لاهای
| لاهای | |
|---|---|
| بە هۆڵەندی: 's-Gravenhage | |
 | |
| دامەزران | ١ی کانوونی دووەمی ١٢٠١ |
| ناو بە زمانی فەرمی | 's-Gravenhage |
| ئەرشیڤەکان لە | Haags Gemeentearchief |
| کارە کۆکراوەکان | Netherlands Photo Museum، Netherlands Open Air Museum، Nieuwe Instituut |
| دروشم بە کوردی | Vrede en Recht |
| دروشم | Vrede en Recht |
| کیشوەر | ئەورووپا |
| وڵات | ھۆڵەندا |
| پایتەختی | باشووری ھۆڵەند |
| دابەشکاریی کارگێڕی | باشووری ھۆڵەند |
| پۆتانی شوێن | ٥٢°٤′٤٨″N ٤°١٨′٣٦″E |
| نووسینگەی بەڕێوەبردن | mayor of The Hague |
| سەرۆک | Jan van Zanen |
| دەستەی جێبەجێکردن | college van burgemeester en wethouders of The Hague |
| ئەندامی | Climate Alliance of European cities with indigenous rainforest peoples، فیدراسیۆنی شارە گەشتیارییەکانی جیھان، League of Historical Cities |
| دانیشتووان | ٥٤٨٬٣٢٠ |
| نیشتەجێبوون | Haagoord، Scheveningen، Loosduinen |
| بەرزی لە ئاستی دەریا | ١ مەتر |
| Visitor center | Q27967856 |
| ڕووبەر | ٩٨٫١٢ کیلۆمەتر چوارگۆشە، ٩٨٫١٣ کیلۆمەتر چوارگۆشە |
| کۆدی پۆستە | 2491–2599 |
| Phone number | +31070 |
| ناونیشانی ئیمەیڵ | mailto:ibdienstpost@denhaag.nl |
| وێبگە | https://www.denhaag.nl/ |
| وەسفی ئاڵا | flag of The Hague |
| وەسفی نیشان | coat of arms of The Hague |
| شوێنەوارەکان | Q2668952، Gemeentelijke monumenten in Den Haag، list of war memorials in Den Haag |
| ئابووری بابەت | economy of The Hague |
| بەستەر | http://data.wordlift.io/wl01254/entity/den_haag |
| کۆدی تەلەفۆن | 070 |
 | |
لاھای پایتەختی پارێزگای ھۆڵەندای باشوورە لە ھۆڵەندا. بە ژمارەی دانیشتووانی زیاتر لە نیو ملیۆن کەس، سێیەم گەورەترین شاری ھۆڵەندایە. لاھای کە دەکەوێتە کەناری ڕۆژاوا و ڕووبەڕووی دەریای باکوورە، ناوەندی کارگێڕیی وڵاتەکە و بارەگای حکوومەتەکەیەتی، و لە سەردەمی کۆماری ھۆڵەنداوە وەک پایتەختی دی فاکتۆ (کرداریی) وڵاتەکە وەسف کراوە، لەکاتێکدا ئەمستەردام پایتەختی فەرمیی ھۆڵەندایە.[١]
لاھای شارەوانیی سەرەکیی ناوچەی شاریی لاھای گەورەیە کە زیاتر لە ٨٠٠٬٠٠٠ نیشتەجێی تێدایە، و ھەروەھا بەشێکە لە ناوچەی گەورەشاری ڕووەتەردام-لاھای، کە بە ژمارەی دانیشتووانی نزیکەی ٢٫٦ ملیۆن کەس، گەورەترین ناوچەی گەورەشاری ھۆڵەندایە. شارەکە ھەروەھا بەشێکە لە ناوچەی ڕاندستاد، کە یەکێکە لە گەورەترین کۆمەڵەشارەکانی ئەورووپا.
لاھای بارەگای کابینە، ستاتن جەنەراڵ (پەرلەمان)، دادگای باڵا، و ئەنجومەنی دەوڵەتی ھۆڵەندایە.[٢] پاشا ویلیەم ئەلێکساندەر بە فەرمی لە کۆشکی ھاوس تێن بۆش دەژی و لەگەڵ شاژنە ماکسیما لە کۆشکی نۆردێیندێ کار دەکات. زۆربەی باڵیۆزخانە بیانییەکان لە ھۆڵەندا لەم شارەدان. لاھای ھەروەھا شوێنی بنکەی سەرەکیی چەندین کۆمپانیای ھۆڵەندییە، کە کۆمپانیای شێڵیش نووسینگەی سەرەکیی لەم شارەدا ھەیە. کتێبخانەی شاھانەی ھۆڵەنداش لەوێ ھەڵکەوتووە. ناوچەی کەنار دەریای لاھای ھاوینەھەواری کەنار دەریای ناسراوی شێڤێنینگەن لەخۆدەگرێت.
لاھای وەک ناوەندی جیھانیی یاسا و ناوبژیوانیی نێودەوڵەتی ناسراوە. دادگای نێونەتەوەییی داد کە دەسەڵاتی دادوەریی سەرەکیی نەتەوە یەکگرتووەکانە لەم شارەدایە، ھەروەھا دادگای تاوانی نێونەتەوەیی، دادگای ھەمیشەییی ناوبژیوانی، ڕێکخراوی قەدەغەکردنی چەکە کیمیایییەکان، یۆرۆپۆل و نزیکەی ٢٠٠ ڕێکخراوی حکوومیی نێودەوڵەتیی تر بنکەکانیان لەم شارەدایە.[٣] ناوی «لاھای» بە گشتی وەک خوازەیەک بەکاردێت بۆ ئاماژەکردن بە ھەر یەکێک لە دادگا نێودەوڵەتییەکان کە لەم شارەدا جێگیرن. شارەکە میوانداریی چەندین کۆنفرانسی نێودەوڵەتیی دیاری کردووە، لەوانە لووتکەی ئاسایشی ئەتۆمیی ٢٠١٤ و لووتکەی ناتۆی ٢٠٢٥.
سەرچاوەکان
[دەستکاری]- ↑ Kaufmann، David (٢٠١٨). Varieties of Capital Cities: The Competitiveness Challenge for Secondary Capitals. Cheltenham, UK: Edward Elgar Publishing. ژپنک ٩٧٨-١-٧٨٨١١-٦٤٣-٥. OCLC ١٠٤٩٨٠٢٥١٧.
- ↑ Daum، Andreas (٢٠٠٥). Berlin – Washington, 1800–2000 Capital Cities, Cultural Representation, and National Identities. Cambridge University Press. لاپەڕە ١٣, ٣٨. ژپنک ٠-٥٢١-٨٤١١٧-٨. لە ٣ی ئایاری ٢٠١٦ لە ڕەسەنەکەوە ئەرشیڤ کراوە. لە ٢٣ی تشرینی یەکەمی ٢٠١٥ ھێنراوە.
Amsterdam is the statuary capital of the Netherlands, while the Dutch government resides in De Hague. (sic) (p. 13) The Dutch seat of government is The Hague but its capital is bustling Amsterdam, the national cultural centre. (p. 38)
- ↑ «Internationale organisaties in Den Haag». Gemeente Den Haag (بە هۆڵەندی). لە ڕەسەنەکە لە ٤ی شوباتی ٢٠١٩ ئەرشیڤ کراوە. لە ٣ی شوباتی ٢٠١٩ ھێنراوە.
