لەخۆڕوانی

لەخۆڕوانی بریتییە لە پشکنینی ھەستەکانی دەروون و ھزرە وشیارانەکانی خۆ. ئەوەیە کە تاک خۆی بە وردی بڕوانێتە ھەست و ھزر و بیرەوریی خۆیدا و سەرنجیان بداتێ.

لە سایکۆلۆژیدا، لەخۆڕوانی لەسەر ئەو باوەڕە دامەزراوە کە ھەر کەس خۆی باشتر لە ھەموو کەسێکی تر خۆی دەناسێ. ھەر بەم بۆنەوە، ئەگەر باش بڕوانێ بە ناخی خۆیدا، دەتوانێ وەڵامی پرسیارەکانی و ڕێچارەی گیروگرفتەکانی بدۆزێتەوە. ھەڵبەت ئەم ئیددیعایە ئێستا ڕەخنەی زۆری لەسەرە.