فڕۆکەی دەریایی

بەلەمێکی فڕیوی وشکاوەکیی جۆری گرومان جی-١١١ ئەلباترۆس لە کاتی نیشتنەوەدا

فڕۆکەیەکی ئۆ ئێس ٢ یوو کینگفیشەر لە ساڵی ١٩٤٤. فڕۆکە ئاوییەکان بە شێوەیەکی باو لە جەنگی جیھانیی دووەمدا بۆ سیخوڕی و گەڕان و ڕزگارکردن بەکاردەھێنران. لە کەشتییەکان یان کەشتییە دابینکەرەکانی فڕۆکەی ئاوییەوە ھەڵدەدران، یان دەیانتوانی لە بارودۆخی گونجاودا لەسەر ئاو بفڕن.

فڕۆکەی ئاوی یان دەریایی فڕۆکەیەکی باڵ-جێگیری خاوەن بزوێنەرە کە توانای فڕین و نیشتنەوەی لەسەر ئاو ھەیە. فڕۆکە ئاوییەکان بە شێوەیەکی گشتی بەپێی تایبەتمەندییە تەکنەلۆژییەکانیان دابەش دەبن بەسەر دوو پۆلدا: فڕۆکەی سەر فڵۆت (floatplanes) و بەلەمە فڕیوەکان (flying boats)؛ جۆری دووەمیان بە گشتی زۆر گەورەترن و دەتوانن باری زۆر زیاتر ھەڵبگرن. ئەو فڕۆکە ئاوییانەی کە دەتوانن لەسەر فڕۆکەخانەکانیش بفڕن و بنیشنەوە، دەکەونە ژێرپۆلێکەوە کە پێیان دەوترێت فڕۆکەی وشکاوەکی، یان ئەمفیبیان. فڕۆکە ئاوییەکان ھەندێک جار پێیان دەوترا ھایدرۆپلەین، بەڵام لە ئێستادا ئەم زاراوەیە لەبری ئەوە بۆ ئەو ئامێرە ئاوییە بزوێنەر-دارانە بەکاردێت کە تەکنیکی بەرزکردنەوەی ھایدرۆداینامیکی بەکاردەھێنن بۆ خلیسکانی سەر ڕووی ئاو لە کاتی لێخوڕینی خێرادا.