢٠٠٨).

لەیلا حاتەمی لەگەڵ چەند ئەکتەرێکی تر، لە فێستیڤاڵی فیلمی کەن (دووەم کەس لەلای چەپ)

سەرچاوەکان

• ویکیپیدیای ئینگلیزی، «Leila Hatami»، ئازاری ٢٠١٦.
• ویکیپیدیای فارسی، «لیلا حاتمی»، ئازاری ٢٠١٦.