فێدێریکا مۆگێرینی

فێدێریکا مۆگێرینی
لەدایکبوون	١٦ی حوزەیرانی ١٩٧٣ ڕۆما، ئیتالیا
نەتەوە	ئیتالی
خاوەنکار	نوێنەری باڵای یەکێتیی ئەورووپا لە سیاسەتی دەرەکی و کاروباری ئاسایش
ڕێکخراو	یەکێتیی ئەورووپا
ناسراوە بە	وەزیری پێشووی دەرەوەی ئیتالیا
ھاوسەر	ماتیۆ ڕێبێسانی
مناڵ(ەکان)	دوو کچ، کاترینا و مارتا

فێدێریکا مۆگێرینی (بە ئیتالی: Federica Mogherini، لەدایکبووی ١٦ی حوزەیرانی ١٩٧٣) کەسایەتی سیاسیی ئیتالییە. لە ٢١ی شووباتی ٢٠١٤ ھەتا ٣١ی تشرینی یەکەمی ٢٠١٤ وەزیری دەرەوەی ئیتالیا بوو و پاشان لە ١ی تشرینی دووەمی ٢٠١٤ بوو بە جێگرەوەی کاترین ئەشتۆن لە پۆستی نوێنەری باڵای یەکێتیی ئەورووپا لە سیاسەتی دەرەکی و کاروباری ئاسایش.

فێدێریکا دەرچووی بەشی زانستە سیاسییەکانە لە زانکۆی ساپیێنزای ڕۆما و ھەڵگری بڕوانامەی دوکتۆرایە لە فەلسەفەی سیاسیی کە دوکتۆرانامەکەی لەسەر پەیوەندیی نێوان ئایین و سیاسەتە لە ئایینی ئیسلام. باوکی فێدێریکا فلاڤیۆ مۆگێرینی (١٩٢٢-١٩٩٤) دەرھێنەر و دیزاینەر بووە. فێدێریکا شووی کردووە بە ماتیۆ ڕێبێسانی کە دوو کچیان ھەیە بەناوەکانی کاترینا (٢٠٠٥) و مارتا (٢٠١٠).