قاسم عەبد
 | ئەم وتارە چەند کێشەیەکی ھەیە. تکایە یارمەتی باشترکردنی بدە یان ئەم کێشانە لەسەر پەڕەی لێدوانەکەی باس بکە. (فێربە کەی و چۆن ئەم داڕێژەیە لابەریت)
|
| قاسم عەبد | |
|---|---|
| لەدایکبوون | ١ی کانوونی دووەمی ٢٠٠٠ بەغدا، عێراق |
| پیشە | دەرھێنەری فیلم |
| ئایین | شیعە |
قاسم عەبد دەرھێنەر و بەرھەمھێنەر و سینەماکارێکی عێراقی خاوەن خەڵاتە و کامێرامانی ھەموو فیلمەکانییەتی. دەرچووی پەیمانگای ھونەرە جوانەکانی بەغدایە و بڕوانامەی ماستەری لە پەیمانگای سینەما لە مۆسکۆ بەدەستھێناوە. پاشان لە ساڵی ١٩٨٢ ڕووی لە لەندەن کردووە و لەوێ بەردەوام بووە لە ژیان و کارکردنی وەک دەرھێنەر.
لە ساڵی ٢٠٠٤ لەگەڵ ھاوڕێی دەرھێنەری عێراقی-بەریتانیی میسۆن عەدنان باجی، کۆلێژی فیلم و تەلەڤیزیۆنی سەربەخۆ و قازانج نەویستیان لە بەغدا دامەزراندووە و خوێندکارەکانی لە فێستیڤاڵە سینەمایییە ناوخۆیی و نێونەتەوەیییەکان لە عێراق ٢٢ خەڵاتیان بەدەستھێناوە.
لەم دواییانەدا قاسم ئەندامی لیژنەی دادوەری بووە لە فێستیڤاڵی سینەمایی ئەبووزەبی لە ساڵی ٢٠١٠ و فێستیڤاڵی نێونەتەوەیی سینەمایی ئیسماعیلییە ساڵی ٢٠١٣ و سەرۆکی دەستەی دادوەری بووە لە فێستیڤاڵی سینەمایی سەربەخۆی سوودان لە ساڵی ٢٠٢٠. ھەروەھا بەڕێوەبەری ڕێکخەری فێستیڤاڵی فیلمی بەڵگەنامەیی بەغدا و ساڵی ٢٠١٢ی فێستیڤاڵی چاوی بەغدا لە عێراق بووە.
لە کەناڵی مانگی دەستکردی عەرەبی ئێم بی سی لە لەندەن وەک بەرپرسی بەشی بەرنامە بەڵگەنامەیییەکان و لە کەناڵی مانگی دەستکردی ئەی ئێن ئێن سەرۆکی بەشی فۆتۆگرافی لە ساڵانی نەوەدەکاندا کاری کردووە.[١]
